میر پور خاص
رپورٹ
تحسین احمد خان
خسرہ اور روبیلا مرض سے بچاؤ کی قومی ویکسینیشن مہم کو کامیاب بنانے اور بچوں کو مہلک بیماریوں سے محفوظ رکھنے کے لئے معاشرے کے ہرفردکواپنا اپنا مثبت کردار ادا کرنا ہوگا یہ بات اسسٹنٹ کمشنر سندھڑی افرازسعید نے ڈسٹرکٹ ہیلتھ آفیسر ڈاکٹر سندیپ کمار کے ہمراہ کمشنر کمیٹی ہال میں 17 سے 29 نومبر 2025 تک خسرہ اور روبیلا کی قومی مہم کے سلسلے میں آگاہی سیمینار سے خطاب کرتے ہوئے کہی انہوں نے کہا کہ خسرہ اور روبیلا مہم کے دوران پیدائش سے پانچ سال تک کے بچوں کو پولیو سے بچاؤ کے قطرے بھی پلائے جائیں گے سیمینار میں بتایا گیا کہ خسرہ ایک انتہائی خطرناک وائرس ہے جو متاثرہ شخص کے کھانسنے اور چھینکنے کے ذریعے پھیلتا ہے خسرہ سے دنیا بھر میں سال 2023 میں 10 ہزار سے زائد اموات ہو چکی ہیں جبکہ پاکستان میں گزشتہ چھ ماہ میں 12 ہزار سے زائد خسرہ کے کیسز رپورٹ ہوئے ہیں سیمینار میں بتایا گیا کہ مذکورہ مہم کے دوران میں ضلع میرپورخاص کے چھ ماہ سے پانچ سال تک کے2 لاکھ 47ہز22 بچوں کو خسرہ روبیلا سے بچاؤ کی ویکسینیشن لگانے اور3لاکھ 86 ہزار 32 پیدائش سے پانچ سال تک کے بچوں کو پولیو سے بچاؤ کی قطرے پلانے کا ہدف مقرر کیا گیا ہے اس مقصد کے لئے 148 آؤٹ ریچ ٹیمیں، 41 فکسڈٹیمیں، 14 موبائل ٹیمیں، 351 سوشل موبیلائزر، 51 فرسٹ لیول سپروائزراور 21 سیکنڈ لیول سپروائزر مقرر کیے گئے ہیں سیمینار میں اسسٹنٹ کمشنر کوٹ غلام محمد ریحان ڈیتھو، ڈسٹرکٹ پولیوکنٹرول پروگرام کے فوکل پرسن ڈاکٹر جمشید خانزادہ،کمیونیکیشن آفیسر منیر ابڑو، ڈبلیو ایچ او کے ایریا کوآرڈینیٹر ڈاکٹر عالم ازاد، ڈاکٹر زینب، ڈاکٹر صائمہ، ڈاکٹر عبدالواحد خاصخیلی، ڈاکٹر وجیہہ حسن، ڈپٹی ڈائریکٹر انفارمیشن غلام رضا کھوسو، ڈپٹی ڈسٹرکٹ ایجوکیشن آفیسر سیکنڈری علی خان ناریجو، سماجی ورکرز شہزادو ملک، نظیر ڈیتھو، سید شہنشاہ اور متعلقہ افسران نے مہم کو کامیاب بنانے کا یقین دلایا۔
