لاہور: وزیر اعلیٰ پنجاب مریم نواز شریف کا ورلڈ فیملی ڈاکٹرز ڈے پر خصوصی پیغام
لاہور (خصوصی رپورٹ) — وزیر اعلیٰ پنجاب مریم نواز شریف نے ورلڈ فیملی ڈاکٹرز ڈے کے موقع پر فیملی ڈاکٹرز کی لازوال خدمات کو خراج تحسین پیش کرتے ہوئے ایک پراثر پیغام جاری کیا۔ انہوں نے کہا کہ “فیملی ڈاکٹرز کو ان کی خدمات، شفقت اور انسانیت کی بھلائی کے عزم پر خراجِ تحسین پیش کرتے ہیں۔”
ان کا کہنا تھا کہ “جب بیماری کی صورت میں سب سے پہلے فیملی ڈاکٹر ہاتھ تھام لیتا ہے۔” فیملی ڈاکٹرز نہ صرف مریضوں کا علاج کرتے ہیں بلکہ انہیں ذہنی سکون اور اعتماد بھی فراہم کرتے ہیں۔
وزیر اعلیٰ نے مزید کہا کہ “فیملی ڈاکٹر کمیونٹی صحت کا محافظ اور نگہبان ہوتا ہے۔” انہوں نے زور دے کر کہا کہ فیملی ڈاکٹرز کا کردار صحت عامہ کے نظام میں نہایت اہم ہے، کیونکہ وہ نہ صرف بیماریوں کی روک تھام میں مدد کرتے ہیں بلکہ پوری برادری کی صحت کی دیکھ بھال کرتے ہیں۔
ورلڈ فیملی ڈاکٹرز ڈے کے موقع پر پنجاب حکومت کی جانب سے فیملی ڈاکٹرز کے لیے خصوصی اقدامات کا اعلان بھی کیا گیا، جن میں ان کے کام کے حالات بہتر بنانے اور تربیتی پروگراموں کو وسعت دینے کے منصوبے شامل ہیں۔
مریم نواز شریف کے اس پیغام نے معاشرے میں فیملی ڈاکٹرز کی اہمیت کو اجاگر کیا ہے اور ان کی خدمات کو سراہا گیا ہے۔ یہ دن فیملی ڈاکٹرز کے عزم، محنت اور ہمدردی کو یاد دلانے کا ایک بہترین موقع ہے۔
#WorldFamilyDoctorDay #SaluteToHeroes #PunjabHealth
===========================
وزیراعلیٰ مریم نواز شریف کی قلعہ عبداللہ میں جبار مارکیٹ کے قریب دھماکہ کی شدید مذمت
وزیر اعلی مریم نواز شریف کا دھماکے میں قیمتی جانوں کے ضیاع پر گہرے دکھ و رنج کا اظہار
وزیر اعلی مریم نواز شریف کا سوگواران سے دلی ہمدردی و اظہار تعزیت
وزیر اعلی مریم نواز شریف کی زخمیوں کی جلد صحت یابی کے لئے دعا
=========================
ہینڈ آؤٹ نمبر405
وزیراعلیٰ مریم نواز شریف سے ترکیہ کے سفیر عرفان نذیراوغلو کی ملاقات،بھارتی جارحیت پر پاکستان کی دوٹوک حمایت پر اظہار تشکر
پاکستان ترکیہ کی بھارتی جارحیت پرسفارتی،اخلاقی اور اسٹریٹجک سطح پر غیر متزلزل یکجہتی پر سپاس گزار ہے:مریم نواز شریف
صدررجب طیب اردوان کا کہنا ہے کہ ”ہم اچھے اور برے وقت میں پاکستان کے ساتھ ہیں“دلوں میں نقش ہو چکا ہے
سب پاکستانی ترکیہ کے بہن بھائیوں کیلئے دلی محبت اور عقیدت رکھتے ہیں،ترکیہ کی غیر مشروط حمایت پاکستانی قوم ہمیشہ یاد رکھے گی
پاکستان اور ترکیہ کے تعلقات باہمی اعتماد، غیر متزلزل حمایت اور مشترکہ اقدار کی درخشاں علامت ہیں،اناطولیہ ڈپلومیسی فورم کے دوران حکومت ترکیہ اور خاتون اول کی مہمان نوازی پر بے حد مشکور ہوں
تجارت کو مزید تقویت دینے کیلئے ترکیہ کے ساتھ اشتراک کار بڑھائینگے، اسٹریٹجک کوآپریشن کونسل کے دوران 24 معاہدوں پر دستخط خوش آئند ہیں
پنجاب کے پاس برآمدات کی بے مثال صلاحیت،سرمایہ کار دوست انفرااسٹرکچراور دیگر بہترین مواقع موجود ہیں، ترکی اور پاکستان کی مذہبی و ثقافتی ہم آہنگی نمایاں ہے
لاہور18مئی:……وزیراعلیٰ پنجاب مریم نواز شریف سے ترکیہ کے سفیر عرفان نذیراوغلو (Irfan Neziroglu) نے ملاقات کی- وزیراعلیٰ مریم نواز شریف نے ترکیہ کے سفیر نذیراوغلو کا پرخلوص و پر تپاک خیر مقدم کیا- بھارتی جارحیت پر ترکیہ کی پاکستان کی دوٹوک حمایت پر وزیراعلی مریم نواز شریف نے اظہار تشکر کیا- پاکستان اور ترکی کے درمیان دوطرفہ تعلقات، تجارتی تعاون، علاقائی امن اور ثقافتی روابط پر تبادلہ خیال کیاگیا-وزیراعلی مریم نوازشریف نے کہاکہ پاکستان ترکیہ کی بھارتی جارحیت پر سفارتی،اخلاقی اور اسٹریٹجک سطح پر غیرمتزلزل یکجہتی پر سپاس گزار ہے-صدررجب طیب اردوان کا کہنا ہے کہ ”ہم اچھے اور برے وقت میں پاکستان کے ساتھ ہیں“دلوں میں نقش ہو چکا ہے۔ سب پاکستانی ترکیہ کے بہن بھائیوں کے لیے دلی محبت اور عقیدت رکھتے ہیں -ترکیہ کی بھارتی جارحیت پر حالیہ غیر مشروط حمایت پاکستانی قوم ہمیشہ یاد رکھے گی۔وزیراعلی مریم نواز شریف نے کہاکہ پاکستان اور ترکیہ صرف اتحادی نہیں بلکہ ایمان، ثقافت اور تاریخ میں جُڑے ہوئے بھائی ہیں۔پاکستان اور ترکیہ کے تعلقات باہمی اعتماد، غیر متزلزل حمایت اور مشترکہ اقدار کی درخشاں علامت ہیں۔اناطولیہ ڈپلومیسی فورم کے وزٹ کے دوران حکومت ترکیہ اور خاتون اول کی مہمان نوازی پر بے حد مشکور ہوں -پاکستان اور ترکی کے درمیان دوطرفہ تجارت میں تعاون مزید بڑھانے کی ضرورت ہے۔تجارت کو مزید تقویت دینے کے لیے ترکیہ کے ساتھ اشتراک کار بڑھائیں گے۔وزیراعلی مریم نواز شریف نے کہاکہ7ویں ہائی لیول اسٹریٹجک کوآپریشن کونسل کے دوران 24 معاہدوں پر دستخط خوش آئند ہیں – پنجاب ترکیہ کے ساتھ دوستی کو معاشی تحریک میں بدلنے کے لیے مکمل طورپرتیارہے۔پنجاب کے پاس برآمدات کی بے مثال صلاحیت، سرمایہ کار دوست،انفرااسٹرکچراور دیگر بہترین مواقع موجود ہیں – ترکی اور پاکستان کی مذہبی و ثقافتی ہم آہنگی نمایاں ہے۔وزیراعلی مریم نواز شریف نے کہاکہ پاک ترکیہ تعلقات کو نئی بلندیوں تک لے جانا چاہتے ہیں۔ پاک ترکیہ باہمی رشتہ وقت کی آزمائشوں میں کندن ہو کر مزید مضبوطی اور کامیابیوں کی نوید دے رہا ہے۔
