ٹاؤن میونسپل کارپوریشن ناظم آباد کی جانب سے راشد منہاس اسکول میں پوزیشن ہولڈر طلبہ و طالبات کے اعزاز میں تقریبِ تقسیمِ انعامات کا انعقاد
چیئرمین ناظم آباد ٹاؤن سید محمد مظفر کاتعلیم کے فروغ کے لئے احسن اقدام
علم ہی وہ روشنی ہے جو اندھیروں کو مٹا دیتی ہے:سید واجیہ حسن
ناظم آباد ٹاؤن کی انتظامیہ تعلیم کے فروغ کے لیے بھرپور اقدامات کر رہی ہے: سید محمد مظفر
آج تقسیم کیے گئے لیپ ٹاپس کا مقصد طلبہ کو ڈیجیٹل دنیا سے ہم آہنگ کرنا ہے: محمد نعمان صدیقی
مورخہ21 اکتوبر 2025
کراچی ( )ٹاؤن میونسپل کارپوریشن ناظم آباد کی جانب سے راشد منہاس اسکول میں پوزیشن ہولڈر طلبہ و طالبات کے اعزاز میں تقریبِ تقسیمِ انعامات کا انعقاد ہوا۔ناظم آباد ٹاؤن کے زیرِ اہتمام راشد منہاس اسکول میں ایک پروقار تقریب کی گئی، جس میں سالانہ امتحانات میں نمایاں کارکردگی دکھانے والے پوزیشن ہولڈر طلبہ و طالبات کو لیپ ٹاپس، شیلڈز،سرٹیفیکیٹس اور اسناد سے نوازا گیا۔تقریب کی صدارت امیر جماعتِ اسلامی ضلعِ وسطی سید واجیہ حسن نے کی جبکہ چیئرمین ناظم آباد ٹاؤن سید محمد مظفر، وائس چیئرمین محمد نعمان صدیقی،ڈائریکٹر ایڈمن ظہیر احمد، ڈائریکٹر ایجوکیشن نوید حبیب، انٹی انکروچمنٹ کے راشد کمال، اور سینی ٹیشن کے عارف الدین بھی اس موقع پر موجود تھے۔امیر جماعتِ اسلامی ضلع وسطی سیدواجیہ حسن نے اپنے جذباتی خطاب میں کہاعلم ہی وہ روشنی ہے جو اندھیروں کو مٹا دیتی ہے۔ طلبہ و طالبات کو چاہیے کہ وہ تعلیم کو صرف کامیابی کا ذریعہ نہیں بلکہ خدمتِ خلق اور ملک کی ترقی کا ہتھیار بنائیں، یہ سارے لیپ ٹاپ جو آج یہاں تقسیم ہو رہے ہیں، انشائاللہ آئندہ اس سے کئی گنا زیادہ بچوں کو دیے جائیں گے۔آپ سب بچے وعدہ کریں کہ آپ دل لگا کر پڑھیں گے، اپنے اساتذہ اور اسکول کا نام روشن کریں گے۔ انشائاللہ جب آپ محنت کریں گے تو نہ صرف آپ کے گھروں میں خوشحالی آئے گی بلکہ یہ ملک بھی ترقی کرے گا۔چیئرمین ناظم آباد ٹاؤن سید محمد مظفر نے کہاآج کے یہ ہونہار طلبہ ہمارا فخر ہیں۔ یہ بچے پاکستان کا روشن مستقبل ہیں، اور ہمیں ان کی حوصلہ افزائی کے لیے ہر ممکن تعاون جاری رکھنا ہوگا۔ ناظم آباد ٹاؤن کی انتظامیہ تعلیم کے فروغ کے لیے بھرپور اقدامات کر رہی ہے، تاکہ ہمارے ادارے معیاری تعلیم کے ساتھ ساتھ باصلاحیت طلبہ کو بہتر مواقع فراہم کرسکیں۔وائس چیئرمین محمد نعمان صدیقی نے کہانوجوان نسل کو جدید ٹیکنالوجی سے روشناس کرانا وقت کی اہم ضرورت ہے۔ آج تقسیم کیے گئے لیپ ٹاپس کا مقصد طلبہ کو ڈیجیٹل دنیا سے ہم آہنگ کرنا ہے، تاکہ وہ علم و تحقیق کے میدان میں اپنی صلاحیتوں کو مزید نکھار سکیں۔تقریب کے اختتام پروالدین اور اساتذہ کی بڑی تعداد نے اس تقریب میں شرکت کی اور طلبہ کی کامیابی پر خوشی کا اظہار کیا۔ جاری کردہ:۔
فہیم مصطفی
ڈائریکٹر انفارمیشن
ناظم آباد ٹاؤن
