بھارت کی جانب سے ڈرون حملے کرنا ،عام شہریوں کو شہید کرنا بزدلانہ کارروائی ہے، بھارتی فورسز کی بوکھلاہٹ کی نشانی ہے،بھارت دونوں اطراف کی عوام کا امن داؤ پر لگا رہا ہے، بھارت کی شکست یقینی ہے،

8 مئی 2025

راولپنڈی

بھارت کی جانب سے ڈرون حملے کرنا ،عام شہریوں کو شہید کرنا بزدلانہ کارروائی ہے، بھارتی فورسز کی بوکھلاہٹ کی نشانی ہے،بھارت دونوں اطراف کی عوام کا امن داؤ پر لگا رہا ہے، بھارت کی شکست یقینی ہے،پاک افواج بہترین حکمت عملی رکھتی ہے۔عوام پاکستان پاک افواج کے حوصلے بلند کرنے کے لئے ہر لمحہ ساتھ ہے۔

عوام پاکستان پارٹی کے رہنما چوہدری انعام ظفر نے بھارتی حکومت کی بزدلانہ کارروائیوں پر اپنے خیالات کا اظہار کرتے ہوئے کہا کہ پاکستان عوام کے حوصلے بلند ہیں،وہ اپنی پاک افواج کے ساتھ مضبوطی سے کھڑے ہیں۔اسرائیلی ڈرون اور رافیل کو مار گرانا ،ثابت کرتا ہے کہ پاکستان کی افواج باصلاحیت ہونے کے ساتھ بہترین حکمت عملی رکھتی ہے۔ بھارت بین الاقوامی امن و عامہ کے لئے بنائے گئے قوانین کی خلاف ورزی کا مرتکب ہوا ہے،جسے بین الاقوامی سطح بھی تنقید کا سامنا ہے۔ چوہدری انعام ظفر نے کہا کہ عوام پاکستان پارٹی بھارتی جارحیت کے دوران شہید اور زخمی ہونے والے افراد کے اہل خانہ کے دکھ میں برابر کے شریک ہیں۔ہم اپنی باہمت اور با صلاحیت پاک افواج کے ساتھ ہیں۔ان کا مزید کہنا تھا کہ ہمیں باہمی اختلافات سے بالا تر ہو کر ایک قوم بن کر سوچنا ہوگا۔ایک سوچ و عزم کے ساتھ اپنے وطن عزیز کا دفاع کرنا ہم سب کی اولین ترجیح ہے۔پاکستان کی افواج کا دنیا کی بہترین فورسز میں شمار کیا جاتا یے۔بھارت کوشش کر کے دیکھ لے،اسے شکست فاش ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔