سندھ ہائیکورٹ نے بھارتی ایجنسی سے فنڈ لے کر دہشتگردی کرنے کے الزام کے مقدمے میں ملوث
3 مبینہ را ایجنٹوں کی ضمانت منظور کرلی۔ ہائیکورٹ نے بھارتی ایجنسی سے فنڈ لے کر دہشتگردی کرنے کے الزام کے مقدمے میں ملوث 3 مبینہ را ایجنٹوں کی درخواست ضمانت پر فیصلہ سنادیا۔ عدالت نے ملزمان کی ضمانت منظور کرلی۔ ملزمان میں عبد الجبار، شاہد اور کاشف شامل ہیں۔ عدالت نے ملزمان کو 5 لاکھ روپے فی کس مچلکے جمع کرانے کا حکم دیدیا۔ وکیل صفائی نہال ہاشمی ایڈوکیٹ
نے موقف دیا تھا کہ ملزمان پر جو اس الزام ہے اس کی سزا 10 سال ہے۔ ملزمان 5 سال جیل میں گزار چکے ہیں۔ پولیس کے مطابق ملزمان کو 2020 میں ایئرپورٹ پولیس نے گرفتار کیا گیا گیا تھا۔ ملزمان پر بھارتی خفیہ ایجنسی سے فنڈز لے کر کراچی میں دہشتگردی کا الزام ہے۔
