سلام آباد: سپریم کورٹ نے رولز 2025 میں ترامیم کی منظوری دے دی۔
چیف جسٹس پاکستان یحییٰ آفریدی کی سربراہی میں فل کورٹ اجلاس ہوا جس میں سپریم کورٹ کے رولز 1980 کا جامع جائزہ مکمل کیا گیا۔
فل کورٹ اجلاس کے دوران سپریم کورٹ رولز 2025 میں ترامیم کی منظوری دی گئی جب کہ منیر پراچہ کو سینئر ایڈووکیٹ سپریم کورٹ کا درجہ دینے کی منظوری بھی دی گئی۔
سپریم کورٹ کے ججز جسٹس شاہد وحید، جسٹس عرفان سعادت، جسٹس نعیم افغان اور جسٹس عقیل عباسی کی کمیٹی نے مسودہ تیارکیا۔
==========================
27ویں آئینی ترمیم سے انصاف کے نظام میں بہتری کے راستے کاتعین ہوا، وزیردفاع خواجہ آصف
نیوز ڈیسک
November 14, 2025
اسلام آباد: قومی اسمبلی میں اظہار خیال کرتے ہوئے وزیردفاع خواجہ محمد آصف نے کہا کہ 27ویں آئینی ترمیم پاس ہو گئی ہے، جس سے انصاف کے نظام میں بہتری کے راستے واضح ہوئے ہیں۔ انہوں نے واضح کیا کہ آج وہ کوئی ایسی بات نہیں کریں گے جس سے تلخی بڑھے، تاہم ماضی کے اہم حقائق اور سیاسی پس منظر بھی عوام کے سامنے لانا چاہتے ہیں۔
خواجہ محمد آصف نے کہا کہ ماضی میں نواز شریف کو سازش کے تحت وزیراعظم کے عہدے سے ہٹایا گیا اور کچھ مخصوص افراد آئین کی بے توقیری کرتے رہے۔ انہوں نے کہا کہ آج ایوان میں بولنے والے اپنے ماضی کو بھول گئے ہیں، جبکہ ماضی میں وہ دہشت گردوں کے سہولت کار بھی بنے۔
وزیردفاع نے اسلام آباد میں وانا کیڈٹ کالج اور کچہری پر ہونے والے حملوں کا ذکر کرتے ہوئے کہا کہ ملزمان پکڑے جا چکے ہیں اور سب کچھ سامنے آجائے گا، اب کسی کو کوئی رعایت نہیں دی جائے گی۔ انہوں نے پی ٹی آئی کے دور حکومت میں ہونے والی ڈکیتیوں اور آئین کے ساتھ کھلواڑ پر بھی روشنی ڈالی۔
خواجہ آصف نے قومی دفاع اور مسلح افواج کے کردار کو سراہتے ہوئے کہا کہ ہماری افواج سرحدوں، پانیوں اور فضاؤں کی حفاظت میں دن رات مصروف ہیں۔ انہوں نے سوال اٹھایا کہ جب نواز شریف کے خلاف فیصلہ دیا گیا تو اس وقت ان کی غیرت کیوں نہیں جاگی، اس پر بھی عوام کو آگاہ کیا جانا چاہیے۔
=======================
متحدہ عرب امارات میں قومی دن کے موقع پر 2 روزہ تعطیلات کا اعلان
متحدہ عرب امارات میں قومی دن کے موقع پر سرکاری اور نجی شعبے کے ملازمین کے لیے دو دن کی تعطیل کا اعلان کر دیا گیا۔
عرب میڈیا کے مطابق حکومت کے جاری کردہ بیان میں کہا گیا ہے کہ 2 اور 3 دسمبر منگل اور بدھ کو عام تعطیل ہو گی۔
یاد رہے امارات میں سنیچر اور اتوار کو ہفتہ وار چھٹی ہوتی ہے، قومی دن کی تعطیل ملا کر سرکاری اور نجی شعبے کے ملازمین کو چار چھٹیاں ملیں گی۔
متحدہ عرب امارات میں 2 سالہ ملازمت ویزا حاصل کرنے کا طریقہ
واضح رہے متحدہ عرب امارات کا قومی دن ہر سال 2 دسمبر کو منایا جاتا ہے ، 2 دسمبر 1971 کو متحدہ عرب امارات قائم ہوئی تھی۔
یو اے اے میں تمام ریاستیں ابوظہبی، دبئی، شارجہ، عجمان، ام القوین، راس الخیمہ اور فجیرہ متحد ہوئی تھیں جس کے بعد ان ریاستوں کو متحدہ عرب امارات کا نام دیا گیا۔
