سیدہ عائشہ ناز نے بڑے راز سے پردہ اٹھا دیا
سیدہ عائشہ ناز نے بڑے راز سے پردہ اٹھا دیا
Syeda Ayesha Naz Revealed Big Secrets | Zabardast Wasi Shah
=================
دوسری شادی پر عمران اشرف کی لب کشائی
دوسری شادی پر عمران اشرف کی لب کشائی
پاکستان شوبز انڈسٹری کے معروف اداکار، اسکرین رائٹر و میزبان عمران اشرف نے اپنی دوسری شادی پر لب کشائی کر دی۔
حال ہی میں نجی ٹی وی کے پروگرام میں اداکار نے اپنی شادی سے متعلق پوچھے گئے سوال پر کھل کر بات کی۔
دورانِ پروگرام حاضرین میں شریک ایک مداح نے بتایا کہ وہ دبئی سے خصوصی طور پر پروگرام میں شرکت کرنے آئی ہیں اور میزبان عمران اشرف سے کچھ پوچھنا چاہتی ہیں۔
انہوں نے پوچھا کہ آپ دوسری شادی کب کر رہے ہیں کیونکہ ہم آپ کو زندگی میں خوش دیکھنا چاہتے ہیں اور ہمیں یوں لگتا ہے کہ آپ کی زندگی میں کچھ ادھورا پن ہے۔
عمران اشرف نے محبت میں کتنی بار دھوکا دیا؟ اداکار نے بتا دیا
مداح کے سوال کا جواب دیتے ہوئے اداکار نے کہا کہ میں اپنی زندگی میں یوں ہی خوش ہوں، تاہم مذکورہ مداح نے اصرار کیا کہ انہیں جلد شادی کرلینی چاہیے جس پر عمران اشرف نے مذاقاً کہا کہ ٹھیک ہے پھر کسی کی تلاش شروع کریں۔
انہوں نے مزید کہا کہ یہ سب اللّٰہ کے فیصلے ہیں، یہ تب ہوگا جب وہ چاہے گا، لیکن آپ مجھ سے زیادہ میرے بیٹے کے لیے دعا کریں۔
واضح رہے کہ اداکار و میزبان عمران اشرف اور ماڈل کرن اشفاق 2018ء میں شادی کے بندھن میں بندھے تھے، اس جوڑی کے ہاں 2020ء میں بیٹے روہم کی پیدائش ہوئی تھی۔
بعد ازاں عمران اشرف اور کرن اشفاق کے درمیان نومبر 2022ء میں طلاق ہوگئی تھی۔
طلاق کے تقریباً ایک سال بعد دسمبر 2023ء میں کرن اشفاق نے دوسری شادی کرلی تھی۔
===================
حمیرا اصغر کی کہانی کئی فنکاروں کی کہانی ہے: امر خان
کراچی کے علاقے ڈیفنس کے ایک فلیٹ سے اداکارہ حمیرا اصغر علی کی ایک ماہ پرانی لاش ملنے کے معاملے پر ردعمل دیتے ہوئے پاکستانی اداکارہ امر خان نے کہا کہ حمیرا کی کہانی کئی فنکاروں کی کہانی ہے، جو اس گلیمر کی دنیا میں لوگوں کے سامنے مسکراتے ہیں لیکن حقیقت اس کے برعکس ہے۔
فوٹوز اینڈ ویڈیوز شیئرنگ پلیٹ فارم انسٹاگرام پر امر خان نے حمیرا اصغر کی موت پر افسوس کا اظہار کرتے ہوئے ان کی مغفرت کی دعا کی۔
انہوں نے انسٹااسٹوری شیئر کرتے ہوئے لکھا کہ یہ چونکانے سے زیادہ مایوس کن ہے، یہ معاشرے اور صنعت کی موت ہے۔ اب بھی مجھے ان کا شو یاد ہے کہ وہ کیسے زندگی کی سختیوں سے گزرتے ہوئے اور دباؤ برداشت کرتے ہوئے اپنا کیریئر بنا رہی تھی۔
حمیرا اصغر کی کہانی کئی فنکاروں کی کہانی ہے: امر خان
اداکارہ نے انٹرٹنمنٹ انڈسٹری کے دباؤ کو اُجاگر کرتے ہوئے لکھا کہ حمیرا کی کہانی کئی فنکاروں کی کہانی ہے جو اس گلیمر کی دنیا میں کیمرے کے سامنے خوش دکھائی دیتے ہیں، لیکن حقیقت اس کے برعکس ہے۔ یہ دن عارضی دنیاوی اہداف کی خود شناسی کا دن ہے، جہاں مسلسل آپ کو آپ کے لباس، کیریئر اور دولت کی بنیاد پر جج کیا جاتا ہے۔
اداکارہ حمیرا اصغر سے متعلق پڑوسی نے کیا بتایا؟
امر خان نے لکھا کہ وہ تمام لڑکیاں جو اپنے کیریئر کا آغاز کر رہی ہیں اور سخت محنت کر رہی ہیں، وہ اپنے آپ پر زیادہ دباؤ نہ ڈالیں، اپنا بہتر دیں، اپنے آپ پر زیادہ سختی نہ کریں اور باقی اللّٰہ پر چھوڑ دیں۔ کوئی بھی چیز آپ کی ذہنی صحت اور زندگی سے اہم نہیں ہے۔
