صدر آصف علی زرداری نے 27ویں آئینی ترمیم بل پر دستخط کر دیے
نوشین یوسف
صدر مملکت آصف علی زرداری نے 27ویں آئینی ترمیم بل پر دستخط کر دیے۔
27ویں آئینی ترمیم دونوں ایوانوں سے منظور ہو چکی ہے، ترمیم کے بعد بل اب آئین کا حصہ بن گیا ہے۔
قومی اسمبلی میں 27ویں آئینی ترمیم منظور کرلی گئی
خیال رہے کہ گزشتہ روز قومی اسمبلی نے 27ویں آئینی ترمیم کی دو تہائی اکثریت سے منظوری دی تھی جس میں 8 مزید نئی ترامیم کو شامل کیا گیا۔
ترمیم کے حق میں 234ارکان نے ووٹ دیا جبکہ مخالفت میں 4 ووٹ آئے، ان میں جے یوآئی کی تین خواتین ارکان سمیت چار ارکان نے مخالفت میں ووٹ دیا ، اور شق وار منظوری کے دوران 59مرتبہ کھڑے ہو کر اپنے مخالفانہ عزم کا اظہار کیا۔
پی ٹی آئی ، پشتونخواہ ملی عوامی پارٹی اور سنی اتحاد کونسل کے ارکان نے گنتی کے عمل کے وقت ایوان سے واک آؤٹ کیا تاہم جے یو آئی کے ارکان نے ایوان میں موجود رہ کر ترمیم کی مخالفت کی۔
==============================
آئین پر کسی کی طبع آزمائی قبول نہیں ہوگی، بل میں 8 ترامیم کی گئیں،نائب وزیر اعظم اسحاق ڈار
نیوز ڈیسک
November 13, 2025
اسلام آباد: نائب وزیر اعظم سینیٹر محمد اسحاق ڈار نے کہا ہے کہ پی ٹی آئی کے دور میں قومی اسمبلی کو غیر آئینی طریقے سے توڑا گیا تھا، جبکہ 18ویں آئینی ترمیم ایک مثبت اقدام تھا۔ انہوں نے کہا، “تحریک انصاف بھول گئی کہ کیسے جلدی میں اسمبلی توڑی گئی۔”
اسحاق ڈار نے مزید بتایا کہ 27ویں آئینی ترمیم سینیٹ سے منظور ہوچکی ہے اور قومی اسمبلی میں بل میں آٹھ ترامیم کی گئی ہیں۔ چار شقیں حذف اور چار شقیں شامل کی گئی ہیں۔ انہوں نے کہا کہ بل میں آرٹیکل 6 کے حوالے سے موجود ابہام کو دور کیا گیا ہے اور اگر کوئی بھی آئین پر طبع آزمائی کرے گا تو اسے کسی عدالت سے توثیق حاصل نہیں ہوگی۔
نائب وزیر اعظم نے یہ بھی کہا کہ چیف جسٹس آف پاکستان کے عہدے کو برقرار رکھا گیا ہے اور موجودہ چیف جسٹس اپنے عہدے پر برقرار رہیں گے۔ انہوں نے واضح کیا کہ دونوں عدالتوں میں جو بھی سینئر ہوگا، وہ چیف جسٹس آف پاکستان ہوگا۔
اس پوسٹ کو شیئر کریں
