پنجاب سے تعلق رکھنے والے نوجوان استاد قمر، جو حال ہی میں چوہے پکڑنے کی ویڈیوز کے باعث سوشل میڈیا پر مشہور ہوئے تھے، خود گرفتار ہو گئے۔ ان کی معافی مانگنے کی ویڈیو بھی سوشل میڈیا پر تیزی سے وائرل ہو رہی ہے۔
میڈیا رپورٹس کے مطابق استاد قمر کو اس وقت گرفتار کیا گیا جب ان کی ایک پرانی ویڈیو منظرِ عام پر آئی، جس میں وہ شہرت حاصل کرنے کے لیے چوہے اور نیولے کی لڑائی کرواتے دکھائی دیے۔ پولیس نے ویڈیو وائرل ہونے کے بعد کارروائی کرتے ہوئے انہیں حراست میں لیا، تاہم چونکہ یہ واقعہ ڈیڑھ سال پرانا تھا، اس لیے تنبیہ کے بعد انہیں رہا کر دیا گیا۔
گرفتاری کے بعد منظرِ عام پر آنے والی ویڈیو میں استاد قمر نے اپنے عمل پر معافی مانگی اور وعدہ کیا کہ آئندہ کسی جانور کو نقصان نہیں پہنچائیں گے۔ انہوں نے بتایا کہ اپنے اہلِ خانہ کی خواہش پر انہوں نے چوہے پکڑنے کا کام چھوڑ دیا ہے اور اب ایک فیکٹری میں ملازمت کر رہے ہیں۔ ساتھ ہی انہوں نے عوام سے اپیل کی کہ اب انہیں چوہے پکڑنے کے لیے تنگ نہ کیا جائے۔
