پاکستان اور ازبکستان کی ’’گرین کوریڈور‘‘ کے قیام کی تجویز
اسلام آباد (ایجنسیاں)پاکستان اور ازبکستان کے مابین موسمیاتی تعاون کے فروغ پر اتفاق‘ وسطی و جنوبی ایشیا کیلئے ’’گرین کوریڈور‘‘کے قیام کی تجویز پیش کی گئی
۔وفاقی وزیر موسمیاتی تبدیلی مصدق ملک سے ازبکستان کے سفیر علی شیر توقطایف نے ملاقات کی ۔ازبک سفیر نے موسمیاتی تبدیلی کے حوالے سے باہمی ورکنگ گروپ کے قیام، مشترکہ منصوبہ جات، اختراعی پروگرامز، تحقیق، اور ماحولیاتی ڈیٹا و ٹیکنالوجی کے تبادلے جیسے متعدد عملی تجاویز پیش کیں۔ڈاکٹر مصدق ملک نے ازبکستان میں ارال جھیل کی تباہ حالی اور پاکستان میں گلیشئرز کے تیزی سے پگھلاؤ کو ماحولیاتی انحطاط کی تشویشناک علامات قرار دیتے ہوئے کہا کہ یہ خطرات نہ صرف علاقائی بلکہ عالمی سطح پر سنگین مضمرات کے حامل ہیں۔
======================
پاکستانی تھنک ٹینک کی پاک بھارت کشیدگی پر خصوصی رپورٹ جاری
جنگ میں کامیابی کا کریڈٹ فیلڈ مارشل عاصم منیر اور ایئر چیف مارشل کو جاتا ہے،مشاہد حسین
پاکستانی تھنک ٹینک نے پاک بھارت کشیدگی پر سولہ گھنٹے میں جنوبی ایشیا کی تاریخی تبدیلی کے عنوان سے خصوصی رپورٹ جاری کر دی۔ رپورٹ میں کہا گیا ہے کہ انیس سو اکتالیس میں ہٹلر کی طرح اب مودی کے سنگین غلط اندازے نے تاریخ کا رخ بدلا۔ پاکستان کی مسلح افواج کی جرات مندانہ حکمت عملی قابل ستائش ہے۔ جنگ میں کامیابی کا کریڈٹ فیلڈ مارشل عاصم منیر اور ایئر چیف مارشل ظہیر احمد بابر سدھو کو جاتا ہے۔
تھنک ٹینک کی رپورٹ میں پہلگام واقعے کے بعد سے اب تک کے واقعات کی ٹائم لائن کے ساتھ پاک بھارت کشیدگی پر بین الاقوامی آرا اور تجزیہ بھی موجود ہے۔ تھنک ٹینک پاکستان چائنا انسٹی ٹیوٹ کی رپورٹ مشاہد حسین سید نے جاری کی۔ مشاہد حسین سید نے کہا انیس سو باسٹھ میں چین سے ہارنے کے بعد بھارت کی سب سے بڑی شکست تھی۔
پاکستان کی مسلح افواج کی جرات مندانہ حکمت عملی قابل ستائش ہے، جنگ میں کامیابی کا کریڈٹ فیلڈ مارشل عاصم منیر اور ایئر چیف مارشل کو جاتا ہے۔ باہمی ہم آہنگی سے شاندار بین الافواج تعاون اور حکمت عملی کی واضح مثال قائم کی۔ بھارتی جارحیت کے جواب میں افواج سے یکجہتی پر پاکستانی عوام کی جرات بھی قابل تعریف ہے۔
مشاہد حسین نے سیز فائر میں ثالثی اور مسئلہ کشمیر دوبارہ زندہ کرنے پر صدر ٹرمپ کے کردار کی بھی تعریف کی اور کہا بھارت سے جنگ کے امکانات اگرچہ موجود نہیں تاہم پاکستان کو چوکنا رہنا ہوگا، سیاسی تقسیم ختم کرکے ملک میں اتحاد و یگانت کو فروغ دینے اور دہشت گردی کے خلاف مؤثر حکمت عملی مرتب کرنے پر بھی زور دیا گیا ہے۔
Think Tank Report
