کیپیٹل ڈیولپمنٹ اتھارٹی (سی ڈی اے) نے ایف نائن پارک کو کرکٹ اسٹیڈیم کی تعمیر کے لیے منتخب کر لیا ہے۔
ذرائع کے مطابق سی ڈی اے نے اس منصوبے کے لیے تجربہ کار ماہر راشد لطیف کو مشورے کے لیے شامل کیا ہے۔
راشد لطیف اسٹیڈیم کے ڈیزائن اور فنی پہلوؤں میں سی ڈی اے کی رہنمائی کریں گے۔ وہ پہلے بھی اسلام آباد کلب کی تعمیر میں نمایاں کردار ادا کر چکے ہیں۔
گرین ایریا سے متعلق سپریم کورٹ کے فیصلے کی روشنی میں کرکٹ اسٹیڈیم کی تعمیر میں قانونی مسائل کو بھی مدنظر رکھا جائے گا، اور اس منصوبے میں زیادہ تر جگہ کو گرین ایریا کے طور پر رکھنے کی تجویز زیر غور ہے۔
ذرائع نے بتایا ہے کہ جنوبی افریقہ اور ویسٹ انڈیز کے کرکٹ اسٹیڈیمز کی طرح، اس اسٹیڈیم کے مخصوص حصوں میں بھی گرین ایریا شامل کیا جائے گا۔
سی ڈی اے اس منصوبے کی منظوری کے لیے سپریم کورٹ سے اجازت لینے کا امکان بھی رکھتا ہے۔
یاد رہے کہ پہلے سپریم کورٹ نے شکرپڑیاں میں کرکٹ اسٹیڈیم کی تعمیر پر پابندی عائد کر دی تھی۔
