جاپان کے دفتر میں سونا کوئی جرم نہیں،عزت کی علامت ہے ۔

Shabir Durrani Journalist
جاپان کے دفتر میں سونا کوئی جرم نہیں،عزت کی علامت ہے ۔
یہ تصویر کسی سست ملازم کی نہیں بلکہ ایک ایسی ثقافت کی جھلک ہے جہاں کام کی محبت نیند سے بھی زیادہ اہم ہے۔
جاپان میں اس عمل کو Inemuri (اینے مُری) کہا جاتا ہے، یعنی “حاضر رہتے ہوئے سونا”۔
یہ وہ لمحہ ہے جب کوئی ملازم دفتر میں تھوڑی دیر آنکھیں بند کر لیتا ہے، اور اس پر تنقید نہیں کی جاتی… بلکہ احترام کیا جاتا ہے۔
کیوں؟
کیونکہ وہاں یہ سمجھا جاتا ہے کہ یہ نیند نہیں، محنت کی گواہی ہے وہ اتنا کام کر چکا ہے کہ جسم نے خود کو وقتی طور پر بند کر دیا۔
یہ جذبہ دکھاتا ہے کہ وہ اپنی ذمہ داری، اپنے ادارے، اور اپنے خواب سے مخلص ہے۔

=======================

توہین مذہب کیس، ایمان مزاری کیخلاف کارروائی کی درخواست خارج
آج کا اخبارملک بھر سے14 نومبر ، 2025

توہین مذہب کیس، ایمان مزاری کیخلاف کارروائی کی درخواست خارج
اسلام آباد (خبر نگار) اسلام آباد ہائیکورٹ نے توہین مذہب کے مقدمات میں ٹرائل کورٹ کے ججز کو دباؤ اور خوف کے باعث ملزمان کو کیس ثابت ہوئے بغیر سزائیں سنانے کے بیان پر ایمان مزاری ایڈووکیٹ کے خلاف توہین عدالت کی درخواست خارج کر دی۔ جسٹس محسن اختر کیانی نے شہری حافظ احتشام احمد کی ایمان مزاری کے خلاف توہین عدالت کی کارروائی کیلئے دائر درخواست کا 13 صفحات پر مشتمل تفصیلی فیصلہ جاری کر دیا ۔ عدالت نے فیصلے میں درخواست کو ناقابل سماعت قرار دیتے ہوئے خارج کر دیا، عدالت نے کہا کہ ایمان مزاری نے اس عدالت کے کسی جج کا نام نہیں لیا۔
==================

برطانیہ کے شاہ چارلس سوم کی 77ویں سالگرہ کی تقریب: وزیراعظم شہباز شریف اور برطانوی ہائی کمشنر نے کیک کاٹا،دونوں ممالک کا تعلقات کو مضبوط بنانے کے عزم کا اعادہ
نیوز ڈیسک
November 13, 2025
اسلام آباد:وزیراعظم محمد شہباز شریف نے پاکستان اور برطانیہ کے تعلقات کو مضبوط بنانے کے عزم کا اعادہ کرتے ہوئے اس یقین کا اظہار کیا ہے کہ مختلف شعبوں میں شراکت داری سے دوطرفہ تعاون کو نئی جہت ملے گی۔ دونوں ملکوں کے قریبی تعلقات میں برطانوی شاہی خاندان کے اہم کردار کے معترف ہیں۔

برطانیہ کے شاہ چارلس سوم کی 77ویں سالگرہ کی تقریب برطانوی ہائی کمیشن اسلام آباد میں ہوئی۔ وزیراعظم محمد شہباز شریف اور برطانوی ہائی کمشنر جین میریٹ نے کیک کاٹا۔ وفاقی کابینہ کے ارکان ، پارلیمنٹرینز، سفارتکاروں اور مختلف شعبہ زندگی سے تعلق رکھنے والے افراد تقریب میں شریک ہوئے۔

اس موقع پر خطاب میں وزیراعظم محمد شہباز شریف نے شاہ چارلس سوم کی عوامی فلاح کے لئے خدمات کو خراج تحسین پیش کرتے ہوئے ان کے لئے نیک خواہشات کا اظہار کیا۔ وزیراعظم نے کہا کہ یہ تقریب پاکستان اور برطانیہ کے قریبی تعلقات کی عکاس ہے۔شاہ چارلس سوم اور ملکہ برطانیہ کو دورہ پاکستان کی دعوت کا اعادہ کرتے ہوئے محمد شہباز شریف نے کہا کہ دونوں ملکوں کے درمیان شراکت داری کو مزید وسعت دینے کے لئے پرعزم ہیں۔

وزیراعظم نے پاکستان میں دہشت گردی کے حالیہ واقعات پر برطانیہ کی طرف سے اظہار یکجہتی پر شکریہ ادا کرتے ہوئے کہا کہ ہم اس ناسور کو ختم کرکے دم لیں گے۔

محمد شہباز شریف نے برطانیہ کے لئے پروازوں کی بحالی پر ہائی کمشنر جین میریٹ کی کاوشوں کو سراہا۔انہوں نے تعلیم، صحت، فنی تربیت اور دیگر شعبوں میں تعاون مزید بڑھانے کی خواہش کا اظہار کیا۔

برطانوی ہائی کمشنر جین میریٹ نے اپنے خطاب میں پاکستان کے ساتھ مختلف شعبوں میں تعاون میں اضافے کے لئے اقدامات جاری رکھنے کے عزم کا اعادہ کیا۔ انہوں نے برطانیہ میں مقیم پاکستانی کمیونٹی کے اہم کردار کو سراہتے ہوئے کہا کہ دوطرفہ تعلقات کو مزید وسعت دینے کے لئے کاوشیں جاری رکھیں گے۔
=================

سہیل آفریدی کی زیر صدارت کے پی حکومت کا پہلا کابینہ اجلاس آج ہوگا

پشاور: وزیر اعلیٰ خیبرپختونخوا سہیل آفریدی کی زیر صدارت کے پی حکومت کا پہلا کابینہ اجلاس آج ہوگا۔

کابینہ اجلاس کیلئے 63 نکاتی ایجنڈا تیار کرلیا گیا، اجلاس سول سیکرٹریٹ پشاور میں منعقد ہوگا، کابینہ سے آرمز رولز 2014ء میں ترمیم کی منظوری لی جائے گی۔

ہائیکورٹ کیلئے بلٹ پروف گاڑیوں کی فراہمی کی منظوری کابینہ دے گی، کابینہ گورنر خیبرپختونخوا کیلئے لگژری گاڑیوں کی خریداری کی منظوری اور یونیورسٹی ایکٹ 2022ء میں ترمیم کی منظوری بھی دے گی۔