ہیڈنگ: کراچی بائیکرز کلب اور سیلانی ویلفیئر کے اشتراک سے گلستانِ اسکاؤٹس سینٹر میں بائیکرز کے لیے ٹریفک سیفٹی، CPR، فرسٹ ایڈ اور فائر فائٹنگ کا خصوصی تربیتی سیشن، ایس ایس پی ٹریفک قمر رضوی کی خصوصی شرکت
کراچی: کراچی بائیکرز کلب اور سیلانی ویلفیئر انٹرنیشنل ٹرسٹ کے باہمی اشتراک سے بائیکرز کے لیے سی پی آر، فرسٹ ایڈ، فائر فائٹنگ اور ٹریفک قوانین سے متعلق آگاہی سیشن کا انعقاد گلستانِ اسکاؤٹس ٹریننگ سینٹر میں کیا گیا۔ اس موقع پر چیف گیسٹ ایس ایس پی ٹریفک پولیس سینٹرل جناب قمر رضوی نے خصوصی شرکت کی اور بائیکرز کی رہنمائی کے لیے جامع خطاب کیا۔
اس تقریب میں سیلانی ویلفیئر انٹرنیشنل ٹرسٹ کے میڈیکل سینٹر کے ڈائیریکٹر جناب عارف لاکھانی, ایڈمنسٹریٹر وزیر رضاء اپنی شرکت سے محفل کو وقار بخشا۔ کراچی بائیکرز کلب کی گورننگ باڈی جن میں چیئرمین دانش شاہد، صدر ذیشان مجاہد، نائب صدر عبدالوکیل، جنرل سیکریٹری اعظم ابڑو، فنانس سیکریٹری دانش عبدالرحمن، جوائنٹ سیکریٹری حذیفہ، ایڈیشنل جوائنٹ سیکریٹری شیراز، اور انفارمیشن سیکریٹری قاضی سبحان,ایڈمن سلمان شریف اور تمام مارشلز شامل تھے جنہوں نے پروگرام کے تمام انتظامات بخوبی نبھائے۔
تقریب میں مختلف اداروں سے تعلق رکھنے والی نمایاں شخصیات نے بھی شرکت کی جن میں سول ڈیفنس کے کمانڈنٹ محبوب شیخ،سندھ بوائے اسکاوٹس ایسوسی ایشن.کے پروونشل سیکرٹری اختر میر, موٹر وے پولیس کے انسپکٹر کامران عاشق، زھاویہ ھیلتھ کیئر سے میڈم نورین اور QHSE کے ماہرین عزمت علی اور ذاکر , اسکاؤٹس لیڈر صفدر شامل تھے۔
چیف گیسٹ ایس ایس پی ٹریفک قمر رضوی نے اپنے خطاب میں شہریوں خصوصاً بائیکرز کو ٹریفک قوانین کی پابندی کی ضرورت اور ای چالان سسٹم کی افادیت سے متعلق مفصل گفتگو کی۔ انہوں نے کہا کہ قانون کی پاسداری نہ صرف شہریوں کی اپنی حفاظت کے لیے ضروری ہے بلکہ شہر کے ٹریفک نظام کو بھی بہتر بناتی ہے۔
موٹر وے پولیس کے انسپکٹر کامران عاشق نے ہائی وے اور موٹر وے قوانین، اسپیڈ لمٹ، بائیکرز کے لیے محفوظ سفر کے اصول اور حادثات سے بچاؤ سے متعلق اہم نکات پر روشنی ڈالی اور شرکاء کو عملی مثالوں کے ذریعے آگاہ کیا۔
سی پی آر سیشن میں محترمہ نورین نے شرکاء کو دل کی دھڑکن رک جانے کی صورت میں فوری طبی امداد دینے کے جدید اصول سکھائے اور عملی مشق بھی کرائی۔ اس تربیت نے بائیکرز کو ہنگامی صورتحال میں انسانی جان بچانے کی مہارت سے روشناس کیا۔
فرسٹ ایڈ کی تربیت سابق کمانڈنٹ سول ڈیفنس سرفراز جعفری نے دی جنہوں نے زخمیوں کو ابتدائی طبی امداد فراہم کرنے کے بنیادی اور لازمی طریقے سکھائے۔ انہوں نے حادثات کے دوران کیے جانے والے درست اور بروقت اقدامات کی اہمیت واضح کی۔
فائر فائٹنگ کا عملی سیشن سابق کمانڈنٹ سول ڈیفنس عارف معین نے کرایا جنہوں نے آگ لگنے کی صورت میں فوری ردعمل، فائر ایکسٹینگشر کے درست استعمال اور محفوظ انخلا کے طریقے تفصیل سے سمجھائے۔
پروگرام کے اختتام پر کراچی بائیکرز کلب اور سیلانی ویلفیئر نے تمام شرکاء کا شکریہ ادا کیا اور اس عزم کا اظہار کیا کہ بائیکرز کمیونٹی کی بہتری، حفاظت اور شعور کے لیے آئندہ بھی مشترکہ تربیتی سیشنز کا سلسلہ جاری رکھا جائے گا۔
