پریس ریلیز
سماجی تنظیم این ڈی ایف نے گرو گرین نیٹ ورک تحت عوامی فورم کا انعقاد
فوسل فیول سے قابلِ تجدید توانائی کی طرف فوری منتقلی کا مطالبہ
نواب شاہ: گرو گرین نیٹ ورک کی رکن تنظیم این ڈی ایف نے انڈس کنسورشیم کے اشتراک سے ایک عوامی فورم منعقد کیا۔ اس فورم میں سول سوسائٹی کے اراکین، صحافیوں، اور سیاسی کارکنوں نے شرکت کی تاکہ قومی مہم پبلک فورمز 2025 برابری کی بنیاد پر شمسی توانائی، فوسل ایندھن سے نجات، اور موسمیاتی لحاظ سے مضبوط بحالی کے تحت کمیونٹی کی قیادت میں موسمیاتی اور توانائی سے متعلق حلوں پر تبادلہ خیال کیا جا سکے۔
پبلک فورمز 2025 میں شرکت کرنے والوں سماجی رہنماؤں عابد لاشاری صدر این ڈی ایف، مرتضیٰ گوھر ایڈیشنل ڈائریکٹر سوشل ویلفیئر، لال چند لوہانو، انجنیئر مسعود آرائیں، فرحانہ ارم، طارق حسین چنڑ، اسد علی میمن، محسن جلبانی، یاسین خاصخیلی، آصف خٹک، عاصمہ آرائیں و دیگر نے موضوع “شمسی توانائی میں مساوات، فوسل ایندھن سے نجات، اور موسمیاتی طور پر مضبوط بحالی” کے تحت تبادلہ خیال کیا۔ فورم میں کمیونٹیز، پارلیمنٹیرینز، تعلیمی ماہرین، سول سوسائٹی اور میڈیا کے نمائندے شریک ہوئے تاکہ پاکستان میں توانائی کی مساوات، منصفانہ توانائی منتقلی، اور موسمیاتی انصاف کے لیے عوامی مطالبات کو مضبوط آواز دی جا سکے۔
شرکاء نے بجلی کے بڑھتے ہوئے نرخوں، توانائی تک محدود رسائی، اور موسمیاتی تبدیلی کے بڑھتے اثرات کے بارے میں اپنے تجربات اور گواہیاں پیش کیں۔
مقررین نے اس بات پر زور دیا کہ پالیسی میں فوری اصلاحات کی ضرورت ہے تاکہ قابلِ تجدید توانائی کے فروغ کو تیز کیا جا سکے اور موسمیاتی تبدیلی سے سب سے زیادہ متاثر ہونے والی کمیونٹیز کو ترجیح دی جائے۔
گفتگو چار اہم پالیسی مطالبات کے گرد مرکوز رہی کہ ہر شہری کے لیے سستی اور قابلِ رسائی شمسی توانائی کی فراہمی جس کے لیے سولر پر مجوزہ 10% جی ایس ٹی ختم کیا جائے، نیٹ میٹرنگ کو منصفانہ بنایا جائے، اور کسانوں، چھوٹے کاروباروں، اور کم آمدنی والے گھرانوں کے لیے ہدفی سبسڈیز یا کم سود قرضے متعارف کرائے جائیں۔ فوسل فیول پر انحصار ختم کرنا جس میں ایل این جی معاہدوں سے نجات، نئے فوسل پراجیکٹس پر پابندی، اور سرکاری و بین الاقوامی فنڈز کو قابلِ تجدید توانائی کی طرف منتقل کیا جائے۔ موسمیاتی انصاف کو فروغ دینا جس میں نقصان و تلافی فنڈ (Loss & Damage Fund) کو شفاف اور کمیونٹی کی قیادت میں بروئے کار لایا جائے تاکہ وعدہ شدہ مالی وسائل یقینی طور پر متاثرہ علاقوں تک پہنچیں۔ سیلاب سے بحالی کو ترجیح دینا جس میں قرضوں کے بجائے گرانٹس فراہم کی جائیں، اور بحالی کے عمل میں پائیدار تعمیر نو، روزگار کی بحالی، اور خواتین و نوجوانوں کے لیے جامع مواقع کو شامل کیا جائے۔
شرکاء نے مزید کہا کہ یہ فورم کمیونٹیز کی اجتماعی طاقت کی عکاسی کرتا ہے جو منصفانہ توانائی کے حل کا مطالبہ کر رہی ہیں۔ پاکستان کے عوام نے واضح پیغام دیا ہے: انہیں سستی شمسی توانائی، فوسل ایندھن سے نجات، اور ایسی بحالی درکار ہے جو کمیونٹیز کو مرکز میں رکھے۔”
فورم کا اختتام پیپلز چارٹر برائے توانائی و موسمیاتی انصاف 2025 کے حق میں دستخطی مہم سے ہوا، جسے عوام کی جانب سے بھرپور حمایت حاصل ہوئی۔
