
10 مئی 2025
راولپنڈی
ڈولفن کمیونیکیشن کی چیف ایگزیکٹو محترمہ عاصمہ بٹ کے زیر انتظام جڑواں شہروں کے فنکاروں نے افواج پاکستان کے ساتھ اظہار یک جہتی کے لئے راولپنڈی پریس کلب سے لیاقت باغ تک شاندار ریلی کا اہتمام کیا گیا،جس میں ہوم سویٹ ہوم کے سربراہ خان زمرد خان،بچوں،اور تمام مکتبہ فکر سے وابستہ افراد کی کثیر تعداد نے شرکت کی۔ریلی شرکاء نے قومی ترانے گا کر اور نعرے لگا کر افواج پاکستان کے ساتھ اظہار یک جہتی کیا۔شرکاء نے بینرز اٹھا رکھے تھے جن پر فوج کے حق میں نعرے درج تھے۔عاصمہ بٹ نے کہا کہ جتنے بھی فنکار ہیں ،سب پاک فوج کے ساتھ کھڑے ہیں۔پاک فوج نے جس جواں مردی سے جواب دیا اس کے بعد دشمن کی ہمت ٹوٹ چکی ہے۔چیف آف آرمی سٹاف کو سلام پیش کرتے ہیں۔پوری قوم افواج پاکستان کے ساتھ اظہار یک جہتی کرتی ہے۔خان زمرد خان نے کہا کہ بچوں،فنکاروں،صحافیوں کا شکریہ ادا کرتا ہوں،قوم کی یک جہتی نے آج دشمنوں کو بھرپور جواب دیا۔عاصمہ بٹ کی جسارت اور ہمت کو سلام پیش کرتا ہوں۔جنھوں نے تمام مکتبہ فکر کو یکجا کرکے ریلی نکا لی اور ثابت کیا کہ پوری قوم پاک افواج کے ساتھ متحد ہے۔ہم نے لیاقت باغ کے مقام پر بلڈ بینک لگایا ،جو چوبیس گھنٹے جاری رہے گا۔میں اپیل کرتا ہوں کہ جڑواں شہر کے لوگوں سے کہ باہر نکلیں اور وافر مقدار میں بلڈ ڈونیٹ کریں تاکہ ہر طرح کی ہنگامی صور حال سے نمٹنے میں آسانی ہو
۔اس موقع پر پاکستان مسلم لیگ ن یوتھ ونگ کے نعیم گل پاشا،انجم حبیبی ،طاہر صدیقی،افضال لطیفی،ارشد منہاس،عمرام رشدی،شیبا بٹ،ندا خان،عابدہ پروین،رفعت علی قیصر،اظہر کامل،علی شان،لیاقت اہ،نور، فاروق جانی،طارق وڑائچ ، بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔























