9 مئی 2025
راولپنڈی
گورنمنٹ ایسوسی ایٹ کالج برائے خواتین سہال، راولپنڈی نے ایک اور کامیابی کا سنگِ میل عبور کر لیا۔ سال 2025 کے ADP (ایسوسی ایٹ ڈگری پروگرام) کے نتائج کے مطابق ادارے کا ریزلٹ 100 فیصد رہا، جو کہ ادارے کی محنت، نظم و ضبط اور اعلیٰ تدریسی معیار کا واضح ثبوت ہے۔اس شاندار کامیابی میں سب سے نمایاں کارکردگی طالبہ عریبہ نور کی رہی، جنہوں نے 3.91 CGPA کے ساتھ اعلیٰ ترین پوزیشن حاصل کی۔ ادارے کی ہائیسٹ ایچیو منٹ۔ 3.91 CGPA رہی، جو کہ ایک مثالی تعلیمی معیار کی نمائندگی کرتی ہے۔کالج کی پرنسپل محترمہ سمیرا حمید نے اس موقع پر اپنے خیالات کا اظہار کرتے ہوئے کہا کہ یہ ہمارے لئے ایک چیلنجنگ تجربہ تھا، کیونکہ سمیسٹر سسٹم کا نفاذ ایک نئی راہ تھی۔ لیکن ہماری فیکلٹی اور طلبات کی مسلسل محنت، لگن اور ٹیم ورک کے باعث ہم نہ صرف اس نظام میں کامیاب ہوئے، بلکہ شاندار نتائج کے ساتھ سرخرو بھی ہوئے۔ یہ کامیابی ادارے کی تعلیمی پالیسی، رہنمائی اور طلبات کی مستقل کوششوں کا منہ بولتا ثبوت ہے۔ان کا مزید کہنا تھا کہ یہ کامیابی نہ صرف ادارے بلکہ علاقے کے لیے بھی باعثِ فخر ہے، اور اس سے یہ ثابت ہوتا ہے کہ اگر حوصلہ، قیادت اور محنت ساتھ ہو، تو کوئی بھی رکاوٹ تعلیمی سفر کو نہیں روک سکتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیپشن:
گورنمنٹ ایسوسی ایٹ کالج برائے خواتین سہال، راولپنڈی کی پرنسپل محترمہ سمیرا حمید اور نمایاں کامیابی حاصل کرنے والی طالبہ عریبہ نور۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
