25/05/2025
گھوٹکی پولیس
پریس ریلیز
گھوٹکی کچہ آپریشن کی تازہ ترین صورتحال۔
ڈی آئی جی سکھر رینج کیپٹن (ر) فیصل عبداللہ چاچڑ کی ہدایات پر جرائم پیشہ افراد کے خلاف آپریشن میں ایس ایس پی گھوٹکی ڈاکٹر سمیع اللہ سومرو کی قیادت میں ضلع گھوٹکی پولیس کا ٹارگیٹڈ آپریشن لٹھانی گینگ،ماچھی گینگ اور میرانی گینگ کے اغواء کاروں/ڈاکوؤں کے خلاف سب ڈویژن اوباوڑو کے تھانہ کھمبڑا کی حدود میں کامیابی کے ساتھ جاری و ساری۔
پولیس اور اغواء کاروں کے مابین شدید فائرنگ کا سلسلہ جاری۔
پولیس کی جانب سے لٹھانی گینگ،ماچھی گینگ اور میرانی گینگ کا گھیراؤ تنگ کر کے جدید ٹیکنالوجی کا استعمال کر کے ڈاکوؤں/اغواء کاروں کے ٹھکانوں پر رسائی حاصل کر کے 10 ٹھکانوں کو مسمار کر دیا گیا ہے۔
پولیس کی جانب سے کچہ ایریا میں ڈاکوؤں/اغواء کاروں کے ٹھکانوں کا گھیراؤ تنگ کر کے سخت سرچ آپریشن کیا جا رہا ہے۔
آج کے آپریشن میں ایس ایس پی گھوٹکی ڈاکٹر سمیع اللہ سومرو کی قیادت میں ڈی ایس پی اباوڑو عبدالقادر سومرو،مختلف تھانوں کے ایس ایچ اوز اور 10 تھانوں کی پولیس کی بھاری نفری کے ساتھ اے پی سی چین و بکتر بند گاڑیاں حصہ لے رہی ہیں۔
ایس ایس پی گھوٹکی ڈاکٹر سمیع اللہ سومرو نے کہا کہ ڈاکوؤں/اغواء کاروں کے خاتمے تک کچہ میں ٹارگیٹڈ آپریشن بنا تعطل جاری رہے گا۔
ترجمان : گھوٹکی پولیس
