23 اکتوبر 2025
ایڈیشنل آئی جی کراچی جاوید عالم اوڈھو نے ڈی آئی جی انویسٹیگیشن کے ہمراہ جامعہ کراچی کے ڈیپارٹمنٹ آف کرمنالوجی کے زیرِ اہتمام منعقدہ پروجیکٹ فیئر 2025 میں شرکت کی۔
اس موقع پر پروفیسر ڈاکٹر نعیمہ سعید، پروفیسر ڈاکٹر غلام محمد، ڈاکٹر الطاف، ڈاکٹر زاہد، ڈاکٹر روزی علی سمیت دیگر فیکلٹی ممبران اور طلبہ و طالبات سے ملاقات کی۔
پولیس چیف نے کرمنالوجی سے متعلق مختلف شعبہ جات کا معائنہ کیا، جہاں طلبہ و طالبات نے جرائم شناسی کے موضوعات پر اپنے تحقیقی اور تخلیقی منصوبے پیش کیے۔
پولیس چیف نے تعلیمی و تحقیقی سرگرمیوں میں کرمنالوجی ڈیپارٹمنٹ کے کردار کو سراہتے ہوئے کہا کہ جدید تحقیق اور عملی تربیت وہ بنیاد ہے جس کے ذریعے کرمنالوجی کے طلبہ مستقبل میں جرائم کی تفتیش اور تحقیق میں مؤثر کردار ادا کر سکتے ہیں۔
انہوں نے اس عزم کا اظہار کیا کہ کراچی پولیس اور جامعہ کراچی کے درمیان تعاون کو مزید فروغ دیا جائے گا تاکہ طلبہ کو عملی تربیت کے بہتر مواقع فراہم ہوں اور پولیس کو سائنسی بنیادوں پر تحقیق کا فائدہ حاصل ہو۔
اختتام پر ایڈیشنل آئی جی کراچی جاوید عالم اوڈھو کو یادگاری شیلڈ پیش کی گئی۔
ترجمان کراچی پولیس
#KarachiPolice #SindhPolice #ProjectFair2025 #UniversityOfKarachi #Criminology #CommunityEngagement #PoliceAndAcademia #ResearchAndInnovation #LawEnforcement #PublicSafety
