صدر مملکت آصف علی زرداری کی برونائی کے سلطان کی صحت پر تشویش کا اظہار
اسلام آباد ( نمائندہ خصوصی ) صدر مملکت آصف علی زرداری نے برونائی کے سلطان حاجی حسن البلقیہ کی صحت کی خبر پر تشویش کا اظہار کیا ، صدر مملکت نے برونائی کے سلطان کیلئے جلد صحت یابی اور تندرستی کے لیے دعاکی، میری دعائیں اور نیک تمنائیں برونائی دارالسلام کے سلطان اور عوام کے ساتھ ہیں۔
پاکستان کے ایٹمی دھماکوں کے 27 برس مکمل، ملک بھر میں یوم تکبیر ملی جوش و جذبے سے منایا جارہا ہے
پاکستان نے آج ہی کے دن بھارت کے 5 ایٹمی دھماکوں کے جواب میں 6 دھماکے کر کے خطے میں طاقت کا توازن بحال کیا اور دفاع کا حق منوایا، ملک بھر میں عام تعطیل جبکہ وفاقی و صوبائی سطح پر تقریبات، سیمینارز اور ریلیوں کا انعقاد جاری
پاکستان کے ایٹمی دھماکوں کے 27 برس مکمل، ملک بھر میں یوم تکبیر ملی جوش ..
اسلام آباد-پاکستان کے ایٹمی دھماکوں کے 27 برس مکمل ہوگئے،ملک بھر میں یوم تکبیر ملی جوش و جذبے سے منایا جارہاہے،ملک بھر میں عام تعطیل کا اعلان کیا گیا ہے، جبکہ وفاقی و صوبائی سطح پر تقریبات، سیمینارز اور ریلیوں کا انعقاد جاری ہے،پاکستان نے آج ہی کے دن بھارت کے 5 ایٹمی دھماکوں کا جواب دیا ، پاکستان نے 6 دھماکے کر کے خطے میں طاقت کا توازن بحال کیا اور دفاع کا حق منوایا۔
چاغی کے پہاڑوں سے اللہ اکبر کی صدا دنیا نے سنی اور پاکستان دنیا کی ساتویں اور اسلامی دنیا کی پہلی ایٹمی طاقت بن کر ابھرا۔ سابق وزیراعظم نوازشریف کے دورِ حکومت میں پاکستان نے 28 مئی 1998 کو بلوچستان کے علاقے چاغی کے مقام پر کامیاب ایٹمی دھماکے کئے جس کے بعد اس دن کو ’یوم تکبیر‘ کے نام سے یاد رکھا جاتا ہے۔
یوم تکبیر کے حوالے سے آج ملک بھر میں عام تعطیل ہے۔
خصوصی تقریبات منعقد کی جائینگی اور وطن کے رکھوالوں کو سلام پیش کیا جائیگا۔یومِ تکبیر کے موقع پر ملک بھر میں جذبہ حب الوطنی سے سرشار تقاریب کا انعقاد جاری ہے، جہاں نوجوان نسل کو پاکستان کے اس عظیم کارنامے سے روشناس کرایا جا رہا ہے۔ چاغی کے مقام پر بھی خصوصی تقریب منعقد کی جا رہی ہے، جہاں قومی پرچم کے سائے تلے ایک بار پھر وطن کی سالمیت، خودمختاری اور امن کے عزم کی تجدید کی جا رہی ہے۔
مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے پاکستانی عوام کو مبارکباد دیتے ہوئے اپنے پیغام میں کہا ہے کہ مسلح افواج مادرِ وطن کے دفاع کیلئے مکمل تیار اور پر عزم ہیں۔یوم تکبیر 1998 کےاس عظیم لمحے کی یاد دلاتا ہے جب پاکستان جوہری طاقت کے طور پر ابھرا۔پاکستان نے جنوبی ایشیا میں اسٹریٹجک توازن بحال اور اپنے دفاع کے حق کو منوایا۔
پاکستان کی اسٹریٹجک صلاحیت قومی امانت ہے، جو عوامی امنگوں کی عکاس ہے، مسلح افواج مادرِ وطن کے دفاع کیلئے مکمل تیار اور پر عزم ہیں۔پاک فوج کے شعبہ تعلقاتِ عامہ آئی ایس پی آر کا کہنا ہے کہ یوم تکبیر اس اہم موقع کی یاد ہے جب 1998 میں پاکستان ایک جوہری طاقت کے طور پر دنیا کے نقشے پر ابھرا، پاکستان نے جنوبی ایشیا میں اسٹریٹیجک توازن کو بحال کرتے ہوئے دفاع کے حق کا اظہار کیا۔
آئی ایس پی آر کے مطابق یوم تکبیر قیادت کی دور اندیشی، سائنسدانوں اور انجینئروں کی محنت کو خراج تحسین ہے۔ یوم تکبیر ملکی دفاع کو ناقابل تسخیر بنانے والے تمام لوگوں کی خدمات کو خراج تحسین ہے۔پاکستان خطے میں امن اور سٹریٹجک استحکام کو برقرار رکھنے کے اصول کا داعی ہے مسلح افواج تمام خطرات کیخلاف مادر وطن کے دفاع کیلئے غیرمتزلزل عزم کا اعادہ کرتی ہیں۔
