فیصل بینک لمیٹڈ نے دسویں پاکستان بینکنگ ایوارڈز 2024 میں ”بہترین مڈ سائزڈ بینک“ کا اعزاز اپنے نام کر لیا۔ یہ کامیابی بینک کی اسلامی بینکاری میں قائدانہ پوزیشن، جدید مالیاتی حل اور صارف مرکوز پالیسیوں کا واضح اعتراف ہے۔
ملک بھر میں تقریباً 900 برانچوں کے وسیع نیٹ ورک کے ساتھ فیصل بینک تیزی سے ترقی کرتے ہوئے پاکستان کے صفِ اول کے اسلامی بینکوں میں شمار ہوتا ہے۔
ایوارڈ جیتنے کی بنیاد فیصل بینک کی مستحکم کارکردگی، بڑھتے ہوئے ڈیجیٹل فٹ پرنٹ، شریعہ کمپلائنٹ خدمات اور کسٹمر فرسٹ اپروچ کو قرار دیا گیا۔ بینک مسلسل ایسے جدید اور محفوظ مالیاتی حل فراہم کر رہا ہے جو صارفین کی ضروریات کے مطابق ہوں۔
فیصل بینک کے صدر و سی ای او یوسف حسین نے ایوارڈ ملنے پر اظہارِ خیال کرتے ہوئے کہا “فیصل بینک کو پاکستان کے نمایاں مالیاتی اداروں میں شمار کیا جانا ہمارے لیے اعزاز ہے۔
انہوں نے کہا کہ یہ ایوارڈ ہمارے شریعہ کمپلائنٹ، جدید اور صارف مرکوز بینکاری کے سفر کی توثیق کرتا ہے۔ یہ کامیابی ہم اپنے صارفین کے اعتماد اور اپنی ٹیموں کی محنت کے نام کرتے ہیں۔“
پاکستان بینکنگ ایوارڈز کا انعقاد ڈان میڈیا گروپ کے تحت کیا گیا، جس کی جانچ نیشنل انسٹی ٹیوٹ آف بینکنگ اینڈ فنانس اور اے ایف فرگوسن اینڈ کمپنی نے کی۔
ان ایوارڈز میں ہر سال اُن بینکوں کو سراہا جاتا ہے جو مالیاتی شعبے میں جدت، کارکردگی اور مثبت اثرات کے ذریعے نمایاں خدمات انجام دے رہے ہوں۔
دس برس مکمل ہونے پر پاکستان بینکنگ ایوارڈز نے اس بات پر زور دیا کہ بینکاری کا مستقبل ذمہ دارانہ مالی خدمات، شمولیت اور جدید بینکاری ماڈلز میں پوشیدہ ہے اور فیصل بینک انہی اصولوں پر مستقل آگے بڑھ رہا ہے۔
قومی و بین الاقوامی سطح پر ملنے والی یہ پذیرائی ثابت کرتی ہے کہ فیصل بینک ڈیجیٹل اور پائیدار اسلامی بینکاری ماڈل کی تشکیل میں اہم کردار ادا کرتے ہوئے صنعت میں نئے معیارات قائم کر رہا ہے۔
