پریس ریلیز
چیئرمین ناظم آباد ٹاؤن سید محمد مظفر کی ہدایت پر میونسپل کمشنر اطہر سعید خان کا ناظم آباد ہیلتھ آفس میں جراثیم کش اسپرے مہم کا آغاز
ڈائر یکٹر سینی ٹیشن ظہیراحمد کی سرپرستی میں ناظم آباد ٹاؤن کی متعدد یونین کمیٹیز میں جراثیم کُش ادویات کا اسپرے کیا گیا
عوام کو صحت مند اور صاف ستھرا ماحول فراہم کرنا ہماری اولین ذمہ داری ہے:سید محمد مظفر
ہمارا مقصد ناظم آباد کے ہر علاقے کو صاف، محفوظ اور صحت مند بنانا ہے:اطہر سعید خان
مورخہ 05 نومبر 2025
کراچی( )چیئرمین ناظم آباد ٹاؤن سید محمد مظفر کی خصوصی ہدایت پر میونسپل کمشنر اطہر سعید خان نے ناظم آباد ہیلتھ آفس میں باقاعدہ طورپر جراثیم کش اسپرے مہم کاآغازکیااس موقع پرڈائریکٹر سینی ٹیشن ظہیر احمد بھی ان کے ہمراہ موجودتھے۔چیئر مین سید محمد مظفر کی ہدایت پر ڈائر یکٹر سینی ٹیشن ظہیراحمد نے ناظم آباد کی متعدد یونین کمیٹیز میں جراثیم کُش ادویات کا اسپرے مہم کامیابی سے مکمل کی جا چکی ہے، تاکہ عوام کو صحت مند اور بیماریوں سے پاک ماحول فراہم کیا جا سکے۔چیئرمین سید محمد مظفر نے کہا کہ عوام کو صحت مند اور صاف ستھرا ماحول فراہم کرنا ہماری اولین ذمہ داری ہے۔ مکھیوں، مچھروں اور دیگر جراثیم پھیلانے والے عوامل کی افزائش ملیریا، ڈینگی اور دیگر متعدی امراض کے پھیلاؤ کا سبب بن سکتی ہے۔ اسی لیے ناظم آباد میں باقاعدہ جراثیم کش اسپرے مہم جاری ہے تاکہ ان بیماریوں کے خدشات کو ختم کیا جا سکے،انہوں نے مزید کہا کہ ناظم آباد ٹاؤن انتظامیہ کی جانب سے تمام علاقوں میں مسلسل صفائی و اسپرے کے اقدامات کیے جا رہے ہیں، تاکہ شہریوں کو بہتر اور صحت مند ماحول فراہم کیا جا سکے۔اس موقع پر میونسپل کمشنر اطہر سعید خان نے کہا کہ چیئرمین ناظم آباد ٹاؤن کی ہدایت پر تمام یو سیز میں جراثیم کش اسپرے مہم تسلسل کے ساتھ جاری رکھی جائے گی۔ ہمارا مقصد ناظم آباد کے ہر علاقے کو صاف، محفوظ اور صحت مند بنانا ہے۔ صفائی و اسپرے کے تمام اقدامات شہریوں کے تعاون سے مزید مؤثر ثابت ہوں گے۔
جاری کردہ:۔
فہیم مصطفی
ڈائریکٹر انفار میشن
ناظم آباد ٹاؤن
