
بلوچستان کے ضلع سوراب کے ایڈیشنل ڈپٹی کمشنر ہدایت اللّٰہ بلیدی کی بھاگ میں نمازِ جنازہ ادا کردی گئی۔
نمازِ جنازہ کے بعد لیویز کے دستے نے میت کو سلامی دی۔
نمازِ جنازہ میں کمشنر نصیرآباد معین الرحمٰن، ڈپٹی کمشنرز اور دیگر حکام نے شرکت کی۔
اس سے قبل میت کو ہیلی کاپٹر کے ذریعے سوراب سے بھاگ پہنچایا گیا تھا۔
واضح رہے کہ شہید ہدایت اللّٰہ گزشتہ روز سوراب میں دہشت گردوں سے مقابلے میں شہید ہو گئے تھے۔
===================
وزیراعظم کا بلوچستان کیلئے 250 ارب روپے کا ترقیاتی فنڈ مختص کرنے کا اعلانوزیراعظم کا بلوچستان کیلئے 250 ارب روپے کا ترقیاتی فنڈ مختص کرنے کا اعلان
وزیراعظم شہباز شریف نے بلوچستان کےلیے 250 ارب روپے کا ترقیاتی فنڈ مختص کرنے کا اعلان کردیا، یہ رقم ملک کے مجموعی 1 ہزار ارب روپے کے ترقیاتی فنڈ کا ایک چوتھائی ہوگی۔
وزیراعظم شہباز شریف کا کوئٹہ میں گرینڈ جرگے سے خطاب میں کہنا تھا کہ کوشش ہونی چاہیے ترقیاتی پروگرام کے یہ فنڈز شفافیت کے ساتھ خرچ ہو۔
انہوں نے کہا کہ بلوچستان کے عمائدین بتائیں کون سی خرابیاں ہیں جنہیں دور کرنے کی ضرورت ہے، بلوچستان کے جو لوگ بھٹک کر پٹری سے اتر گئے ہیں انہیں واپس لانے کی کوشش کرنی چاہیے۔
بھارت کو پانی کو بطور ہتھیار استعمال نہیں کرنے دیں گے، وزیراعظم شہباز شریف
شہباز شریف نے کہا کہ دہشت گرد خون کے پیاسے ہیں وہ پاکستان کی ترقی اور خوشحالی نہیں چاہتے، دہشت گرد دشمنوں کے ایجنٹ ہیں۔
انہوں نے کہا کہ بھارت کے 5 دھماکوں کے مقابلے میں 6 دھماکے کیے، بھارت سے 1971 کا بدلہ لیا ہے، پوری قوم چٹان کی طرح افواج پاکستان کے ساتھ کھڑی ہوگئی، بھارت کو شکست دی جو وہ عمر بھر یاد رکھے گا۔
اس موقع پر وزیراعلیٰ بلوچستان سرفراز بگٹی نے کہا مٹھی بھر عناصر دہشت گردی کے ذریعے ترقی کے عمل کو روکنا چاہتے ہیں، دہشت گرد ٹولہ بھارت کے کہنے پر معصوم لوگوں کا خون بہا رہا ہے، دہشت گردی سے بلوچستان متاثر ہو رہا ہے۔
سرفراز بگٹی نے کہا کہ یہ عناصر اپنے بیرونی آقاؤں کی ایما پر کارروائیاں کرتے ہیں۔
وزیراعلیٰ بلوچستان نے کہا کہ گرین بلوچستان انیشیٹو سے بلوچستان کے لوگوں کو روزگار کے مواقع ملیں گے۔
========================
کوئٹہ میں دھماکا، 2 افراد جاں بحق
کوئٹہ کے علاقے نواں کلی کے قریب دھماکا ہوا ہے، جس کے نتیجے میں 2 افراد جاں بحق اور 6 زخمی ہو گئے۔
پولیس کے مطابق دھماکا نواں کلی کے علاقے سرہ غڑگئی میں ہوا، فوری طور پر دھماکے کی نوعیت سامنے نہیں آئی ہے۔
قانون نافذ کرنے والے ادارے اور ریسکیو ادارے کے اہلکار جائے دھماکا پر پہنچ گئے ہیں۔
نصیر آباد: فائرنگ سے لیویز اہلکار جاں بحق
ادھر نصیر آباد کے سوئی بازار میں فائرنگ سے لیویز اہلکار جاں بحق ہو گیا۔
===============
چمن: جے یو آئی رہنما مولانا حافظ گل حملے میں زخمی
چمن میں جمعیت علماء اسلام (جے یو آئی) کے صوبائی رہنما مولانا حافظ گل حملے میں زخمی ہو گئے۔
لیویز حکام کے مطابق مولانا حافظ گل پر حملہ چمن کے علاقے محمود آباد میں واقع مسجد میں کیا گیا۔
لیویز حکام کا کہنا ہے کہ مولانا حافظ گل کو فوری طور پر ڈی ایچ کیو چمن منتقل کر دیا ہے۔
خضدار، جے یو آئی کے مرکزی رہنما قاتلانہ حملے میں ساتھی سمیت شہید
ڈی ایچ کیو کے ایم ایس ڈاکٹر رشید ناصر کے مطابق مولاناحافظ گل کی حالت تشویشناک ہے۔ ابتدائی علاج کے بعد انہیں کوئٹہ منتقل کیا جائے گا۔
چیئرمین ڈسٹرکٹ کونسل و رہنما جے یو آئی مولانا امان اللّٰہ کے مطابق ملزمان نے مسجد میں گھس کر فائرنگ کی۔
انہوں نے بتایا ہے کہ مولانا حافظ گل اذانِ ظہر دے رہے تھے کہ مسلح افراد نے پیچھے سے وار کیا۔























