
Shocking Life on Karachi’s Secret Island – You Won’t Believe This!
گمراہ کن مارکیٹنگ ،ہاؤسنگ سوسائٹی پر 15کروڑ روپے جرمانہ
اسلام آباد( تنویر ہاشمی) مسابقتی کمیشن آف پاکستان ( سی سی پی )نے گمراہ کن مارکیٹنگ پر ہاؤسنگ سوسائٹی کو 15کروڑ روپے جرمانہ کر دیاکمپٹیشن کمیشن کے مشاہدہ میں آیا تھاا کہ صارفین کو گمراہ کرنے کے لیے نجی ہاوسنگ سوسائٹی نے اشتہارات میں حکومت سے منظور شدہ اور نیا پاکستان ہاؤسنگ پروگرام میں رجسٹرڈ ہونے کا غلط دعوی ٰ کیا۔ کیس کا جائزہ لینے کے بعد، کمیشن کے ممبران سعید احمد نواز اور عبدالرشید شیخ پر مشتمل بینچ نے قرار دیا کہ کمپنی نے مسابقتی ایکٹ کی خلاف ورزی کرتے ہوئے صارفین کو جھوٹی یا گمراہ کن معلومات کی فراہم کیں اور انہیں گمراہ کیا۔
بولان میں مسافر کوچ الٹنے سے 4 افراد جاں بحق، 28 زخمی
بولان:ضلع کچھی کے علاقے بولان میں قومی شاہراہ سندھ کے قریب دوسا چوکی کے مقام پر صادق آباد سے کوئٹہ جانیوالی مسافر کوچ کے الٹنے سے 4 مسافر جاں بحق جبکہ 28 دیگر زخمی ہو گئے۔
ابتدائی اطلاعات کے مطابق حادثہ مسافر کوچ کے ڈرائیور کی لاپرواہی کے باعث پیش آیا۔ حادثے کے فوری بعد موٹر وے پولیس، فرنٹیئر کانسٹیبلری (ایف سی)، لیویز اور ضلعی انتظامیہ نے زخمیوں کو فوری طور پر ڈی ایچ کیو سول ہسپتال سبی منتقل کر دیا۔
زخمیوں میں کئی کی حالت تشویشناک بتائی جا رہی ہے، اور ہسپتال میں ان کا علاج جاری ہے۔ ضلعی انتظامیہ اور متعلقہ حکام نے حادثے کی تحقیقات شروع کر دی ہیں۔























