10 سال میں صحت کارڈ پر 108 ارب خرچ کر دیے، کے پی حکومت کا دعویٰ
10 سال میں صحت کارڈ پر 108 ارب خرچ کر دیے، کے پی حکومت کا دعویٰ
پشاور(- خیبر پختونخوا حکومت نے 2016ء سے اب تک صوبے کے عوام کو مفت علاج معالجے کی سہولتوں کی فراہمی کے لیے صحت کارڈ پر 108 ارب روپے خرچ کرنے کا دعویٰ کرتے ہوئے صحت کارڈ پلس پروگرام میں مزید 4 پیچیدہ بیماریوں کا مہنگا علاج بھی شامل کر دیا ہے۔
اب صوبہ کے عوام کو جگر، گردے اور بون میرو کی پیوند کاری کا علاج بھی مفت فراہم کیا جائے گا اور اسی طرح آلہء سماعت کی تنصیب کا علاج بھی صحت کارڈ میں شامل کر لیا گیا ہے۔
اس سلسلے میں خیبر پختونخوا حکومت کے ترجمان اور مشیر اطلاعات بیرسٹر محمد علی سیف نے کہا ہے کہ مردان سے پائلٹ پراجیکٹ کے تحت او پی ڈی کا آغاز بھی جلد کیا جائے گا، جس کے بعد پینل پر موجود تمام اسپتالوں میں او پی ڈی سروس شروع کی جائے گی۔
==========================
حکومت چینی کی مقررہ قیمت پر عملدرآمد کو یقینی بنائے گی ، رانا تنویر حسین
نیوز ڈیسک
May 24, 2025
News Image
لاہور:وفاقی وزیر برائے نیشنل فوڈ سکیورٹی اینڈ ریسرچ، رانا تنویر حسین نے کہا ہے کہ حکومت چینی کی مقررہ قیمت پر عملدرآمد کو یقینی بنائے گی ،مل مالکان کو درپیش مسائل کے حل کے لیے فوری اقدامات اٹھائے جا رہے ہیں ۔
ان خیالات کا اظہار وفاقی وزیررانا تنویرحسین نے پاسکو ہیڈ آفس میں چینی کی قیمتوں کے حوالے سے منعقدہ اجلاس کی صدارت کرتے ہوئے کیا ۔ اس موقع پر ڈی جی فوڈ پنجاب، کین کمشنر پنجاب محمد شعیب خان جدون سمیت دیگر بھی موجود تھے ۔
اجلاس میں تمام صوبوں میں چینی کی قیمتوں کے تعین کے لیے تجاویز زیر غور آئیں۔ وفاقی وزیر نے مقرر کردہ چینی کی قیمتوں پر عملدرآمد نہ ہونے پر شدید تشویش کا اظہار کیا اور کہا کہ حکومت چینی کی مقررہ قیمتوں پر عملدرآمد کو یقینی بنانے کے لیے ٹھوس اقدامات بروئے کار لا رہی ہے۔انہوں نے کہا کہ آئندہ پیر کو ڈپٹی وزیراعظم اسحاق ڈار چینی کے مل مالکان سے ملاقات کرکے قیمتوں پر عملدرآمد کو یقینی بنائیں گے۔
اجلاس میں وفاقی وزیر رانا تنویر حسین کو بریفنگ میں بتایا گیا کہ گزشتہ سال کے مقابلے میں رواں سال چینی کی فروخت میں اضافہ ہوا ہے۔ وفاقی وزیر نے ہدایت کی کہ چینی کے سٹاک کا بھی از سر نو جائزہ لیا جائے تاکہ مارکیٹ میں قیمتوں کو مستحکم رکھا جا سکے۔
اس پوسٹ کو شیئر کریں
