آرٹس کونسل آف پاکستان کراچی کے زیراہتمام تین روزہ ”آرٹس المنائی فیسٹیول 2025ء“ کے دوسرے روز وزیراعلیٰ سندھ سید مراد علی شاہ کی خصوصی شرکت
آپس میں لڑنا بند کریں ہمارے دشمن بہت ہیں، آرٹس کونسل کے طلباءکا ملی جذبہ دیکھ کر بہت خوشی ہورہی ہے، وزیراعلیٰ سندھ سید مراد علی شاہ
پاک بھارت جنگ میں پاک فوج نے بڑی بہادری سے دشمن کو شکست دی، فیسٹیول شہداءکے نام کرتا ہوں،صدر آرٹس کونسل محمد احمد شاہ
کراچی ; آرٹس کونسل آف پاکستان کراچی کے زیراہتمام تین روزہ ”آرٹس المنائی فیسٹیول 2025ء“ کے دوسرے روز وزیراعلیٰ سندھ سید مراد علی شاہ نے خصوصی شرکت کی، صدر آرٹس کونسل محمد احمد شاہ نے ان کا پرتپاک استقبال کیا، پروگرام کا آغاز تلاوتِ کلام پاک سے کیاگیا ، فیسٹیول میں پاکستان کا قومی ترانہ بجایا گیا جس کے احترام میں ہال میں موجود تمام لوگوں نے کھڑے ہوکر قومی ترانہ سنا، فیسٹیول میں پاک بھارت جنگ کے شہداءکو خراجِ تحسین پیش کیا گیا اور پاک فوج کی کامیابی کا جشن منایا گیا، اس موقع پر وزیراعلیٰ سندھ سید مراد علی شاہ نے اظہارِ خیال کرتے ہوئے کہاکہ آرٹس المنائی فیسٹیول 2025ءمیں پرفارم کرنے والے تمام فنکاروں کو مبارکباد دیتا ہوں ، احمد شاہ کا گزار ہوں کہ انہوں نے مجھے اس فیسٹیول میں دعوت دی، آج بہت اچھی پرفارمنسز دیکھنے کو ملیں ، ہمارے شاعروں اور فنکاروں نے زبردست ٹریبیوٹ پیش کیا ، انہوں نے مزید کہاکہ آرٹس کونسل کے شکر گزار ہیں کہ قوم کو سیلیبریٹ اور پاک افواج کو خراج تحسین پیش کرنے کے اس ایونٹ میں یہ حصہ رکھا، ہماری پوری
قوم بھارت کی جنگ سے اکٹھی ہوئی، 65کی جنگ میں قوم کے جذبے کے بارے میں سنتے تھے مگر 2025میں وہ جذبہ دیکھنے کو ملا، 7 مئی کو پاکستان کے چار مقامات پر حملہ کیا گیا جس میں ہمارے معصوم بچے شہید ہوئے، ہماری ائیر فورس نے اس وقت فوری طور پر جواب دیا ،افواج پاکستان نے بھارت کے پانچ جہاز گرائے جس میں رافیل بھی شامل تھا، بھارت نے اسرائیلی ڈرونز بھیجے، 10 مئی کو پاکستان پر دوبارہ حملہ ہوا تب آپریشن ”بنیان مرصوص “ وجود میں آیا ، انہوں نے کہاکہ پہلگام واقعہ ایک سوچا سمجھا منصوبہ تھا، پاکستان نے سب سے پہلے
پہلگام کی مذمت کی، بھارت ہمارے کسی واقعے کی مذمت نہیں کرتا، بھارت کا مقصد کچھ اور تھا، ہماری افواج، حکومت اور میڈیا نے بھرپور کردار ادا کیا، افواج پاکستان نے یہ بتا دیا کہ بھارت کوئی مہم جوئی کرے گا تو منہ توڑ جواب ملے گا، ہماری افواج کے ساتھ ساتھ عام شہری بھی شانہ بشانہ تھے، آپس میں لڑنا بند کریں ہمارے دشمن بہت ہیں ، ہمارا بچہ بچہ لڑنے کے لیے تیار ہے ، صدر آرٹس کونسل محمد احمد شاہ نے اظہار ِ خیال کرتے ہوئے کہاکہ آرٹس المنائی فیسٹیول تین دن کا ہے، جو بچے پاس آﺅٹ ہوئے وہ یہاں اپنی صلاحیتوں کا بھرپور مظاہرہ کررہے ہیں، ہم نے
اس فیسٹیول کو شہداءکے نام کیا ہے، پاک بھارت کے درمیان جو جنگ ہوئی اس میں بڑی بہادری سے پاک فوج نے 10گنا بڑے دشمن کو شکست دی، جب 65کی جنگ ہوئی تو تم لوگ پیدا بھی نہیں ہوئے تھے، جو کریٹیو آدمی ہوتا ہے وہ لیڈ کرتا ہے ،ہمارے موسیقار ، گلوکار اس وقت لیڈ کررہے تھے، آرٹس المنائی فیسٹیول میں معروف شاعرہ عنبرین حسیب عنبر نے قومی جذبے سے بھرپور کلام پیش کیا ، انور شعور ، فاطمہ حسن کے علاوہ فراست رضوی نے معرکہ بنیان المرصوص کو اپنے زبردست کلام کے ذریعے پیش کیا، معروف گلوکار محمد زبیر نے اپنی آواز کا جادو جگایا اور کامران ساگو نے جوش و جذبے کے ساتھ ملی نغمہ پیش کیا۔ فیسٹیول کے دوسرے روز تین تھیٹر پلے ”آزادی ایک جنگ“، “Monica & A Tale of Two Betrayed” اور سالگرہ پیش کیے گئے جبکہ فائن آرٹ اور میوزک ماسٹر کلاس ، ”AI، مصنف اور اصلیت : اصل میں موسیقی کون بنا رہا ہے؟“ پر موضوع سے متعلق گفتگو ہوئی۔ میوزک ماسٹر کلاس، بھرت ناتیم ¿ ڈانس ورکشاپ بھی فیسٹیول میں شامل تھے جبکہ کلاسیکل میوزک پرفارمنس اور کانسرٹ کے ذریعے پاکستانی لوک موسیقی کو خراج تحسین پیش کیاگیا، لابی ایریا میں بلاک اور اسکرین پرنٹنگ کے علاوہ کھانے پینے کے لیے مختلف اسٹالز بھی لگائے ہیں ۔
