حافظ کا اگلا مشن ۔۔۔ پاکستان کو قرض کی زنجیروں سے آزاد کرانا ہے ۔معیشت کے محاذ پر فتح نیا ہدف ۔
تفصیلات کے مطابق پاکستان کی معیشت کو مضبوط کرنا اور پاکستان پر غیر ملکی قرضے کا بوجھ ختم کرنا ملک کی ترقی اور خوشحالی کے لیے بہت ضروری ہے اس بات پر سب ماہرین متفق ہیں کہ پاکستان کو ترقی اور خوشحالی کے راستے پر چلنا ہے تو معیشت کو اپنے پیروں پر کھڑا کرنا ہوگا اس کے لیے پاکستان کو زراعت اور معدنیات پر انحصار کرنا ہوگا پاکستان ایک ذرعی ملک ہے اور پاکستان میں معدنیات کا بہت ہی قیمتی قدرتی خزانہ موجود ہے جس سے فائدہ اٹھانے کی بہت ضرورت ہے بھارت کے خلاف تاریخی جنگ جیتنے کے بعد سب کو یقین ہے کہ حافظ جی کی قیادت میں پاکستان اب معیشت کے محاذ پر بھی فتح مند ہوگا اگلا مشن پاکستان پر قرض کی زنجیروں سے آزادی حاصل کرنا ہے حافظ صاحب بتا چکے ہیں کہ مسلمان کے لیے نا امیدی کفر ہے پاکستان کو دنیا کی کوئی طاقت ترقی کرنے سے نہیں روک سکتی حال ہی میں بلائی گئی انٹرنیشنل کانفرنس میں بھی یہ بات ثابت ہو چکی ہے پاکستان میں غیر ملکی سرمایہ کار سرمایہ کاری کے لیے تیار ہیں معدنیات اور زراعت ایسے شعبے ہیں جن میں سرمایہ کاری کا بہت پوٹینشل ہے برامدات اور روزگار میں اضافہ کرنا ہوگا ساری توجہ زراعت معدنیات ائی ٹی اور ڈیفنس پروڈکشن پر دینی ہوگی حافظ صاحب کہہ چکے ہیں کہ معاشی ترقی کے لیے بحیثیت ادارہ جانفشانی کا یقین دلاتا ہوں فوج پاکستان کی شان ہے پاکستان کی آن ہے جس نے ہر میدان میں خود کو منوایا اور اب تو پوری دنیا میں پاک فوج کا بول بالا ہے اور بھارت اپنے زخم چاٹ رہا ہے شکست کے بعد اس کو سمجھ نہیں ارہی کہ وہ کہاں چھپے ۔حافظ صاحب نے پاکستان کی معیشت کی بہتری کا بیڑا بھی اٹھا لیا ہے وہ کہہ چکے ہیں کہ مسلمانوں کو اللہ کی رحمت سے مایوس نہیں ہونا چاہیے پاکستان کی معیشت ترقی کرے گی پاکستان کو ترقی کرنے سے دنیا کی کوئی طاقت نہیں روک سکتی پاکستان پاکستان خوشحال ہوگا یہاں روزگار ملے گا پاکستان نے ترقی کی نئی منازل طے کرنی ہے نئے سنگ میل عبور کرنے ہیں ائی ٹی سیکٹر سے اربوں کا زرمبادلہ ائے گا پاکستان کا نام بنائے گا اس حوالے سے پیش رفت ہو رہی ہے نوجوان ملک کی ترقی میں اہم کردار ادا کرے گا پاکستان کو اللہ نے بہت سی نعمتوں سے نوازا ہے اپ ضرورت صرف قومی اتحاد کی ہے ضرورت صرف اس امر کی ہے کہ ہم مل کر ترقی میں حصہ ڈالیں حافظ صاحب کا اگلا مشن ہے مشن معیشت ہمارا پاکستان خوشحال پاکستان اس حوالے سے زراعت اور معدنیات پر توجہ مرکوز کی جا رہی ہے کسان خوشحال ہوگا لوگوں کو روزگار ملے گا گندم کپاس چاول اور دیگر اجناس کی پیداوار میں اضافہ ہوگا پاکستان دفاعی الات اور ڈیفنس پروڈکشن کے حوالے سے بھی پیسہ کمائے گا اور ترقی یافتہ ممالک بھی پاکستان سے ہتھیار خریدیں گے پاکستان کی معیشت ترقی کرے گی غربت کا خاتمہ ہوگا لوگ خوشحال ہوں گے پاکستان ترقی یافتہ ہو جائے گا عالمی معاہدے ہوں گے زر مبادلہ بڑھے گا پاکستان کا قرض اترے گا پاکستان کو مزید قرض نہیں لینا پڑے گا ہم اپنے پیروں پر کھڑے ہو جائیں گے اس کے لیے ہمیں بہت محنت کرنی ہوگی حافظ صاحب جانتے ہیں کہ سندھ ہو یا بلوچستان معدنیات قدرت کا انمول تحفہ ہے پاکستان کے دیگر علاقوں میں بھی معدنیات کے بے شمار ذخائر ہیں پاکستان کی زمین میں سونا تانبہ لوہا جواہرات سنگ مرمر جیسی قیمتی معدنیات ہیں پاکستان کے زیر زمین تیل گیس اور دیگر بہت سی قیمتی دھاتیں اور معدنیات ہیں جو پاکستان کا مستقبل بدل سکتی ہیں اسی طرح ائی ٹی سیکٹر کی بہتری اور ترقی سے پاکستان کی کایا پلٹ سکتی ہے یہ سب کچھ ممکن ہے جس طرح پاکستان فوج نے اپنی سے کئی گنا بڑی بھارتی فوج کو شکست دی اسی طرح معیشت میں قرضوں کے بہت بڑے چیلنجوں سے نمٹنے کی یہ قوم پوری صلاحیت رکھتی ہے ہم معیشت کے راستے میں انے والے چیلنجوں رکاوٹوں اور مسائل کو شکست دے سکتے ہیں ہمیں کمر بستہ ہونے کی ضرورت ہے جس طرح ملک کو ڈیفالٹ سے بچایا اور اب انشاءاللہ ڈیفالٹ کا کوئی چانس نہیں ہے اسی طرح معیشت میں بہتری ائے گی اور ملک ترقی کے راستے پر نئے سنگ میل عبور کرتا نظر ائے گا
==========================
بھارت پاکستان میں جاری دہشت گردی کا اصل سرپرست ہے: ڈی جی آئی ایس پی آر
پاک فوج کے شعبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری کا کہنا ہے بھارت خطے، خاص طور پر پاکستان میں دہشتگردی کی سرپرستی کر رہا ہے۔
غیر ملکی ٹی وی سے گفتگو کرتے ہوئے ڈی جی آئی ایس پی آر لیفٹینٹ جنرل احمد شریف چوہدری کا کہنا تھا پاک بھارت تناؤ کو سمجھنے کے لیے اس کا پس منظر جاننا بہت ضروری ہے، بھارت خطے، خاص طور پر پاکستان میں دہشتگردی کی سرپرستی کر رہا ہے، بھارت پاکستان میں جاری دہشت گردی کا اصل سرپرست ہے، چاہے وہ خوارج ہوں یا بلوچستان میں سرگرم دہشت گرد گروہ۔
ڈی جی آئی ایس پی آر کا کہنا تھا بھارت حقیقت چھپانے کے لیے جھوٹے بیانیے کے پیچھے چھپ رہا ہے، پہلگام واقعے کے چند منٹ بعد بھارتی میڈیا نے پاکستان کو الزام لگانا شروع کر دیا۔
ان کا کہنا تھا ترجمان بھارتی وزارت خارجہ نے دو دن بعد تسلیم کیا کہ تفتیش ابھی جاری ہے، بغیر تفتیش اور شواہد کے الزامات لگانا کہاں کی دانشمندی ہے؟
لیفٹیننٹ جنرل احمد شریف چوہدری کا کہنا تھا پاکستان نےکہا ثبوت ہے تو غیرجانبدار ادارے کو دیں، ہم تعاون کے لیے تیار ہیں، بھارت نے اس منطقی پیشکش کو رد کر دیا، بھارت نے یکطرفہ کارروائی میں ہماری مساجد پر میزائل داغے، بھارت نے بچوں، خواتین اور بزرگوں کو شہید کیا۔
ان کا کہنا تھا افواجِ پاکستان کو ملکی خودمختاری اور سرحدوں کے تحفظ کی مقدس ذمہ داری دی گئی ہے، ہم نے یہ ذمہ داری پوری کی اور ہر قیمت پر کریں گے، پاکستان نے بالغ نظری سے کام لیتے ہوئے بھارت کو فوری، سخت اور مؤثر جواب دیا، پاکستانی جواب سے دشمن کو حقیقت کا سامنا کرنا پڑا۔
لیفٹیننٹ جنرل احمد شریف چوہدری کا کہنا تھا 6 اور 7 مئی کی رات کو بھارت نے حملہ کیا، میزائل فائر کیے، جس کے بعد ہماری فضائیہ نے ان کے 5 طیارے مار گرائے، قوم اور افواجِ پاکستان ایک سیسہ پلائی ہوئی دیوار کی مانند کھڑی ہو گئیں۔
انہوں نے کہا کہ دشمن نے ہمیں ڈرانے کے لیے 9 اور 10 مئی کی شب مزید میزائل داغے، بھارت بھول گیا کہ پاکستان کی قوم اور افواج نہ کبھی جھکتی ہیں، نہ جھکائی جا سکتی ہیں۔
ڈی جی آئی ایس پی آر کا کہنا تھا 10 مئی کی صبح ہم نے جواب دیا، ہم نے ذمہ داری اور احتیاط سے صرف ان کے فوجی اہداف کو نشانہ بنایا، ہم نے ایک بھی شہری ہدف کو نقصان نہیں پہنچایا، یہ ایک مناسب، منصفانہ اور متوازن جواب تھا۔
ترجمان پاک فوج کا کہنا تھا بھارتی وزارتِ دفاع کے ترجمان نے خود آ کر جنگ بندی کی درخواست کی، ہم امن اور استحکام کے خواہاں ہیں، تو ہم نے کہا کہ کیوں نہیں؟ ہماری سفارتی کور نے فہم و فراست سے غیر معمولی انداز میں عالمی برادری کو انگیج کیا، ہم پُرتشدد نہیں، ایک سنجیدہ قوم ہیں، ہماری پہلی ترجیح امن ہے، امریکا جیسی بڑی اور سمجھدار طاقتیں بہتر سمجھتی ہیں پاکستانی عوام کا جذبہ کیا ہے۔
==============================
بھارت کو جہاز دینے والی کمپنی کہہ رہی ہے پائلٹ پاک فضائیہ کا تربیت یافتہ ہونا چاہیے: گورنر سندھ
کمپنی کہہ رہی ہے انڈیا کو جہاز دیں گے تو اس کا پائلٹ پاکستانی پائلٹ سے تربیت ہونا چاہیے: گورنرسندھ کامران ٹیسوری/ فائل فوٹو
حیدرآباد: گورنرسندھ کامران ٹیسوری کا کہنا ہے کہ جس کمپنی نے انڈیا کو جہاز دیے وہ کہہ رہے ہیں اب انہیں پائلٹ کے بغیر جہاز نہیں دیں گے۔
سی ایم ایچ کے باہر میڈیا سے گفتگو کرتے ہوئے کامران ٹیسوری نے کہا کہ شہادتوں کا جذبہ ہمارے جوانوں میں موجود ہے، اللہ نے ہمیں پوری دنیا اور خاص طور پر اس خطے میں سرخرو کیا، ہمارے فوجی جوانوں نے پوری قوم کا سر فخر سے بلند کیا ہے۔
پاکستانی طیارے گرانے کی خبر غلط تھی، حکومت نے سچ بولنے والوں کیخلاف کریک ڈاؤن بھی کیا: بھارتی صحافی
انہوں نے کہا کہ اب بھارت ایسی حرکت نہیں کرے گا، نہ اس بارے میں سوچے گا، ہماری فوج نے جو تھپڑ رسید کیا ہے وہ پوری دنیا نے دیکھا ہے، ہمارے زخمی جوانوں کے چہروں پر مسکراہٹ ہے، ہمارے زخمی جوانوں کو غم نہیں کہ وہ زخمی ہوئے، انہیں غم ہے کہ وہ شہید کیوں نہیں ہوئے۔
آج پاکستان کے پاسپورٹ اور پاکستانیوں کی عزت میں کئی گنا اضافہ ہوگیا ہے: گورنر سندھ
انہوں نے یہ بھی کہا کہ آج پاکستان کے پاسپورٹ اور پاکستانیوں کی عزت میں کئی گنا اضافہ ہوگیا ہے، ہمیں اس بات پر نظر رکھنی ہوگی کہ یہ رات میں حملہ کیوں کیا گیا، ہمارے پاس وسائل کم تھے لیکن یہ جنگ ہم حوصلے سے جیتے ہیں، مودی نے یہ حملہ ناسمجھی میں نہیں کیا، اس کے پیچھے لمبی سوچ اور سازش تھی،اس سازش کے تانے بانے بلوچستان اورکے پی میں دہشتگردی سے ملتے ہیں۔
آزمائش میں ہر پاکستانی اپنی جان نچھاور کرنے کیلئے تیار ہے، ہم تو جیتے ہی شہادت کیلئے ہیں: صدر ملکت
گورنر سندھ نے میڈیا سے گفتگو میں یہ بھی کہا کہ یہ جذبہ پاکستان سے دہشت گردی کو ختم کردے گا، ہماری 80 ہزار شہادتوں کے بعد ہم پر جنگ مسلط کی جارہی تھی، ہم نے بھارت کو کرارا جواب دے دیا ہے، یہاں فورسز کا جذبہ ہے تو قوم کا جذبہ بھی ہے، کوئی منصوبہ ساز کوئی منصوبہ بنانے سے پہلے سوچ لے ہم نے کیا کیا ہے، میں امریکی صدر کا بھی شکریہ ادا کرتا ہوں،جنہوں نے ثالثتی کی۔
پاکستان اور ہماری قوم کا ہر شخص آئی ایم ایف کے قرضے سے آزاد ہوگا:گورنر سندھ
آئی ایم ایف کے حوالے سے بات کرتے ہوئے کہا کہ پاکستان اور ہماری قوم کا ہر شخص آئی ایم ایف کے قرضے سے آزاد ہوگا،آئی ایم ایف کی شرائط ختم کرنے کے لیے ہمیں قرض اتارنا ہوگا، حافظ عاصم منیر اس ملک کا قرض اتاریں گے۔
انہوں نے مزید کہا کہ جس کمپنی نےانڈیا کو جہاز دیے وہ کہہ رہے ہیں اب انہیں پائلٹ کے بغیر جہاز نہیں دیں گے، کمپنی کہہ رہی ہے انڈیا کو جہاز دیں گے تو اس کے پائلٹ کی پاکستانی پائلٹ سے تربیت ہونی چاہیے۔
=================================
ہوا سے آؤ گے تو ہوا میں بکھر جاؤ گے: افتخار ٹھاکر کا بھارت کو پیغام
افتخار ٹھاکر نے بھارت کو دوٹوک پیغام دیتے ہوئے کہا ہے کہ اگر ہوا سے آؤ گے تو ہوا میں بکھر جاؤ گے۔
پاکستان کے ممتاز کامیڈین اور اداکار افتخار ٹھاکر نے کہا ہے کہ اگر ہوا سے آؤ گے تو ہوا میں بکھر جاؤ گے، پانی سے آؤ گے تو ڈوب جاؤ گے اور اگر زمین سے آؤ گے تو دفن ہو جاؤ گے، پاکستان ایئر فورس نے بھارت کو اسی طرح جواب دیا۔
یہ بیان بھارت میں خصوصاً پنجابی فلم انڈسٹری کے متعدد فنکاروں کو ناگوار گزرا، جن میں دلجیت دوسانجھ، سمی چوہل اور امریندر گِل جیسے نام شامل ہیں۔
میرے ڈرامے کے ڈائیلاگ نے ایک شرابی کی زندگی بدل دی: افتخار ٹھاکر کا انکشاف
حالیہ بیان میں افتخار ٹھاکر نے اپنے دل کی بات عوام کے سامنے رکھی۔
انہوں نے کہا دو قسم کے لوگ ہوتے ہیں ایک وہ جنہیں بہادر ماؤں نے دودھ پلایا ہوتا ہے، وہ غصہ بھی عزت سے کرتے ہیں، میں ان کے جذبات کا احترام کرتا ہوں، سمی چوہل، دلجیت دوسانجھ، امریندر گِل جیسے فنکاروں سے میں معذرت خواہ ہوں کیونکہ میں نے انہیں کبھی تکلیف دینا نہیں چاہی۔
انہوں نے مزید کہا کہ میجر گورو آریہ اور جنرل بخشی جیسے جنونیوں کے لیے میری زبان سخت ہے، کیونکہ ان کا بیانیہ جنگ اور نفرت کو ہوا دیتا ہے۔
افتخار ٹھاکر نے جذباتی انداز میں کہا میں نے کبھی بھارتی پنجاب کو پاکستانی پنجاب سے الگ نہیں سمجھا، ہماری روحیں جڑی ہوئی ہیں لیکن جن لوگوں نے بے ادبی کی، ان کا انداز بتاتا ہے کہ ان کی تربیت کس طرح ہوئی ہے۔
انہوں نے یہ بھی واضح کیا کہ میں نے بھارتی پنجاب کے ساتھ مشترکہ فلموں کا آغاز کیا تھا اور آج میں ہی اس تعاون کو ختم کرنے کا اعلان کرتا ہوں۔
==============================
پاک فوج نے جارحیت کو چند گھنٹوں میں پسپا کرکے پاکستان کی طاقت اور قومی اتحاد کا پیغام دیا، صدر مملکت، بھارتی جہازوں کو پتنگوں کی طرح کاٹ کر رکھ دیا، وزیر دفاع
گوجرانوالہ، سیالکوٹ – صدر مملکت آصف علی زرداری نےکہا ہےکہ تاریخ یاد رکھے گی کہ پاک افواج نےجارحیت کو چند گھنٹوں میں پسپا کرکے پاکستان کی طاقت اور قومی اتحاد کاپیغام دیا، پاکستانی عوام اپنی بہادر افواج کو قومی عزت و وقار کا اصل نگہبان سمجھتے ہیں۔ آئی ایس پی آر کے مطابق صدر مملکت نے گوجرانوالہ چھاؤنی کا دورہ کیا، انکے ہمراہ وفاقی وزیر داخلہ محسن نقوی موجود تھے، صدر کی گوجرانوالہ چھاؤنی میں فوجی جوانوں سے ملاقات، معرکہ حق میں اعلیٰ کردار کو سراہا۔ صدرمملکت کی آمد پر آرمی چیف جنرل سید عاصم منیر نے انکا استقبال کیا۔ ادھروفاقی وزیر دفاع خواجہ آصف نے کہا ہےکہ بھارتی جہازوں کوہم نے پتنگوں کی طرح کاٹ کر رکھ دیا، دہشت گردوں کا بھی وہی حال ہوگا جو بھارتی ائیر فورس کا ہوا، بھارت مغربی سرحد پر اسی طرح زخم چاٹے گا جیسے مشرقی سرحد پر چاٹ رہا ہے، پاک فوج کی بہادری کتابوں کی داستان بنے گی۔ سیالکوٹ میں میڈیا سے گفتگو کرتے ہوئے انہوں نے کہا کہ دہشت گردوں کا بھی وہی حال ہوگا جو بھارتی ائیر فورس کا ہوا، پاک فوج کی بہادری کی داستان کتابوں کی داستان بنے گی، ہماری افواج نے بہادری، شجاعت کے ساتھ دشمن کو بھر پور جواب دیا،پاک افواج کے سربراہان کو فتح پر مبارکباد پیش کرتا ہوں۔ جنرل عاصم منیر کی قیادت میں جس طرح ہمارے نوجوان لڑے اس پر ان کو مبارکباد پیش کرتا ہوں آپکی قیادت نے حوصلوں میں برکت ڈالی، 78 سالہ تاریخ میں پاک فوج کی جرات کی مثا ل نہیں ملتی،اب ہماری جنگ مغربی سرحد پر دہشت گردوں کیخلاف ہے، بھارت مغربی سرحد پر اسی طرح زخم چاٹے گا جیسے مشرقی سرحد پر چاٹ رہا ہے۔وزیر دفاع نے کہا کہ حساب کتاب کا بندہ نہیں، لیکن اتنا مجھے معلوم ہے کہ اگر دوبارہ کوشش کی گئی تو اس سے کرارا جواب ان کو ملے گا، پہلے جو کسر رہ گئی تھی، ویسے کسر تو نہیں رہی، ایک وقت تھا جب ہمارے نشانے پر ان کے 10 جہاز تھے، وہ ادھار باقی ہے۔
