اسلام آباد کی ضلعی انتظامیہ نے شہر بھر میں باجوں کی فروخت اور استعمال پر پابندی عائد کرتے ہوئے سخت کارروائی کا آغاز کر دیا ہے۔
ضلع انتظامیہ نے فیصلہ کیا ہے کہ تمام مارکیٹوں اور سڑک کنارے اسٹالز سے باجے ضبط کیے جائیں گے۔ ڈپٹی کمشنر اسلام آباد نے تمام متعلقہ افسران کو ہدایت کی ہے کہ فوری طور پر میدان میں جا کر اس پابندی کو یقینی بنائیں۔
ڈپٹی کمشنر کا کہنا ہے کہ جہاں سے بھی باجے برآمد ہوں گے، اس علاقے کے افسران اس کے ذمہ دار ہوں گے اور ان کے خلاف سخت کارروائی عمل میں لائی جائے گی۔
ڈپٹی کمشنر نے واضح کیا ہے کہ یہ کارروائیاں یوم آزادی تک روزانہ کی بنیاد پر جاری رہیں گی تاکہ امن و امان کو برقرار رکھا جا سکے۔
