جیکب آباد میں ائیرفورس نے شہباز ائیربیس پر حملہ کے آنے والے 4بھارتی ڈرونز کو فضا میں مارگرایا، ڈرونز کو گراتے وقت شہر بھر میں زوردار دھماکوں کی آوازیں، ڈرونز کے پرزے لگنے سے خاتون سمیت 4افراد معمولی زخمی، شہری گھروں سے باہر نکل آئے، نعرے تکبیر اور پاک فوج کے حق میں نعریبازی۔ تفصیلات کے مطابق جیکب آباد کے شہباز ائیربیس پر حملہ کے لیے بھارت کی جانب سے بھیجے گئے 4ڈرونز کو ائیرفورس نے فضا میں ہی مارگرایاہے، پہلا ڈرون شہباز ائیربیس کے اوپرپہنچا تو ائیرفورس نے فضا میں ہی مار گرایا تو زوردار دھماکہ ہوا جس سے شہر بھر کی عمارتیں لرز اٹھی جبکہ اس کے بعد ائیرفورس نے مزید 3بھارتی ڈرونز کو بھی فضا میں ہی مار گرایا، ڈرونز کو فضا میں ہی تباہ کرنے کی وجہ سے شہر میں دھماکوں کی آوازیں گونج اٹھی، فضا میں ڈرونز کومار گرانے کی وجہ سے ڈرونز کے ٹکڑے ائیربیس کے قریبی علاقوں سمیت شہر کے دیگر علاقوں جمس اسپتال کے قریب، شکارپور روڈ، اے ڈی سی کالونی اور اسٹیڈیم گراؤنڈ میں گرے، ڈرونز کے ٹکڑے لگنے کے
باعث ایک خاتون سمیت 4افرادغلام رضا سومرو، عباس علی، غلام حسین کھوسواور دیگر معمولی زخمی ہوگئے جنہیں طبی امداد فراہم کرنے کے لیے اسپتال منتقل کردیا گیا، ائیرفورس کی جانب سے بھارتی جاسوس ڈرونز گرانے کی خوشی میں شہریوں کی بڑی تعداد گھروں سے باہر نکل آئی اور بھارتی حکومت کے خلاف اور پاک فوج کے حق میں نعریبازی کرتے رہے، بھارتی ڈرونز کو گرانے کے بعد پاک فوج کے جوانوں نے تمام ڈرونز کے ملبے کو اپنی تحویل میں لے لیا ہیں جبکہ بھارتی ڈرونز کو گرانے پر شہر میں لوگ بڑے پرجوش میں نظر آئے اور پاک فوج کے جوانوں کے دیکھ کر ان کے حق میں نعرے لگاتے رہے، بھارتی حملے کے بعد قانون نافذ کرنے والے اداروں کی جانب سے شہر بھر میں گشت کیا جارہا ہے جبکہ ائیربیس کے چاروں اطراف سیکورٹی کو سخت کیا گیا ہے۔ مقامی انتظامیہ کے مطابق ائیرفورس نے کامیابی کے ساتھ 4 بھارتی ڈرونز کو فضا میں 10ہزار فٹ پر نشانہ بنایا تاہم کوئی بڑا جانی و مالی نقصان نہیں ہوا، ائیرفورس حکام کا کہنا ہے کہ شہری پریشان نہ ہو بھارت کی ہر جارحیت کا منہ توڑ جواب دینے کے لیے چوکس بیٹھے ہیں۔ دوسری جانب ڈپٹی کمشنر جیکب آباد کی ہدایات پر لاڑکانہ بورڈ کے زیر اہتمام منعقدہ انٹرمیڈیٹ کے پیپرز کینسل کردئیے گئے ہیں جس کی تصدیق کنٹرولر لاڑکانہ بورڈ نے بھی کردی ہے۔
===================================
جیکب آباد میں مسلح افراد نے دو شہریوں سے موٹر سائیکلیں چھین لیں،ایک شہری کو موٹر سائیکل چھیننے کے بعد لہولہان کرکے فرار تفصیلات کے مطابق جیکب آباد کے میرانپور تھانے کی حدودکوکو پل سے سلیم رضابلیدی اور طاہر بلیدی سے مسلح افراد سی ڈی موٹر سائیکل چھین کر فرارہو گئے،جبکہ گڑھی خیرو کے میرو خان روڈ پر چار مسلح افراد نے رفیق لنڈ سے سی ڈی موٹر سائیکل ماڈل 2020چھین لی اور مزاحمت پر لہولہان کرکے فرار ہو گئے۔
جیکب آباد میں ڈکیتوں کی عدم گرفتاری پر متاثرین کو احتجاج پولیس کے خلاف نعرے روڈ بلاک ملزمان کی گرفتاری کا مطالبہ تفصیلات کے مطابق جیکب آباد کے بیگاری پل پر ڈکیتوں کی عدم گرفتاری کے خلاف متاثرین کی جانب سے احتجاج کرکے روڈ بلاک کیا گیااو رپولیس کے خلاف شدید نعریبازی کی گی مظاہرین کا کہنا تھا کہ دو روز قبل مسلح افراد نے معشوق جکھرانی سے موٹر سائیکل چھین کر مزاحمت پر اسے گولیاں مارکر زخمی کردیا اورفرار ہوگئے پولیس ملزمان کو گرفتار کرنے میں ناکام ہے ضلع میں امن ناپید ہو گیا ہے کوئی محفوظ نہیں انہوں نے مطالبہ کیا کہ ملزمان کو گرفتارکرکے مسروقہ موٹر سائیکل برآمد کرائی جائے۔
جیکب آباد کی خزانہ آفیس میں دو ملازم تلخ کلامی کے بعد لڑ پڑے،ایڈ من نے دھونس جمانے کی کوشش کی تو آڈیٹر نے آپے میں رہنے کا کہا،جھگڑا رشوت کے پیسوں کی لین دین پر ہوا:ذرائع تفصیلات کے مطابق جیکب آبا د کی خزانہ آفیس میں دو ملازم تلخ کلامی کے بعد آپس میں لڑ پڑے واقع چند روز قبل پیش آیا ایڈمن نے آڈیٹر پر دھونس جمانے کی کوشش کی جس پر آڈیٹر نے ایڈمن کو آپے میں رہنے کا کہا اور پھر دونوں کی منہ ماری کے بعد لڑائی ہو گئی بعد میں موجود افراد نے بیچ بچاؤ کرایا،ذرائع کے مطابق دونوں ملازمین میں رشوت کے پیسوں کی لین پر جھگڑا ہوا،بتایا جاتا ہے کہ ایڈمن تمام آڈیٹرس سے دفتری اخراجات اور معاملات کے نام پر وصولی کی جانے والی رشوت میں سے ہر ماہ حصہ لیتا ہے جبکہ دفتر کی بجٹ فرضی بلوں کے ذریعے بڑے صاحب اپنی جیب میں ڈالتے ہیں بعدازاں معلوم ہوا ہے کہ دونوں ملازمین میں ضلع اکاؤنٹ افسر نے صلح کرائی۔
