کے فور منصوبے کا 63 فیصد کام مکمل ہوچکا، چیئرمین واپڈا
سندھ ھکومت کے ذمہ کاموں میں تاخیر ہوئی تو کراچی والوں کو پانی کیلئے انتظار کرنا پڑ سکتا ہے، لیفٹیننٹ جنرل (ر) سجاد غنی
کراچی کو پانی کی فراہمی میں سندھ حکومت سب سے بڑی رکاوٹ بننے لگی، چیئرمین واپڈا کا کہنا ہے کہ شہر قائد کے سب سے بڑے پانی کے منصوبے کے فور پر 63 فیصد مکمل ہوچکا، ساتھ ہی خبردار بھی کردیا کہ سندھ حکومت کے ذمہ کاموں میں تاخیر ہوئی تو شہریوں کو پانی کیلئے مزید انتظار کرنا پڑسکتا ہے۔
پانی کے بحران سے لڑتے کراچی کیلئے اہم خبر آگئی، واپڈا نے کے فور پر اہم پیشرفت سے آگاہ کردیا۔ منصوبے کے دورے پر آئے چیئرمین واپڈا لیفٹیننٹ جنرل ریٹائرڈ سجاد غنی نے دعویٰ کیا کہ 63 فیصد کام مکمل ہوچکا ہے۔
چیئرمین واپڈا نے واضح کیا کہ گھروں تک پانی پہنچانے پمپنگ اسٹیشنز بنانے اور بجلی گھروں کی تنصیب سندھ حکومت کی ذمہ داری ہے، اگر کام وقت پر مکمل نہ ہوئے تو شہریوں کو پانی کیلئے مزید انتظار کرنا ہوگا۔
رپورٹ کے مطابق کے فور کا پہلا مرحلہ 260 ملین گیلن یومیہ پانی کراچی کو دے گا، جبکہ منصوبہ مکمل ہونے پر یہ مقدار 560 ملین گیلن یومیہ تک جائے گی۔
=============================
اسلام آباد – واپڈا کے فور پراجیکٹ پر کئی اہم اہداف کامیابی کے ساتھ حاصل کر چکا ہے۔ پراجیکٹ کا پہلا مرحلہ جون میں مکمل ہو گا۔ تاہم پراجیکٹ کی شیڈول کے مطابق تکمیل کے لیے درکار فنڈز کی وقت پر دستیابی بہت اہم ہے۔ چیئرمین واپڈا انجنیئر لیفٹیننٹ جنرل (ر) سجاد غنی نے فور پراجیکٹ کے دورے کے دوران پراجیکٹ کی مختلف اہم سائٹس پر تعمیراتی پیش رفت کا جائزہ لیا۔ ان اہم سائٹس میں کینجھر جھیل پر زیر تعمیر ان ٹیک (intake)، پمپنگ سٹیشن اور کینجھر جھیل سے کراچی تک بچھائی جانے والی پریشرائزڈ پائپ لائنز شامل ہیں۔ پراجیکٹ ٹیم، کنسلٹنٹس اور کنٹریکٹرز نے چیئرمین واپڈا کو پراجیکٹ کے تمام 8 کنٹریکٹس پر تعمیراتی پیش رفت بارے بریفنگ دی۔کہ ریلوے لائن کے نیچے تعمیر کی گئیں (sleeve pipes) میں سے پانی لے جانے والی پائپ لائنز کو گزارنا اور پراجیکٹ کی پہلی 15 کلومیٹر پائپ لائن پر ہائیڈرو سٹیٹک (Hydrostatic) ٹیسٹنگ کی کامیاب تکمیل شامل ہیں۔ کے فور پراجیکٹ کینجھر جھیل سے کراچی کو 650 ملین گیلن پانی فراہم کرنے کا منصوبہ ہے۔ یہ منصوبہ دو مراحل میں مکمل ہو گا۔ واپڈا اس وقت منصوبے کے پہلے مرحلے پر کام کر رہا ہے جس کی تکمیل پر کراچی کو یومیہ 260 ملین گیلن پانی مہیا ہو گا۔ جبکہ دوسرا مرحلہ مکمل ہونے پر کراچی کو 390 ملین گیلن پانی فراہم کیا جا سکے گا۔
