دورے کے دوران ضلع بنوں سمیت ملحقہ اضلاع میں امن و امان کی صورتحال، ٹارگٹ کلنگ، اغواء وغیرہ کے حوالے سے بنوں پولیس و ضلعی انتظامیہ بنوں و دیگر قبائلی مشران کے ساتھ جرگے میں شرکت
پریس ریلیز( ضلع بنوں )
امروز انسپکٹر جنرل آف پولیس خیبرپختونخوا ذوالفقار حمید نے صوبائی وزیر برائے پبلک ہیلتھ پختون یار خان، مشیر اطلاعات بیرسٹر سیف اور چیف سیکرٹری خیبرپختونخوا شہاب علی شاہ کے ہمراہ ضلع بنوں کا دورہ کیا، بنوں پہنچنے پر ریجنل پولیس آفیسر بنوں سجاد خان ، ڈی پی او بنوں سلیم عباس کلاچی، کمشنر بنوں محمد علی شاہ ، ڈپٹی کمشنر محمد فہیم نے معزز مہمانوں کا استقبال کیا، جسکے بعد وہ کمشنر آفس بنوں گئے جہاں پر انہوں نے ضلع بنوں اور دیگر قبائلی مشران کیساتھ جرگے میں شرکت کی۔ جرگے میں مشران ضلع بنوں باز محمد خان ، پروفیسر اِبراھیم ، ڈاکٹر پیر صاحب زمان اور دیگر قبائلی مشران شامل تھے۔ جرگے کے اختتام پر آئی جی خیبر پختونخوا ذوالفقار حمید معزز مہمانوں کے ہمراہ پولیس لائن بنوں گئے
جہاں پولیس کے چاق و چوبند دستے نے ان کو سلامی پیش کی۔
آئی جی خیبرپختونخواہ ذولفقار حمید نے یادگار شہداء پر حاضری دیکر پھول چڑھائے اور شہداء کے ایصال ثواب کیلئے دعائیں کی۔ انہوں نے پولیس لائنز بنوں کے احاطے میں پودا بھی لگایا جسکے بعد انہوں نے پولیس لائن بنوں میں جاری تعمیراتی کام کا تفصیلی جائزہ لیکر پولیس اہلکاروں کیلئے نئے تعمیرشدہ بلڈنگ بلاک کا افتتاح بھی کیا۔
آخر میں آئی جی خیبرپختونخواہ جناب ذوالفقار حمید کی زیر صدارت ڈی آئی جی بنوں ریجن سجاد خان، ڈی پی او بنوں سلیم عباس کلاچی سمیت دیگر یونٹس کے سربراہان کیساتھ اعلیٰ سطح اجلاس منعقد ہوا جس میں دہشت گردی کے حوالے سے اعلیٰ مرتبہ حکمت عملی پر عمل درآمد کا جائزہ لیا گیا اور فتنہ الخوارج سمیت دیگر جرائم پیشہ عناصر کیخلاف فیصلہ کن کارروائیوں کے احکامات جاری کیے گئے۔
ترجمان بنوں پولیس
