پاکستانی فوج کی تاریخی فتح پر جشن ،کراچی میں دفاع وطن کونسل کی عالیشان کانفرنس ، نیا ناظم آباد میں چھوٹی سی تقریب ۔ مختلف یونیورسٹیز میں اساتذہ اور طلبہ کی ریلیاں
افواج پاکستان نے دنیا میں اپنی برتری کا سکہ جما دیا، مقررین
13 مئی ، 2025FacebookTwitterWhatsapp
کراچی(اسٹاف رپورٹر)دفاع وطن کونسل کے تحت بنیان مرصوص کانفرنس سے خطاب کرتے ہوئے مذہبی، سیاسی رہنماؤں و جید علمائے کرام نے کہا ہے کہ ہم عظیم فتح پر اللہ کا شکر بجا لاتے ہیں، افواج پاکستان نے دنیا میں اپنی برتری کا سکہ جما دیا، جارحیت کے مرتکب بھارت کو جواب دینے پر افواج پاکستان کو خراج تحسین پیش کرتے ہیں، پاکستان اسلام کے نام پر بنا ہے، اس کے دفاع کے لیے ہم متحد ہیں، مودی نے اس خطے کو تباہی کے دہانے پر کھڑا کیا اگر بھارت نے مودی سے چھٹکارا حاصل نہ کیا تو بھارت تباہ ہوجائے گا، آپریشن بنیان مرصوص تاریخ میں جرات و بہادری کے طور پر یاد رکھا جائے گا، ان خیالات کا اظہار شیخ الاسلام مفتی تقی عثمانی، مفتی منیب الرحمنٰ، مفتی نعمان نعیم، علامہ راشد محمود سومرو، مولانا اورنگ زیب فاروقی، مولانا منظور احمد مینگل، فیصل ندیم، مفتی طارق مسعود، م مفتی یوسف کشمیری،حافظ محمد انور، تاج محمد حنفی، مفتی غیاث الدین، مفتی انس مدنی، مفتی رفیع الرحمنٰ، علامہ لیاقت حسین اظہری،مفتی حماد اللہ مدنی، باغ جناح میں کانفرنس میں ہزاروں شہریوں نے شرکت کی ، شرکا نے پاکستان کے پرچم تھام رکھے تھے اور افواج پاکستان کو زبردست کامیابی پر خراج تحسین پیش کی ، مفتی تقی عثمانی نے کہا کہ فتح عظیم پر شکر ادا کرنے کے لیے مزار قائد کے پہلو میں جمع ہیں، مسلمان ایک عرصہ سے مایوسی کا شکار تھے، مسلمانوں کی فتح و نصرت کی خبر کے لیے کان بے تاب رہتے تھے، آج پاکستان کا ہر فرد خوشی کے جذبات سے لبریز ہے، پاکستان کی افواج نے ساری دنیا میں اپنی برتری کا سکہ جمایا، انہوں نے انڈیا نے آپریشن کا نام سندور رکھا اور اس کو خواتین کا آپریشن قرار دیا۔
=============
کراچی کے علاقے نیا ناظم اباد میں نیا ناظم اباد جیم خانہ میں ایک چھوٹی سی تخریب بھی منعقد کی گئی جس میں رہائشی افراد کے ساتھ ساتھ کچھ نامور کاروباری شخصیات نے بھی شرکت کی
===============
شہر قائد میں مختلف یونیورسٹیز میں بھی جشن فتح کے حوالے سے خصوصی ریلیاں نکالی گئیں جن میں اساتذہ اور طلبہ نے سلالی پرچم سام رکھا تھا اور پاک فوج زندہ باد کے نعرے لگا رہے تھے ۔کراچی شہر کی مختلف مرکزی شہروں کو بھی خوبصورتی سے سجایا گیا ہے جہاں پر پاک فوج کی حمایت میں بڑے بڑے بینرز اور پوسٹرز اور بڑے بڑے ہولڈنگز لگائے گئے ہیں جن پر تحریر ہے کہ پوری پاکستانی قوم کو ارمی چیف جناب سید عاصم منیر صاحب پر فخر ہے
==============
گورنرسندھ کامران خان ٹیسوری کی ہدایت پر گورنر ہاﺅس میں یوم تشکر منایا گیا
* مولانا بشیر فاروق نے ملک و قوم کی ترقی، خوشحالی، سلامتی، استحکام کے لئے خصوصی دعائیں بھی کرائی
* فضائیہ، نیوی اور بری فوج کے بینڈز نے سلامی پیش کی
* گورنر۔سندھ کے ہمراہ اراکین قومی و صوبائی اسمبلی نے کیک بھی کاٹا
* یو م تشکر کی تقریب میں فائر ورکس کا شاندار مظاہرہ اور ملی نغمے بھی پیش کئے گئے
