رپورٹ رضوان خان۔ بیوروچیف جرمنی۔
جرمنی شہر سٹٹگارٹ میں سیاسی، سماجی اور معاشرتی موضوعات پرلکھی گئی کتاب “ کالم کہانی “ کی تقریب پزیرائی کا انعقاد کیا گیا، جس کے مصنف ممتاز کالم نگار اور قانون دان مرزا روحیل بیگ ہیں۔ تقریب کی صدارت محمد احسن تارڑ نے کی
تقریب کا اہتمام سٹٹگارٹ کی معروف سیاسی، سماجی اور کاروباری شخصیت محمد احسن تارڑ کی جانب سے کیا گیا۔ تقریب میں امتیاز احمد گجر اور اُن کے رفقا، حامد شاہ، خوشحال خان ، ملک نصیر،ملک غفار، محمد گلزار، ثمر اقبال سمیت دیگر شرکاء شریک ہوئے۔
میزبان محمد احسن تارڑ کا کہنا تھا کہ مرزا روحیل بیگ اپنی تحریروں کے ذریعے یورپ میں پاکستان کا مثبت امیج پیش کر رہے ہیں۔ اُن کا طرز تحریر سادہ، دلچسپ اور گہرائی کا حامل ہے۔
مقرین کا کہنا تھا کتاب کالم کہانی پاکستان اور جرمنی کے درمیان پُل کا کردار ادا کر سکتی ہے۔ مقررین نے مرزا روحیل بیگ علمی و ادبی کاوشوں کو سراہا اور انہیں زبردست خراج تحسین پیش کیا۔
مصنف مرزا روحیل بیگ کا کہنا تھا کہ میں شکرگزار ہوں تمام شرکاء کا جنہوں نے میرے ادبی کام کو سراہا۔ کسی بھی لکھنے والے کی زندگی میں یہ سب کچھ بہت اہم ہے۔ میرا ماننا ہے کہ اگر آپ کے تحریروں کو ادبی ذوق رکھنے والوں کے دِلوں میں جگہ نہیں ملتی تو یہ سب کامیابیاں غیر اہم ہیں۔ میرا سب سے بڑا اعزاز یہی ہے کہ میرے لفظوں کو بہت محبتیں ملی ہیں جو مجھے سرشار رکھتی ہیں۔
تقریب کے آخر میں شرکاء کی روائتی پاکستانی کھانوں سے تواضع کی گئی۔
