عمران خان سے ملاقات کیلئے پارٹی رہنماؤں کی فہرست جیل حکام کو ارسال
لسٹ میں شامل تمام پارٹی رہنما اور وکلا ملاقات کے لیے کل جیل جائیں گے؛ پی ٹی آئی رہنما نیاز اللّٰہ نیازی کی گفتگو
عمران خان سے ملاقات کیلئے پارٹی رہنماؤں کی فہرست جیل حکام کو ارسال
اسلام آباد – پاکستان تحریک انصاف کے بانی چیئرمین عمران خان سے ملاقات کیلئے پارٹی رہنماؤں کی فہرست جیل حکام کو ارسال کردی گئی۔ تفصیلات کے مطابق پاکستان تحریک انصاف نے سابق وزیراعظم عمران خان سے کل ملاقات کرنے والے رہنماؤں کی فہرست اڈیالہ جیل سپرنٹنڈنٹ کو بھیج دی ہے، لسٹ میں پارٹ چیئرمین بیرسٹر گوہر سمیت 6 رہنماؤں کے نام شامل ہیں، اس حوالے سے پی ٹی آئی کے رہنما نیاز اللّٰہ نیازی کا کہنا ہے کہ عمران خان سے ملاقات کے لیے فہرست جیل سپرنٹنڈنٹ کو بھیجی گئی ہے، راولپنڈی کی اڈیالہ جیل میں ملاقاتیوں کی فہرست میں بیرسٹر گوہر، سلمان صفدر، نیاز اللہ نیازی، نعیم حیدر پنجھوتھا، علی بخاری اور ظہیر عباس کے نام شامل ہیں، لسٹ میں شامل تمام پارٹی رہنما اور وکلا ملاقات کے لیے کل جیل جائیں گے۔
دوسری طرف بانی پی ٹی آئی عمران خان کی 9 مئی کے 8 مقدمات میں ضمانت کیلئے درخواست سماعت کیلئے مقررکردی گئی، لاہور ہائیکورٹ کے جسٹس سید شہباز علی رضوی کی سربراہی میں دو رکنی بنچ 15 مئی کو درخواستوں کی سماعت کرے گا، عدالت نے سپیشل پراسیکیوٹر کو دلائل کیلئے طلب کیا ہے۔ بتایا جارہا ہے کہ بانی پی ٹی آئی عمران خان نے اپنے وکیل بیرسٹر سلمان صفدر ایڈووکیٹ کی وساطت سے ضمانت کیلئے درخواستیں دائر کر رکھی ہیں، جناح ہاؤس، عسکری ٹاور جلاؤ گھیراؤ سمیت آٹھ مقدمات میں درخواستیں دائر کی گئی ہیں، درخواستوں میں مؤقف اختیارکیا گیا ہے کہ اے ٹی سی نے عمران خان کی 9 مئی کے 8 مقدمات میں ضمانتیں خارج کردیں ہیں جب کہ اسی نوعیت کے دیگرمقدمات میں درخواست گزارکی ضمانتیں منظور ہوچکی ہیں۔
عمران خان نے جنید اکبر کو تحریک شروع کرنے کا ٹاسک دیا ہے ،علیمہ خان
علیمہ خان نے جنید اکبر کو پبلک اکاﺅنٹس کمیٹی کی چیئرمین شپ چھوڑنے کی وجہ بتا دی، بانی پی ٹی آئی نے جنید اکبر سے کہا کہ خیبر پختونخوا ہ سے تحریک کا آغاز کریں، بانی پی ٹی آئی کی ہمشیرہ کی گفتگو
عمران خان نے جنید اکبر کو تحریک شروع کرنے کا ٹاسک دیا ہے ،علیمہ خان
اسلام آباد-بانی پی ٹی آئی کی ہمشیرہ علیمہ خان کا کہنا ہے کہ عمران خان نے جنید اکبر کو تحریک شروع کرنے کا ٹاسک دیا ہے ،علیمہ خان نے جنید اکبر کو پبلک اکاﺅنٹس کمیٹی کی چیئرمین شپ چھوڑنے کی وجہ بتا دی، بانی پی ٹی آئی عمران خان نے پی اے سی کی چیئرمین کی ذمہ داری عمر ایوب کو اٹھانے کو کہا،جیو نیوز سے گفتگو کرتے ہوئے بانی پی ٹی آئی کی بہن علیمہ خان نے کہا کہ عمران خان نے جنید اکبر کو پارٹی کے فیصلے اور تحریک کا مکمل اختیار دیا ہے اور اس تحریک کا مقصد بانی پی ٹی آئی، دیگر پارٹی رہنماﺅں و کارکنوں کی آزادی اور دھاندلی کے خلاف آواز اٹھانا ہے۔
عمران خان نے جنید اکبر کو اپنے پیغام میں کہا کہ قومی اسمبلی کی پبلک اکاﺅنٹس کمیٹی کی چیئرمین شپ چھوڑ دیں اور خیبر پختونخوا ہ سے تحریک پر پوری توجہ دیں۔
انہوں نے کہا کہ بانی پی ٹی آئی عمران خان نے جنید اکبر سے کہا کہ خیبر پختونخوا ہ سے تحریک کا آغاز کریں۔ بانی پی ٹی آئی کا خیال ہے کہ پبلک اکاونٹس کمیٹی کی چیئرمین شپ اور تحریک کےلئے کوشش میں وقت تقسیم ہوگا۔
گفتگوکرتے ہوئے بانی پی ٹی آئی کی بہن علیمہ خان کا مزید کہنا ہے کہ میںنے بانی پی ٹی آئی کا پیغام سلمان اکرم راجہ اور پارٹی قیادت کو پہنچا دیا ہے۔علیمہ خان کاکہناہے کہ بانی پی ٹی آئی عمران خان نے پی ٹی آئی رہنماءجنید اکبر کو اپنی تمام تر توجہ تحریک اور احتجاج پر دینے کی ہدایت کی ہے۔یاد رہے کہ اس سے قبل بانی پی ٹی آئی عمران خان نے جنید اکبر کو پبلک اکاو¿نٹس کمیٹی کی چیئرمین شپ چھوڑے کی ہدایت کی تھی۔
بانی پی ٹی آئی کی بہن علیمہ خان نے پی اے سی کی چیئرمین شپ سے متعلق بانی پی ٹی آئی کا پیغام پارٹی چیئرمین بیرسٹر گوہر اور سیکرٹری جنرل سلمان اکرم راجہ کو پہنچا دیا تھا۔ بانی پی ٹی آئی نے جنید اکبر سے پبلک اکاونٹس کمیٹی کی چیئرمین شپ سے استعفا دینے کی ہدایت جاری کر دی تھی۔ ذرائع کے مطابق بانی پی ٹی آئی عمران خان نے ہدایت کی تھی کہ جنید اکبر پارٹی عہدے پر مکمل توجہ دیں۔
ذرائع کے مطابق جنید اکبر کی جگہ اپوزیشن لیڈر عمر ایوب کو پی اے سی کا چیئرمین بنائے جانے کا امکان بتایا گیا تھا۔اس حوالے سے پاکستان تحریک انصاف کے سیکرٹری جنرل سلمان اکرم راجہ کا کہنا تھا یہ پارٹی کا اندرونی معاملہ ہے فی الحال اس معاملے پر کوئی موقف نہیں دینا چاہتا تھا۔پبلک اکاﺅنٹس کمیٹی کے چیئرمین اور پی ٹی آئی رہنماءجنید اکبر کا اس حوالے سے کہنا تھا کہ بانی پی ٹی آئی عمران خان جب کہیں گے پبلک اکاونٹس کمیٹی کی چیئرمین شپ چھوڑ دوں گا۔
