سیکیورٹی صورتحال کے پیش نظر بلوچستان کے مختلف علاقوں میں انٹرنیٹ سروس معطل کردی گئی۔
کوئٹہ شہر میں سیکیورٹی خدشات کے پیش نظر موبائل فون انٹرنیٹ سروس بند کی گئی ہے جبکہ چمن شہر کے مضافاتی علاقوں میں بھی موبائل ڈیٹا انٹرنیٹ سروس معطل ہے۔ انٹرنیٹ سروس کی معطلی سے عوام کو مشکلات کا سامنا ہے۔
یہ اقدام امن و امان کی صورتحال کے پیش نظر کیا گیا ہے تاہم اس فیصلے کے نتیجے میں عام شہری، بالخصوص روزانہ کی مزدوری یا آن لائن روزگار پر انحصار کرنے والے طبقے کو زبردست نقصان پہنچ رہا ہے۔
آن لائن فوڈ سروسز اور پارسل ڈلیوری کرنے والے درجنوں نوجوانوں کا روزگار ٹھپ ہو چکا ہے۔ انٹرنیٹ کی بندش کے باعث تعلیمی سرگرمیاں بھی متاثر ہیں۔ آن لائن کلاسز لینے والے طلبہ نے شکایت کی ہے۔
