میئر کراچی بیرسٹر مرتضیٰ وہاب واٹر کارپوریشن حکام کے ہمراہ مختلف علاقوں کا دورہ کر رہے ہیں۔
میئر کراچی بیرسٹر مرتضیٰ وہاب کا واٹر کارپوریشن حکام کے ہمراہ مختلف علاقوں کا دورہ
دورے کے دوران پانی چوری کی روک تھام اور منصفانہ فراہمی کا جائزہ لیا گیا
کراچی( )میئر کراچی بیرسٹر مرتضیٰ وہاب نے شہر کے مختلف علاقوں کا دورہ کرکے پانی چوری کی روک تھام اور منصفانہ فراہمی سے متعلق موجودہ صورت حال کا جائزہ لیا اس موقع پر سی ای او واٹر کارپوریشن احمد علی صدیقی اور سی او او واٹر انجینئر اسداللہ خان سمیت دیگر اعلیٰ حکام انکے ہمراہ تھے میئر کراچی نے اسلام گنج کالونی نزد لسبیلا برج، لیاری ندی، مسرت سینیما ناظم آباد، سیف اللہ بنگش اڈہ اور سلیکا مشین فیکٹری کے سامنے واقع آئیس فیکٹری ناظم آباد کا معائنہ کیا دورے کا مقصد شہر میں پانی چوری کے خلاف کریک ڈاؤن کو مزید مؤثر اور تیز کرنا ہے دورے کے دوران میئر کراچی کا کہنا تھا کہ پانی چوری کی مکمل صاف شفاف اور غیر جانبدارانہ جانچ پڑتال کی جائے گی انہوں نے اس عزم کا اظہار کیا کہ پانی صرف شہریوں کا حق ہے اور عوام کے حصے کا پانی کسی بھی صورت ضائع یا چوری نہیں ہونے دیا جائے گا اس موقع پر میئر کراچی نے ہدایت کی کہ پانی چوری میں ملوث افراد کے خلاف سخت قانونی کاروائی عمل میں لائی جائے جبکہ انتظامی طور پر ملوث افسران کے خلاف بھی محکمانہ کاروائی بھی کی جائے اسی سلسلے میں سی ای او واٹر کارپوریشن نے فوری کاروائی کرتے ہوئے پانی چوری میں ملوث دو افسران کو معطل کردیا معطل کیے گئے افسران میں ایگزیکٹو انجینئر ایف ٹی ایم ایس ایم احسن اور ایگزیکٹو انجینئر سی ٹی ایم احسان اللہ شیخ شامل ہیں واٹر کارپوریشن کے ایچ آر ڈپارٹمنٹ کی جانب سے دونوں افسران کی معطلی کا نوٹیفکیشن بھی جاری کردیا گیا ہے میئر کراچی کا مزید کہنا تھا کہ پانی چوری میں ملوث کسی بھی افسر یا اہلکار کے خلاف بلا امتیاز کارروائی کی جائے گی اور شہریوں کو پانی کی منصفانہ اور بلا تعطل فراہمی یقینی بنانے کے لیے تمام تر اقدامات بروئے کار لائے جائیں گے۔
