رپورٹ محمد عاشق پٹھان پیپلز پارٹی کے رکن سندھ اسمبلی سہیل انور سیال کے بھائی چیئرمین دڑي ٹاؤن شاہ رخ انور سیال نے اساتذہ اور طلبہ کی سہولت کے لیے گورنمنٹ بوائز پرائمری اسکول، شاہو بوراہو، یونین کمیٹی 3 میں سولر پلانٹ کا افتتاح کیا اور دعا کی، اس موقع پر چیئرمین دڑي ٹاؤن شاہ رخ انور سیال نے کہا کہ تعلیمی اداروں کو مزید سہولیات فراہم کی جائیں گی تاکہ طلبہ کے ساتھ اساتذہ کو بھی کسی قسم کی مشکلات کا سامنا نہ کرنا پڑے، انہوں نے کہا کہ پاکستان پیپلز پارٹی کی سندھ حکومت عوام کو ان کی دہلیز تک سہولیات پہنچانے کے لیے دن رات کوشاں ہے، تعلیمی اداروں کے ساتھ ساتھ مساجد، امام بارگاہوں اور عبادت گاہوں کو بھی سولر سسٹم پر منتقل کیا جا رہا ہے تاکہ عوام کو بجلی کی لوڈشیڈنگ سے نجات مل سکے، اس سے قبل اسکول کے ہیڈ ماسٹر، اساتذہ اور طلبہ نے چیئرمین شاہ رخ انور سیال پر پھولوں کی پتیاں نچھاور کیں، انہیں سندھ کی سوغات اجرک کا تحفہ پیش کیا اور اسکول کو سولر سسٹم فراہم کرنے پر شکریہ ادا کیا۔
