اسٹاک میں تیزی کی وجہ
1۔۔سیز فائر
2۔۔ ترسیلات زر
3۔۔ آئی ایم ایف سے قرض کی منظوری
پاکستان اسٹاک مارکیٹ میں تاریخی تیزی، 10 ہزار سے زائد پوائنٹس کا اضافہ-
پاکستان اور بھارت کے درمیان سیز فائر کے بعد ملکی معیشت پر مثبت اثرات مرتب ہونے لگے، پاکستان اسٹاک ایکسچینج میں آج کاروباری ہفتے کے پہلے دن تاریخی تیزی دیکھی گئی، مارکیٹ کھلتے ہی سرمایہ کاروں کا اعتماد بحال ہوتا نظر آیا۔
بازارِ حصص کا 100 انڈیکس 10 ہزار 123 پوائنٹس کے اضافے سے ایک لاکھ 17 ہزار 297 پر بند ہوا جس سے انڈیکس میں 9.45 فیصد اضافہ ہوا۔
پاکستان اسٹاک ایکسچینج میں مثبت رجحان، 1186 پوائنٹس کا اضافہ
اسٹاک مارکیٹ کے 100 انڈیکس میں ریکارڈ تیزی کے بعد کاروبار ایک گھنٹے کےلیے روک دیا گیا تھا۔
بعدازاں ٹریڈنگ ایک گھنٹہ معطل رہنے کے بعد دوبارہ بحال ہوگئی۔
کاروبار کے دوران انڈیکس ایک لاکھ 17 ہزار 327 پوائنٹس کی بلندی پر بھی پہنچا۔
گزشتہ ہفتے کے آخری روز کاروبار کے اختتام پر انڈیکس ایک لاکھ 7 ہزار 174 پوائنٹس پر بند ہوا تھا۔
