حکومتِ پاکستان نے مجاز اتھارٹی، وزیر اعظم کی منظوری سے ڈائریکٹر جنرل ریڈیو پاکستان سعید احمد شیخ کو گریڈ 21 میں ترقی دے دی ہے۔
سعید احمد شیخ انفارمیشن گروپ سے تعلق رکھتے ہیں اور انہوں نے قومی نشریاتی ادارے میں اپنی خدمات کے دوران پیشہ ورانہ صلاحیت، نظم و نسق اور عوامی خدمت کے اعلیٰ معیار کا مظاہرہ کیا ہے۔
ان کی ترقی کا نوٹیفکیشن باقاعدہ طور پر جاری کر دیا گیا ہے، اور یہ فیصلہ فوری طور پر نافذ العمل ہے۔حکومتی و ابلاغی حلقوں کی جانب سے انہیں مبارک باد دی جا رہی ہے، اور توقع ظاہر کی جا رہی ہے کہ وہ ریڈیو پاکستان کے ارتقاء میں مزید فعال کردار ادا کریں گے۔
