ڈاکٹر لالچند اکرانی کی صدارت میں سندھ نان مسلم ویلفیئر کمیٹی کا اہم اجلاس
منارٹی اسکالرشپ کی رقم 25 ہزار سے بڑھا کر 50 ہزار کرنے کی منظوری
پاکستان پیپلز پارٹی اقلیتوں کے حقوق کی ضامن ہے، ڈاکٹر لالچند اکرانی
کراچی 30 مئی۔ وزیراعلیٰ سندھ کے معاون خصوصی برائے اقلیتی امور و پاکستان پیپلز پارٹی منارٹی وِنگ سندھ کے صدر ڈاکٹر لالچند اکرانی کی صدارت میں سندھ نان مسلم ویلفیئر کمیٹی کا ایک اہم اجلاس منعقد ہوا۔ اجلاس میں وزیراعلیٰ سندھ کے معاون خصوصی برائے انسانی حقوق راجویر سنگھ سوڈھو، سینیٹر پونجو مل بھیل، ایم پی اے ڈاکٹر کھٹو مل جیون، ایم پی اے مہیش کمار، ایم پی اے انیل کمار، محکمہ برائے اقلیتی امور کہ سیکریٹری انجم اقبال جمانی سمیت مختلف محکموں کے افسران اور نمائندگان نے شرکت کی۔ اجلاس کے دوران اقلیتی برادری سے تعلق رکھنے والے طلبہ کے لیے اسکالرشپ کی رقم 25 ہزار سے بڑھا کر 50 ہزار کرنے کی منظوری دی گئی۔ اس موقع پر اجلاس میں آگاہی دی گئی کہ اقلیتی امور کے محکمے کو مختلف جامعات کی طرف سے اسکالرشپس کی 645 درخواستیں موصول ہوئی ہیں، جن کی جانچ پڑتال کے بعد 594 طلبہ کو اسکالرشپ کے لیے اہل قرار دیا گیا ہے۔ اجلاس میں یہ بھی بتایا گیا کہ موصول ہونے والی درخواستوں میں اہل طلبہ کی تعداد کم ہے، اس لیے کمیٹی سے دوبارہ اشتہار جاری کرنے کی منظوری طلب کی گئی، جس کی کمیٹی نے منظوری دے دی۔اجلاس میں سندھ میں اقلیتی برادری کو درپیش سماجی، انتظامی اور معاشرتی مسائل کا تفصیلی جائزہ بھی لیا گیا۔ اجلاس سے خطاب کرتے ہوئے ڈاکٹر لالچند اکرانی نے کہا کہ منارٹی اسکالرشپ کے لیے اہل طلبہ کو جلد از جلد اسکالرشپ کے چیک دیے جائیں، اور نئی درخواستیں لے کر دوسرے مرحلے میں 100 سے زائد طلبہ کو چیکس جاری کیے جائیں۔ڈاکٹر لالچند اکرانی نے مزید کہا کہ پاکستان پیپلز پارٹی اپنے قیام سے لے کر آج تک اقلیتوں کے حقوق کی محافظ رہی ہے۔ قائدِ عوام شہید ذوالفقار علی بھٹو سے لے کر شہید محترمہ بینظیر بھٹو اور موجودہ چیئرمین بلاول بھٹو زرداری تک، پارٹی کی قیادت نے ہمیشہ اقلیتوں کی آواز کو ایوانوں تک پہنچایا اور ان کے حقوق کے تحفظ کے لیے عملی اقدامات کیے ہیں۔
ہینڈآؤٹ نمبر 608۔۔۔اے کے
کراچی
مور خہ 30مئی 2025
سندھ حکومت کے محکمہ کھیل امور نوجوانان کی جانب سے”فیوچروائس” پروگرام کا آغاز کل ہفتہ سے ہوگا
کراچی30 مئی ۔ سندھ حکومت کے محکمہ کھیل و امورِ نوجوانان نے نوجوانوں کے لیے ڈبنگ، وائس اوور، اور آواز کے شعبے میں کیریئر کے مواقع فراہم کرنے کے لیے ایک اہم قدم اٹھایا ہے۔ وزیر کھیل سندھ سردار محمد بخش مہر کی ہدایات پر “فیوچر وائس” کے عنوان سے ایک منفرد اور بااختیار پروگرام کا آغاز کیا جا رہا ہے۔یہ پروگرام خاص طور پر ان نوجوانوں کے لیے ڈیزائن کیا گیا ہے جو اپنی آواز کے ذریعے خود کو منوانا چاہتے ہیں — چاہے وہ وائس آرٹسٹ بننا چاہتے ہوں، ڈبنگ کے میدان میں اپنا لوہا منوانے کے خواہشمند ہوں، ریڈیو جاکی (آر جے) بننے کا خواب دیکھ رہے ہوں، یا اپنی آواز کے ذریعے دنیا تک پہنچنے کی خواہش رکھتے ہوں۔ اس فیوچر وائس پروگرام کی خاص بات یہ ہے کہ اس میں آواز کے شعبے کی نامور شخصیات شریک ہوں گی۔ مشہور کارٹون “ڈورا” کی آواز نکالنے والی معروف وائس آرٹسٹ کنزالایمان اور مشہورترکش ڈرامے”ارطغرل غازی” کے مرکزی کردار ‘کرولش عثمان’ کی ڈبنگ کرنے والے باصلاحیت فنکار باسط فریاد بھی پروگرام میں شرکت کریں گے اور نوجوانوں کی رہنمائی کریں گے۔ یہ پروگرام بروز ہفتہ، 31 مئی کو شام 7 بجے سے رات 10 بجے تک سندھ یوتھ کلب، گلستانِ جوہر،کراچی میں منعقد کیا جائے گا۔محکمہ کھیل و امورِ نوجوانان کا یہ اقدام نوجوانوں کو نئے اور جدید شعبوں میں کیریئر بنانے کے مواقع فراہم کرنے کی جانب ایک مثبت کوشش ہے۔
برطانوی ہائی کمیشن کےوفد کی سیکریٹری ماحولیات سےملاقات، موسمیاتی تبدیلی اور ڈیزاسٹر مینجمنٹ پرتفصیلی گفتگو
ارلی وارننگ سسٹم اورقدرتی آفات سے بچاؤ کے عملی اقدامات پر توجہ دینے کی ضرورت ہے ۔آغا شاہنواز
سندھ واحد صوبہ ہے جس نے فشریز پالیسی بھی مرتب کی اور ماحولیاتی شعبے میں قابل ذکر کام کیا ۔ڈی جی سیپا
موسمیاتی تبدیلی، قدرتی آفات اور ساحلی تحفظ پرسندھ حکومت کے اقدامات قابل ستائش ہیں، برطانوی وفد
کراچی30 مئی ۔سیکریٹری ماحولیات، موسمیاتی تبدیلی و ساحلی ترقی سندھ آغا شاہنواز خان سے برطانوی ہائی کمیشن کے وفد کی ملاقات ہوئی جس میں موسمیاتی تبدیلی، ساحلی علاقوں کے مسائل اور قدرتی آفات سے نمٹنے کے لیے پیشگی اقدامات پر تفصیلی گفتگو کی گئی۔ ملاقات میں برطانوی ہائی کمیشن کے سیکنڈ سیکریٹری نوام روزن بام اور انسانی امداد کی ٹیم کی سربراہ نمرہ ظہیر شامل تھیں جبکہ ڈی جی سیپا وقار حسین پھلپوٹو بھی موجود تھے۔ وفد کو بریفنگ دیتے ہوئےسیکریٹری آغا شاہنواز خان نے کہا کہ پاکستان خصوصاً سندھ گزشتہ کئی برسوں سے سیلاب، سائیکلون اور دیگر قدرتی آفات کا سامنا کر رہا ہےلیکن بدقسمتی سے ہم صرف تباہی کی بات کرتے ہیں ارلی وارننگ سسٹم اورقدرتی آفات سے بچاؤ کے عملی اقدامات پر توجہ نہیں دیتے۔ سندھ حکومت محدود وسائل کے باوجود ساحلی اضلاع جیسے کراچی، ٹھٹھہ، بدین، سجاول اور تھرپارکر میں ممکنہ آفات کے خطرات سے نمٹنے کے لیے اقدامات کر رہی ہے۔ ان علاقوں کی ماحولیاتی ساخت اور وہاں بسنے والے افراد کے مسائل مختلف ہیں، ہمیں ان کے مطابق منصوبہ بندی کرنی ہوگی۔ آغا شاہنواز نےانکشاف کیا کہ 2016 میں دو بڑے منصوبے بھی تجویز کئے تھے لیکن وسائل کی کمی اور 2022 کے شدید سیلاب کی وجہ سے مکمل عملدرآمد نہ ہوسکا۔ ہم نے کاربن رجسٹری ڈائریکٹوریٹ بھی منظور کروالیا ہےآئندہ ماہ میں پرائیویٹ سیکٹر سے ماہرین کی خدمات طلب کی جائیں گی تاکہ بین الاقوامی معیار کے مطابق ماحولیاتی نظام کی بہتری اور کاربن کریڈٹس کے لیے اقدامات کیے جا سکیں۔اس موقع پر ڈی جی سیپا وقار حسین پھلپوٹو نے کہا کہ سندھ واحد صوبہ ہے جس نے فشریز پالیسی بھی مرتب کی اور ماحولیاتی شعبے میں قابل ذکر کام کیا۔ توانائی کے شعبے میں سولر انرجی اور ونڈ انرجی کے تحت منصوبے جاری کئے جن پر چینی کمپنیاں بھی کام کر رہی ہیں۔ سندھ ایک مختلف نوعیت کا صوبہ ہے، یہاں درجہ حرارت 52 ڈگری سینٹی گریڈ تک پہنچ جاتا ہے، ساحلی، صحرائی اور زرعی زمینوں کا امتزاج اسے جنوبی ایشیا کا ہاٹ اسپاٹ بناتا ہے۔برطانوی وفد نے استفسار کیا کہ سندھ حکومت بین الاقوامی اداروں سے کس حد تک منسلک ہے؟ جس پر سیکریٹری آغا شاہنواز نے جواب دیا کہ صوبائی سطح پر کلائمیٹ چینج ورکنگ گروپ قائم کیا ہے جس کی سربراہی خود کر رہا ہوں، ہم تمام محکموں کے فوکل پرسنز سے ڈیٹا حاصل کرکے ون ونڈو آپریشن پر کام کر رہے ہیں۔ کمیونٹی ریزیلینس، ایمرجنسی مینجمنٹ اور ماحولیاتی آگاہی کے لیے جدید سسٹمز متعارف کروارہے ہیں اور بین الاقوامی ڈونرز اور اداروں کی شمولیت کو اہم سمجھتے ہیں۔ برطانوی ہائی کمیشن کے وفد نے بتایا کہ ہماری ٹیم وفاقی حکومت کے ساتھ مل کر ارلی وارننگ سسٹم، کلائمیٹ فنانسنگ، پالیسی سازی، اور کمیونٹی بلڈنگ پر کام کر رہی ہے۔ سندھ ایک مددگار صوبہ ہے اور ہمیں خوشی ہے کہ یہاں کے ادارے تعاون کر رہے ہیں۔سیکریٹری آغا شاہنواز نے کہا کہ کراچی میں آلودگی، رہائشی مسائل اور صنعتی علاقوں کی موجودگی اسے ایک بڑا چیلنج بناتی ہے اس پر بھی تحقیق کی ضرورت ہے۔ملاقات کے اختتام پر برطانوی ہائی کمیشن کے وفد نے سندھ حکومت خاص طور پر محکمہ ماحولیات، موسمیاتی تبدیلی و ساحلی ترقی کی کوششوں کو سراہتے ہوئے کہا کہ سندھ نے محدود وسائل کے باوجود جس سنجیدگی سے موسمیاتی چیلنجز کا مقابلہ کیا ہے وہ قابل تحسین ہے۔ وفد نے مستقبل میں سندھ حکومت کے ساتھ کلائمیٹ فنانسنگ، پالیسی سازی اور کمیونٹی ریزیلینس کے شعبوں میں تعاون جاری رکھنے کے عزم کا اعادہ کیا اور امید ظاہر کی کہ یہ شراکت داری آنے والے چیلنجز سے نمٹنے میں مددگار ثابت ہوگی۔
کراچی
مور خہ 30مئی 2025
محکمہ اطلاعات سندھ کے دو سینئر ڈپٹی ڈائریکٹر ز کو گریڈ 19 میں بطور ڈائریکٹر ترقی دے دی گئی ہے
ترقی پانے والوں میں غلام عباس گوراہو اور محمد عمران شامل ہیں
کراچی 30 مئی۔ محکمہ اطلاعات سندھ کے دو سینئر ڈپٹی ڈائریکٹر ز کو گریڈ 19 میں بطور ڈائریکٹر ترقی دے دی گئی ہے۔ ترقی پانے والوں میں غلام عباس گوراہو اور محمد عمران شامل ہیں۔محکمہ سروسز ، جنرل ایڈمنسٹریشن و کوآرڈینیشن حکومت سندھ کی جانب سے جاری کردہ نوٹیفیکیشن کے مطابق دونوں افسران کی ترقی کی منظوری گزشتہ دنوں بورڈ II کے اجلاس میں دی گئی تھی۔ اس حوالے سے سروسز، جنرل ایڈمنسٹریشن اینڈ کوآرڈینیشن ڈپارٹمنٹ نے باقاعدہ نوٹیفکیشن جاری کر دیا ہے۔ دونوں افسران کی تعیناتی کے احکامات پر مشتمل علیحدہ نوٹیفکیشن بعد میں جاری کیا جائے گا۔
ہینڈآؤٹ نمبر 610۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
کراچی:سیکریٹری ماحولیات آغا شاہنواز سے برطانوی ہائی کمیشن کے وفد کی اہم ملاقات
کراچی: ملاقات میں موسمیاتی تبدیلی،ساحلی تحفظ اورڈیزاسٹر مینجمنٹ پرتفصیلی تبادلہ خیال
کراچی: برطانوی وفدمیں سیکنڈ سیکریٹری نوام روزن بام اور انسانی امداد ٹیم کی سربراہ نمرا ظہیر شامل
کراچی:ملاقات میں ڈی جی سیپا وقار حسین پھلپوٹو بھی شریک
کراچی:برطانوی وفدکاسندھ حکومت سے کلائمیٹ فنانسنگ،پالیسی سازی،کمیونٹی ریزیلینس کے شعبوں میں تعاون جاری رکھنے کے عزم کا اعادہ
کراچی: سندھ گزشتہ کئی برسوں سےسیلاب،سائیکلون و دیگر قدرتی آفات کا سامنا کر رہا ہے،سیکریٹری آغا شاہنواز
کراچی: صرف تباہی کی بات کرتے ہیں ارلی وارننگ سسٹم و دیگر اقدامات پر توجہ نہیں دیتے،سیکریٹری آغا شاہنواز
کراچی: سندھ حکومت ارلی وارننگ سسٹم اور ماحولیاتی بہتری پر کام کر رہی ہے،سیکریٹری آغا شاہنواز
کراچی: کاربن رجسٹری ڈائریکٹوریٹ منظور،آئندہ ماہ میں پرائیویٹ سیکٹر سے ماہرین کی خدمات طلب کریں گے، آغا شاہنواز
کراچی: سندھ واحد صوبہ ہے جس نے فشریز پالیسی دی، ڈی جی سیپا وقار حسین
کراچی: سندھ میں سولر اور ونڈ انرجی پر چینی کمپنیوں کے تعاون سے منصوبے جاری ہیں، ڈی جی سیپا وقار حسین
کراچی:سندھ کاساحلی،صحرائی اورزرعی زمینوں کا امتزاج اسے جنوبی ایشیا کا ہاٹ اسپاٹ بناتا ہے،ڈی جی سیپا
کراچی: سندھ حکومت بین الاقوامی اداروں سے کس حد تک منسلک ہے؟برطانوی وفد کا استفسار
کراچی: صوبائی سطح پر کلائمیٹ چینج ورکنگ گروپ قائم کیا ہے جس کی سربراہی خود کر رہا ہوں ،سیکریٹری آغا شاہنواز
کراچی: تمام محکموں کے فوکل پرسنز سے ڈیٹا حاصل کرکے ون ونڈو آپریشن پر کام کر رہے ہیں ،سیکریٹری آغا شاہنواز
کراچی: کمیونٹی ریزیلینس، ایمرجنسی مینجمنٹ اور ماحولیاتی آگاہی کے لیے جدید سسٹمز متعارف کروارہے ہیں، آغا شاہنواز
کراچی: بین الاقوامی ڈونرز اور اداروں کی شمولیت کو اہم سمجھتے ہیں، سیکریٹری آغا شاہنواز
کراچی: موسمیاتی تبدیلی، قدرتی آفات اور ساحلی تحفظ پرسندھ حکومت کے اقدامات قابل ستائش ہیں، برطانوی وفد
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
صدرِ مملکت آصف علی زرداری سے گورنر ہاؤس لاہور میں سابق وزیر اعظم راجا پرویز اشرف کی قیادت میں وفد کی ملاقات
وفد میں راجا پرویز اشرف کے ساتھ پیپلز پارٹی پنجاب کے جنرل سیکرٹری حسن مرتضیٰ ، سیکریٹری اطلاعات نواب شہزاد چیمہ،چودھری اسلم گل، مہر ارشاد سیال اور دیگر شامل
ملاقات میں گورنر پنجاب سردار سلیم حیدر اور ندیم افضل چن بھی موجود ، ملکی سیاسی اور معاشی صورتحال، آئندہ بجٹ، اور پارلیمانی امور پر تفصیلی تبادلہ خیال
وفد نے صدرِ مملکت کو مختلف علاقوں کے عوامی مسائل سے بھی آگاہ کیا اور تجاویز پیش کیں
پاکستان کو اس وقت سیاسی استحکام اور قومی اتفاق رائے کی اشد ضرورت ہے ، صدر مملکت آصف علی زرداری
تمام جمہوری قوتوں ساتھ چلتی رہیں تاکہ ملکی ترقی و خوشحالی کو یقینی بنایا جا سکے اور عوام کو درپیش مسائل کا حل نکالا جا سکے، آصف علی زرداری
جمہوریت اور عوامی خدمت کو ہمیشہ مقدم رکھنا چاہئے ، عوامی مسائل کے حل کے لئے ہر فرد اور مکتبہ فکر کو اپنا کردار ادا کرنا ہوگا، صدر آصف علی زرداری
جدید دنیا کے تقاضوں کے مطابق ملک کے نوجوانوں کو ملکی ترقی اور خوشحالی کے لئے آگے آنا چاہئے، صدر آصف علی زرداری
ملکی معیشت کو مضبوط بنانے کے لیے سب کو مشترکہ حکمت عملی اختیار کرنا ہوگی، صدر آصف علی زرداری
ملک کو درپیش چیلنجز کا سامنا کرنے کے لئے باہمی تعاون ، قومی اتحاد اور یکجہتی بہت اہم ہے، صدر آصف علی زرداری
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
صدر مملکت آصف علی زرداری سے گورنر ہاؤس لاہور میں ایم این اے ثمینہ خالد گھرکی، پیپلز پارٹی کے بانی کارکن عارف خان اور ذکا اشرف کی ملاقات
ملاقات میں ملکی سیاسی صورتحال، جمہوری عمل کے استحکام، اور عوامی فلاح و بہبود سے متعلق مختلف امور پر تفصیلی تبادلہ خیال
جمہوریت ہماری قومی شناخت کا بنیادی ستون ہے، صدر آصف علی زرداری
ہمیں پارلیمانی اقدار، قانون کی حکمرانی اور عوامی شمولیت کو مستحکم بناناہے، صدر آصف علی زرداری
تمام جمہوری قوتوں کو مل کر عوامی مسائل کے حل، اداروں کی مضبوطی اور آئینی نظم و ضبط کے لیے کردار ادا کرنا ہوگا، صدر آصف علی زرداری
منتخب نمائندے اور سیاسی کارکن عوام سے رابطے میں رہیں اور ان کے مسائل کے حل کے لیے فعال کردار ادا کریں، صدر آصف علی زرداری
ثمینہ خالد گھرکی نے صدر کو اپنے حلقے کے مسائل سے آگاہ کیا اور مختلف تجاویز بھی پیش کیں
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
ڈاکٹر لالچند اکرانی کی زیر صدارت سندھ نان مسلم ویلفیئر کمیٹی کا اہم اجلاس
اجلاس میں سینیٹر پونجو مل بھیل، ایم پی اے ڈاکٹر کھٹو مل جیون، راجویر سنگھ سوڈھو، سیکریٹری انجم اقبال شامل
اجلاس میں منارٹی اسکالرشپ کی رقم 25 ہزار سے بڑھا کر 50 ہزار کرنے کی منظوری
محکمہ برائے اقلیتی امور کو جامعات کی جانب سے 645 اسکالرشپ درخواستیں موصول ہوئیں، اجلاس میں آگاہی
جانچ پڑتال کے بعد 594 طلبہ کو اسکالرشپ کے لیے اہل قرار دیا گیا
اسکالرشپ کے لیے اہل طلبہ کی کم تعداد کی وجہ سے کمیٹی نے دوبارہ اشتہار دینے کی منظوری دے دی۔
اہل طلبہ کو تمام جلد اسکالرشپ چیک دیے جائیں، ڈاکٹر لالچند اکرانی
دوبارہ اشتہار دے کر نئی درخواستیں موصول کی جائیں، ڈاکٹر لالچند اکرانی
کراچی: 100 سے زائد مزید طلبہ کو دوسرے مرحلے میں چیکز دیے جائیں، ڈاکٹر لالچند اکرانی
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
صدر آصف علی زرداری سے گورنر ہاؤس لاہور میں وفاقی وزیر مواصلات علیم خان کی ملاقات
ملاقات میں گورنر پنجاب سردار سلیم حیدر اور نواب شہزاد بھی موجود
ملاقات میں ملک میں جاری ترقیاتی منصوبوں، مواصلاتی نظام کی بہتری، اور بنیادی ڈھانچے کے منصوبوں پر تبادلہ خیال
وفاقی وزیر علیم خان نے صدر مملکت کو وزارتِ مواصلات کی جاری اور مجوزہ منصوبوں پر آگہی دی
ملکی ترقی کے لیے جدید اور پائیدار مواصلاتی نظام ناگزیر ہے، صدر مملکت آصف علی زرداری
ترقیاتی منصوبے روزگار کے مواقع پیدا کرنے کے ساتھ ساتھ ملکی معیشت کی رفتار تیز کرنے میں کلیدی کردار ادا کرتے ہیں، آصف علی زرداری
وفاق اور صوبوں کے درمیان ہم آہنگی سے ہی ترقیاتی اہداف حاصل کیے جا سکتے ہیں ، صدر آصف علی زرداری
وفاقی و صوبائی سطح پر مربوط حکمت عملی کے تحت منصوبوں کی بروقت تکمیل قومی مفاد میں ہے، صدر آصف علی زرداری
ملکی ترقی و خوشحالی کے لئے تمام اداروں کو باہمی تعاون کو فروغ دینا ہوگا، صدر آصف علی زرداری
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 30مئی 2025
درخواست برائے ٹکرز
صدرِ مملکت آصف علی زرداری سے گورنر ہاؤس لاہور ایم پی اے بیگم رانا ناصرہ شوکت، ڈاکٹر فرید الزکریا کی ملاقات
ملاقات کے دوران گورنر پنجاب سردار سلیم حیدر بھی موجود تھے
ملاقات میں معاشرتی ترقی، تعلیم، خواتین کے کردار، اور قومی یکجہتی جیسے اہم موضوعات پر تبادلہ خیال
بیگم رانا ناصرہ شوکت اور ڈاکٹر فرید الزیا نے صدر مملکت کو مختلف امور سے متعلق آگاہ کیا
پاکستان کی ترقی میں خواتین، بزرگوں اور نوجوانوں کا کردار مرکزی حیثیت رکھتا ہے، صدر آصف علی زرداری
ایک مضبوط معاشرہ وہی ہوتا ہے جو اپنی اقدار، تعلیم اور سماجی خدمت کو فروغ دیتا ہے، صدر آصف علی زرداری
ہمیں اجتماعی شعور اور باہمی احترام کے ساتھ آگے بڑھنا ہے، صدر آصف علی زرداری
ہر فرد کا کردار قومی تعمیر میں اہم ہے، اور ہمیں مل کر ایک خوشحال، پُرامن اور مضبوط پاکستان بنانا ہے، صدر آصف علی زرداری
