سجاول (نامہ نگار) ضلع سجاول کے شہر دڑو میں افسوسناک واقعہ سامنے آیا ہے۔ دل کا دورہ پڑنے پر اسپتال لائی گئی خاتون جانبر نہ ہو سکی، اور انتظامیہ کی جانب سے ایمبولنس نہ ملنے پر ورثاء کو میت چنگ چی رکشا میں گھر لے جانا پڑا۔ واقعے کی ویڈیو سامنے انے کے بعد لوگوں میں شدید غم وغصہ پایا جارہا ہے۔ دڑو کے رورل ہیلتھ سینٹر میں خاتون زلیخان زوجہ محمد حسن کو دل کا دورہ پڑنے کے باعث لایا گیا مگر وہ جانبر نہ ہو سکیں۔ ان کے شوہر محمد حسن کا کہنا ہے کہ میت گھر لے جانے کے لیے ایمبولنس کی درخواست کی، لیکن ہمیں بولا گیا کہ ایمبولینس نہیں ہے۔ ورثاء کے مطابق مجبوراً میت کو چنگ چی رکشا میں گاؤں منتقل کرنا پڑا۔ سوشل میڈیا پر وائرل ویڈیو میں ورثاء کی بے بسی واضح دیکھی جا سکتی ہے۔ دوسری جانب انچارج ایم ایس آر ایچ سی دڑو ڈاکٹر ابراہیم میمن کا کہنا ہے کہ اسپتال کی واحد ایمبولنس طویل عرصے سے ناکارہ ہے اور مرمت نہ ہونے کے باعث استعمال کے قابل نہیں۔ شہریوں نے واقعے پر شدید ردعمل دیتے ہوئے اسپتال میں بنیادی سہولیات کی فوری بحالی کا مطالبہ کیا ہے۔
یوٹیلیٹی سروسز منتقل نہ ہوسکیں ،کریم آباد انڈر پاس جنوری میں بھی نہیں کھل سکے گا
17 نومبر ، 2025FacebookTwitterWhatsapp
کراچی(طاہر عزیز۔۔اسٹاف رپورٹر)کریم آباد انڈر پا س جنوری میں بھی ٹریفک کے لئے نہیں کھل سکے گاتعمیرکی راہ میں حائل سوئی سدرن گیس اورکے الیکٹرک کی لائینیں اور پول شفٹ نہ کئے جاسکےسندھ گورنمنٹ کے اس میگا پروجیکٹ کوجنورری میں مکمل کرنے کی فائنل تاریخ دی گئی ہےلیکن منصوبے پر کام کرنے والے کنسلٹنٹ اور ٹھکیدار کے ذرائع نے بتایا کہ سوئی سدرن گیس کمپنی نےانڈررپاس کی راہ میں آنے والی 6قطرکی لائن کو شفٹ کرناہے پائپ سائٹ پر رکھ دئے گئے ہیں لیکن انہیں ڈالنے کا کام سست روی کا شکار ہے دوسری جانب کے الیکٹرک نے بھی چند کھمبے منتقل کر نا ہے ذرائع نے بتایا کہ یوٹیلٹی سروسز کی منتقلی کےلئے دونوں اداروں کو مکمل ادائیگیاں کی جا چکی ہیں انڈر پاس کا 80فی صد کامکمل ہو چکا ہےیوٹیللٹی سروسز ووالےحصے پر کام سست روی کا شکار ہےاگر یوٹیلٹی سروسز فوری منتقل کر دی جائیں تو اسے جنوری میں آسانی کے ساتھ ٹریفک کے لئے کھو لاجاسکتا ہے
