میں شدید غصے میں ہوں!

Rehan Hyder is feeling angry.
میں شدید غصے میں ہوں!
آج میں فریر ہال نہیں پہنچ سکا کیونکہ شاہین کمپلیکس کے قریب K-Electric کے خلاف احتجاج جاری تھا۔ احتجاج آپ کا حق ہے، لیکن جو میرے ساتھ ہوا وہ سراسر ظلم تھا!
میں نے اپنا پریس کارڈ دکھایا، ویڈیو بنائی اور پھر راستہ مانگا، لیکن جواب میں چند لوگوں نے خود کو قانون سمجھتے ہوئے میری موٹر سائیکل کے دونوں ٹائروں کی ہوا نکال دی! جی ہاں، دونوں! مجھے سخت گرمی میں موٹر سائیکل گھسیٹتے ہوئے بہت دور تک جانا پڑا تاکہ ہوا بھروا سکوں۔
یہ کون سا طریقہ احتجاج ہے کہ آپ شہریوں کو تکلیف پہنچائیں؟ احتجاج ضرور کریں، لیکن کسی کو نقصان پہنچانا آپ کا حق نہیں!
انسانیت کہاں گئی؟ کیا یہی طریقہ رہ گیا ہے اپنے مسائل اجاگر کرنے کا کہ دوسروں کو بھی اذیت دی جائے؟
#ProtestResponsibly #RespectJournalists #WhereIsTheHumanity #ShamefulBehavior #karachi #karachidiaries
====================

کراچی پریس کلب پر بغیر اجازت ممکنہ احتجاج کی اطلاع پر راستے بند
کراچی کے پولیس حکام کا کہنا ہے کہ کراچی پریس کلب پر بغیر اجازت ممکنہ احتجاج کی اطلاع ملنے پر اطراف کے راستے بند کیے ہیں۔

پولیس حکام کے مطابق کراچی پریس کلب پر نفری اور سادہ لباس اہلکاروں کو تعینات کیا گیا ہے۔

دوسری جانب ضیاء الدین روڈ پر سپریم کورٹ رجسٹری سگنل پر 3 گھنٹے سے جاری احتجاج ختم کر دیا گیا۔

کراچی: مختلف علاقوں میں لوڈشیڈنگ کا دورانیہ 14-12 گھنٹوں تک پہنچ گیا

پولیس کا کہنا ہے کہ مظاہرین نے پولیس سے مذاکرات کے بعد سڑک کھول دی، جس کے بعد اطراف کی سڑکوں پر ٹریفک بحال ہو گیا۔

مظاہرین کا کہنا تھا کہ 4 دن سے بجلی نہیں، شدید گرمی میں جینا محال ہے۔

خیال رہے کہ کراچی کے مختلف علاقوں میں لوڈشیڈنگ کا دورانیہ 12 سے 14 گھنٹوں تک پہنچ گیا ہے۔

لیاری، کورنگی، لانڈھی، نیو کراچی، نارتھ کراچی، سرجانی ٹاؤن، ناظم آباد، ملیر، قائد آباد اور ایف بی ایریا کے مختلف بلاکس میں لوڈ شیڈنگ جاری ہے۔

ماڈل کالونی، جہانگیر روڈ، پی آئی بی سمیت دیگر علاقوں میں بھی لوڈشیڈنگ کی جا رہی ہے۔

مچھر کالونی، ریلوے کالونی، ماڑی پور اور ہاکس بے کے علاقوں میں بھی طویل لوڈشیڈنگ کے باعث علاقہ مکینوں کو سخت مشکلات کا سامنا ہے۔

دوسری جانب کے الیکٹرک کے ترجمان کا کہنا ہے کہ کراچی میں بجلی کی سپلائی معمول کے مطابق جاری ہے، 70 فیصد بجلی کا نیٹ ورک لوڈشیڈنگ سے مستثنیٰ ہے۔

ترجمان کے مطابق 30 فیصد علاقوں میں بجلی چوری اور بلوں کی عدم ادائیگی کا سامنا ہے، ان علاقوں میں بجلی چوری اور بلوں کی عدم ادائیگی کے مطابق لوڈشیڈنگ کی جاتی ہے۔