پارلیمنٹ کی ترمیم کے بعد 2 ججز کی غیرت جاگی، لیکن جب کینگرو کورٹس بنے اور نواز شریف کو نااہل قرار دیا گیا، اس وقت کسی جج کی غیرت نہیں جاگی
وزیر دفاع خواجہ آصف نے کہا ہے کہ عدلیہ کا کردار بڑا تاریک رہا، ان ججز کا ضمیر دہائیوں سے سویا ہوا تھا کل پارلیمنٹ کی ترمیم کے بعد 2 ججز کی غیرت جاگی، لیکن جب کینگرو کورٹس بنے اور نواز شریف کو نااہل قرار دیا گیا، اس وقت کسی جج کی غیرت نہیں جاگی۔ جس دن نواز شریف کیخلاف کیس ہوتا تھا یہ ججز اپنے گھر والوں کو بھی بلالیتے تھے کہ کیسے ہم نواز شریف کیخلاف فیصلہ دیتے ہیں۔قومی اسمبلی کے اجلاس کے دوران ایوان میں اظہارِ خیال کرتے ہوئے خواجہ آصف نے کہا ہے کہ آج ایوان میں بیٹھے ہوئے لوگ اپنا ماضی بھول گئے اور جمہوریت کے علمبرادار بنے بیٹھے ہیں۔ ماضی میں نواز شریف کو سازش کر کے عہدے سے ہٹایا گیا تھا۔خواجہ آصف نے اپوزیشن اور عدلیہ کو مخاطب کیا اور کہا کہ اِنہیں فیصلہ کرنا ہوگا کہ یہ آئین کے وفادار ہیں یا ایک شخص کے؟ دہشت گردوں کو تحفظ دینے والے بھی یہی ہیں، اب کسی کو کوئی رعایت نہیں دی جائیگی۔
=======================
بین الپارلیمانی اسپیکرز کانفرنس میں شرکت کے بعد مختلف ممالک کے پارلیمانی وفود اسلام آباد سے اپنے اپنے ممالک روانہ
اسلام آباد :بین الپارلیمانی اسپیکرز کانفرنس میں شرکت کے بعد گھانا (GHANA)، صربیا (SERBIA)، کینیا (KENYA)، نیپال (NEPAL) کے وفود اپنے اپنے ممالک روانہ ہو گئے۔
اسلام آباد ایئرپورٹ پر سینیٹ کے اعلیٰ حکام نے وفود کو الوداع کیا، جبکہ تمام وفود نے چیئرمین سینیٹ سید یوسف رضا گیلانی کی شاندار میزبانی، بہترین انتظامات اور پاکستان کی جانب سے کانفرنس کے کامیاب انعقاد پر اظہارِ تشکر کیا۔
گزشتہ روز بھی بین الپارلیمانی اسپیکرز کانفرنس میں شرکت کے بعد مختلف ممالک کے پارلیمانی وفود اسلام آباد سے اپنے اپنے ممالک روانہ ہوئے۔ بین الپارلیمانی اسپیکرز کانفرنس میں شرکت کے بعد دنیا کے مختلف ملکوں سے آنے والے پارلیمانی وفود پاکستان سے اپنے اپنے ممالک واپس روانہ ہو گئے۔ بین الاقوامی سطح پر پارلیمانی تعاون، مکالمے اور مشترکہ اہداف کے فروغ کے لیے منعقدہ اس کانفرنس کو غیر معمولی طور پر کامیاب قرار دیا گیا۔
روانگی کے موقع پر وفود نے پاکستان کی میزبانی، کانفرنس کے انتظامات اور چیئرمین سینیٹ کی کاوشوں کو زبردست خراجِ تحسین پیش کیا۔ سینیٹ آف پاکستان کے اعلیٰ حکام نے تمام وفود کو ایئرپورٹ پر الوداع کہا۔
تمام وفود نے پاکستان کی سیاسی قیادت، بالخصوص چیئرمین سینیٹ سید یوسف رضا گیلانی کا خصوصی طور پر شکریہ ادا کیا۔ وفود نے اس امید کا اظہار کیا کہ بین الپارلیمانی اسپیکرز کانفرنس کا یہ پلیٹ فارم امن، ترقی، سلامتی اور خطوں و ممبر ممالک کی خوشحالی کے لیے مؤثر کردار ادا کرتا رہے گا۔ آخر میں انہوں نے کہا کہ مکالمے، رابطے اور ایک دوسرے کے تجربات سے استفادہ کرنے کا یہ سلسلہ مستقبل میں مزید مضبوط ہوگا۔
