Iqbal Mohsin
میری کتاب “بنجارے کا بینک بیلنس ” فضلی بکس، اردو بازار کراچی، سے آپ خرید سکتے ہیں.
آپ کی آمد کا انتظار رہے گا۔
======================
وزیراعظم شہبازشریف کی آذربائیجان کے صدر سے ملاقات ، دفاع، تجارت ، سرمایہ کاری، توانائی کے شعبوں میں تعاون پر اتفاق
نیوز ڈیسک
November 07, 2025
باکو:پاکستان اور آذربائیجان کی قیادت نے دفاع، تجارت ، سرمایہ کاری، توانائی اورروابط کے شعبوں میں تعاون مزید مضبوط بنانے پر اتفاق کیاہے۔ وزیراعظم محمد شہبازشریف کی آذربائیجان کے صدر الہام علییف سے باکو کے صدارتی محل میں ملاقات ہوئی جس میں دو طرفہ تعلقات کے تمام پہلوؤں کا جائزہ لیا گیا۔ فیلڈ مارشل سید عاصم منیر بھی ملاقات میں موجود تھے۔
وزیراعظم نے یومِ فتح کی تقریبات میں شرکت کی دعوت پر شکریہ ادا کرتے ہوئےآذربائیجان کی حکومت اور عوام کو تاریخی کامیابی پر مبارکباد پیش کی ۔محمد شہبازشریف نے کہا کہ آذربائیجان کی فتح، خود ارادیت کے لیے جدوجہد کرنے والے مظلوم لوگوں خصوصاً بھارتی زیر تسلط مقبوضہ جموں و کشمیر اور فلسطینی عوام کے لیے امید کی کرن ہے۔ وزیراعظم نے رواں سال کے اوائل میں آرمینیا کے ساتھ تاریخی امن معاہدے پر دستخط کرنے پر صدرالہام علیوف کے قائدانہ کردار کو سراہا۔ آذربائیجان کے صدر نے کاراباخ کے غیر قانونی قبضے کے خلاف منصفانہ جدوجہد میں مستقل حمایت پر پاکستان کا شکریہ ادا کیا۔ انہوں نے جنوبی ایشیا میں علاقائی استحکام کے فروغ میں پاکستان کے کردار کو بھی سراہا۔
وزیراعظم شہباز شریف نے صدر الہام علییف کو جلد پاکستان کا دورہ کرنے کی دعوت دی جو انہوں نے بخوشی قبول کر لی۔
اس پوسٹ کو شیئر کری
