بلوچستان اسمبلی کی ڈپٹی اسپیکر اور چیئرپرسن وومن پارلیمنٹری کاکس محترمہ غزالہ گولہ نے اسلام آباد میں وفاقی چیئرپرسن وومن کاکس محترمہ شاہدہ رحمانی سے ملاقات کی، جس میں باہمی دلچسپی کے اہم امور پر تبادلہ خیال کیا گیا۔
===================
خبرنامہ نمبر 3158/2025
صوبائی وزیر انڈسٹریز سردار کوہیار خان ڈومکی نے کہا ہے کہ پاکستان پیپلز پارٹی کے چیئرمین بلاول بھٹو زرداری کے ویژن اور وزیر اعلیٰ بلوچستان میر سرفراز بگٹی کی ہدایات کی روشنی میں سبی کے ان علاقوں میں سولر پینل نصب کیے جا رہے ہیں جہاں تاحال بجلی کی سہولت میسر نہیں انہوں نے بتایا کہ اس اقدام کا مقصد محدود وسائل میں رہتے ہوئے غریب عوام کو بجلی کا متبادل ذریعہ فراہم کرنا ہے تاکہ وہ اپنے گھروں کو روشن رکھ سکیں اور گرمی سے محفوظ رہ سکیں سردار کوہیار ڈومکی نے کہا کہ یہ سلسلہ جاری ہے اور مزید علاقوں میں بھی سولر پینل کی فراہمی یقینی بنائی جائے گی۔ انہوں نے کہا کہ حکومت بلوچستان عوامی مسائل کے حل کے لیے عملی اقدامات کر رہی ہیاس موقع پر سولر پینل حاصل کرنے والے غریب شہریوں نے صوبائی وزیر صنعت و تجارت سردار کوہیار خان ڈومکی کا شکریہ ادا کرتے ہوئے کہا کہ ان کے گھروں میں روشنی آنے سے زندگی میں خوشی اور آسانی پیدا ہوئی ہے۔
خبرنامہ نمبر 3157/2025
ڈیرہ بگٹی – 04 مئی۔ وزیر اعلیٰ بلوچستان میر سرفراز بگٹی نے ڈیرہ بگٹی بیکڑ کا دورہ کہا جہاں انہیں بنیادی عوامی مسائل اور انکے کے حل سے متعلق افسران نے بریفیگ دی انہوں نے تحصیل پھلاوغ علاقے BHU جل والا کلی سید علی کا دورہ کیا جہاں انہوں نے بنیادی صحت کی سہولیات کی فراہمی اور سانپ اور اینٹی بی یو کے انسداد کی ویکسین اور ضروری ادویات کی خصوصی دستیابی کا معائنہ بھی کیا وزیر اعلیٰ نے پی پی ایچ آئی بلوچستان کی جانب سے صوبے کے دور دراز علاقوں میں بنیادی ہیلتھ یونٹس کے ذریعے صحت کی دیکھ بھال کی خدمات کی فراہمی پر اطمینان کا اظہار کرتے ہوئے کہا کہ مقامی افسران کی بہتر کارکردگی اس چیز کو ظاہر کررہی ہے کہ ہماری حکومت جن علاقوں میں افسران کو تعینات کررہی ہے وہاں پر کام ہورہا ہے اور عوام کو بہترین طبی سہولیات میسر ہو رہی ہیں انہوں نے کہا کہ ہم ڈیرہ بگٹی میں پی پی ایچ آئی کو مزید فعال کرینگے اور ان کے فنڈز میں اضافہ کرینگے تاکہ دور دراز علاقوں میں مزید بہتر سے بہتر سہولیات عوام کول مل سکیں انہوں نے کہا کہ صوبائی حکومت عوام کو ان کی دہلیز پر سہولیات کی فراہمی پر یقین رکھتی ہے اور حکومت کی یہی کوشش ہے کہ عوامی فلاح و بہبود کے لیے جو منصوبے شروع کیے گئے ہیں ان کے فوائد سے عوام مستفید ہوں انہوں نے کہا کہ حکومتی اقدامات کا مقصد عوام کے معیار زندگی کو بلند کرنا ہے اور انہیں بنیادی ضروریات زندگی سمیت بہترین سہولیات فراہم کرنا ہے۔
خبرنامہ نمبر 3156/2025
اوتھل، 4 مئی:بلوچستان کے ضلع لسبیلہ میں واقع مقدس ہندو زیارت گاہ ہنگلاج ماتا نانی مندر کا تین روزہ سالانہ میلہ شاندار انتظامات، روح پرور رسومات، اور حکومت بلوچستان کے بھرپور تعاون کے ساتھ اختتام پذیر ہو گیا۔ اس موقع پر ملک بھر سے ہزاروں ہندو یاتریوں سمیت سینیٹر دھنیش کمار اور سابق ایم پی اے مکھی شام لعل نے بھی شرکت کی، مذہبی رسومات ادا کیں اور پاکستان کی سلامتی و خوشحالی کے لیے دعائیں کیں۔میلے کے موقع پر صحافیوں سے گفتگو کرتے ہوئے سینیٹر دھنیش کمار نے کہا کہ ہنگلاج ماتا کا سالانہ میلہ اس بات کا واضح ثبوت ہے کہ پاکستان میں اقلیتوں کو مکمل مذہبی آزادی حاصل ہے۔ انہوں نے کہا کہ پاکستان میں اقلیتوں کو نہ صرف آزادی کے ساتھ عبادات کا حق حاصل ہے بلکہ ان کی سہولیات اور تحفظ کے لیے حکومت خود نگرانی کرتی ہے۔ انہوں نے بھارتی میڈیا کے منفی پراپیگنڈے کو مسترد کرتے ہوئے کہا کہ بھارت کو پاکستان سے سیکھنا چاہیے کہ اقلیتوں کے ساتھ کیسا سلوک کیا جاتا ہے۔سینیٹر دھنیش کمار نے بھارتی وزیر اعظم نریندر مودی کو مخاطب کرتے ہوئے کہا کہ اگر وہ اقلیتوں کے حوالے سے سچ جاننا چاہتے ہیں تو وہ خود یا اپنے سفارت کار کو ہنگلاج ماتا کا میلہ دکھائیں تاکہ حقیقت سے آشنا ہو سکیں۔ میلے کے دوران وزیر اعلی بلوچستان میر سرفراز بگٹی کی ہدایت پرحکومت بلوچستان کی جانب سے راشن، قیام، خوراک، طبی سہولیات، اور دیگر انتظامات کیے گئے۔ سیکیورٹی کے لیے پولیس، ایف سی، کوسٹ گارڈ کے اہلکار چوبیس گھنٹے ڈیوٹی پر موجود رہے۔ واک تھرو گیٹس، سیکیورٹی چیکنگ اور ایمرجنسی ریسپانس سینٹر کے ذریعے فول پروف سیکیورٹی کو یقینی بنایا گیا۔ہنگلاج ماتا کے میلے میں ڈپٹی کمشنر لسبیلہ حمیرا بلوچ، ایس ایس پی عاطف امیر، سابق ایم پی اے مکھی شام لعل، مکھی ونود کمار لاسی، ویرسی مل کیڈوانی، فوکل پرسن کرشن لعل، اشوک کمار، سومجی مل، اور دیگر اہم سماجی شخصیات بھی شریک ہوئیں۔سینیٹر دھنیش نے خاص طور پر اس بات کا ذکر کیا کہ ہنگلاج مندر کے کیئرٹیکرز مسلمان بھائی ہیں، جو اس مقدس مقام کی حفاظت اور دیکھ بھال میں اہم کردار ادا کرتے ہیں۔ یہی پاکستان کی اصل تصویر ہے جہاں مذہبی ہم آہنگی، رواداری، اور انسان دوستی کا مظاہرہ ہوتا ہے۔میلے کے دوران ہنگلاج شیوا منڈلی کی جانب سے تمام یاتریوں کو مفت کھانا، صاف پانی، اور ادویات کی فراہمی بھی جاری رہی۔ چندر گوپ سے ہنگلاج مندر تک یاتریوں کے روایتی سفر کے تمام مراحل میں ضلعی انتظامیہ ہمہ وقت سہولیات فراہم کرتی رہی۔
ڈپٹی کمشنر حمیرا بلوچ نے اپنے بیان میں کہا کہ ہنگلاج میلہ بلوچستان میں بین المذاہب ہم آہنگی اور امن کا مظہر ہے۔ ضلعی حکومت نے یاتریوں کے لیے صفائی، قیام، اور طبی امداد کا مثالی بندوبست کیا تاکہ کسی بھی حاجت مند کو کسی مشکل کا سامنا نہ ہو۔آخر میں سینیٹر دھنیش کمار نے میڈیا سے اپیل کی کہ وہ زمینی حقائق دکھائیں، یاتریوں سے براہ راست انٹرویو کریں اور دنیا کو بتائیں کہ پاکستان اقلیتوں کا محافظ ہے، نا کہ مجرم جیسا کہ بھارتی پروپیگنڈا دکھاتا ہے۔
ہنگلاج ماتا/سالانہ میلہ
ہنگلاج ماتا نانی مندر کا تین روزہ سالانہ میلہ اختتام پذیر، یاتریوں کی بھرپور شرکت
ملک بھر سے ہزاروں ہندو یاتریوں کی بلوچستان کے ضلع لسبیلہ میں مذہبی میلے میں شرکت
ہنگلاج میلے میں مذہبی رسومات، خصوصی دعائیں اور ثقافتی ہم آہنگی کی جھلک نمایاں
سینیٹر دھنیش کمار، سابق ایم پی اے مکھی شام لعل، ڈپٹی کمشنر لسبیلہ حمیرا بلوچ و دیگر اہم شخصیات کی شرکت
سیکیورٹی کے سخت انتظامات، واک تھرو گیٹس، پولیس، ایف سی اور کوسٹ گارڈز متحرک
وزیر اعلی بلوچستان میر سرفراز بگٹی کی ہدایت پر طبی ٹیمیں، ایمبولینسز اور ریسکیو 1122 خدمات میں مصروف رہے۔ ڈپٹی کمشنر لسبیلہ حمیرا بلوچ
ہنگلاج شیوا منڈلی کی جانب سے زائرین کو مفت کھانا، پانی اور ادویات فراہم کی گئیں۔
چندر گوپ میں یاتریوں کا روایتی قیام، عبادات کے بعد ہنگلاج مندر کی جانب روانگی
پاکستان کی سلامتی و ترقی کے لیے ہندو برادری کی اجتماعی دعائیں۔
ضلعی انتظامیہ اور کوسٹ گارڈز کے اشتراک سے مفت میڈیکل کیمپس کا انعقاد کیا گیا۔ ڈی سی لسبیلہ
میلے کے کامیاب انعقاد کے لئے موثر انتظامات کئے گئے۔ ڈپٹی کمشنر لسبیلہ حمیرا بلوچ کی گفتگو
ہنگلاج ماتا کا سالانہ میلہ بلوچستان میں بین المذاہب ہم آہنگی کی بہترین مثال ہے۔ ڈپٹی کمشنر
یاتریوں کی سہولت کے لیے ضلعی انتظامیہ نے صفائی، خوراک اور رہائش کا مثالی بندوبست کیا۔ حمیرا بلوچ
ہندو، مسلم و دیگر برادریوں کی مشترکہ شرکت، امن و بھائی چارے کا پیغام ہے۔ ڈپٹی کمشنر
ہنگلاج ماتا میلہ مذہب، ثقافت اور بین المذاہب ہم آہنگی کا خوبصورت امتزاج ہے ڈپٹی کمشنر
خبرنامہ نمبر 3155/2025
خضدار: 4 مئی / بلوچستان انفارمیشن ٹیکنالوجی ڈیپارٹمنٹ کی ٹیم نے ڈپٹی کمشنر خضدار یاسر اقبال دشتی سے ان کے دفتر میں ملاقات کی، جس میں خضدار سیف سٹی پروجیکٹ کے حوالے سے پلان مرتب کرنے پر مشاورت ہوئی۔ اس ملاقات میں طے پایا کہ آئی ٹی کی ٹیم ضلعی انتظامیہ خضدار کے ساتھ مل کر شہر کے مختلف مقامات پر سی سی ٹی وی کیمرے نصب کرے گی۔ڈپٹی کمشنر خضدار یاسر اقبال دشتی نے کہا کہ خضدار میں سیف سٹی پروجیکٹ کا بنیادی مقصد جرم کی روک تھام اور شہریوں کی حفاظت کو یقینی بنانا ہے۔ اس منصوبے کے تحت سی سی ٹی وی کیمروں کی نصب سے مجرمان کی شناخت اور ان کی گرفتاری میں مدد ملے گی۔ڈپٹی کمشنر خضدار نے آئی ٹی ڈیپارٹمنٹ کی ٹیم کو یقین دہانی کرائی کہ ضلعی انتظامیہ اس منصوبے میں مکمل تعاون کرے گی۔ انہوں نے کہا کہ شہریوں کی حفاظت حکومت کی اولین ترجیح ہے اور اس منصوبے کے تحت کئے جانے والے اقدامات اس مقصد کے حصول میں مددگار ثابت ہوں گے۔آئی ٹی ڈیپارٹمنٹ کی ٹیم نے ڈپٹی کمشنر خضدار کو مطلع کیا کہ وہ شہر کے اہم مقامات پر سی سی ٹی وی کیمرے نصب کرے گی۔ اس سے شہر میں جرم کی وارداتوں میں کمی اور شہریوں کی حفاظت میں اضافہ ہوگا۔
خبرنامہ نمبر 3153/2025
علاقائی موسمیاتی مرکز بلوچستان کے مطابق اتوار اور پیر کو صوبے کے بیشتر اضلاع میں موسم گرم اور جزوی طور پر ابر آلود رہنے کا امکان ہے۔ تاہم ضلع کوئٹہ، پشین، قلعہ عبداللہ، ڈیرہ بگٹی، لسبیلہ، لہڑی کے مشرقی علاقوں میں آندھی اور گرج چمک کے ساتھ بارش ہو سکتی ہے جبکہ زیارت، بولان، قلعہ سیف اللہ، قلعہ عبداللہ اور بولان کے مشرقی علاقوں میں گرج چمک کے ساتھ بارش ہو سکتی ہے۔ گزشتہ 24 گھنٹوں کے دوران لسبیلہ میں 29 ملی میٹر بارش ریکارڈ کی گئی۔ سب سے زیادہ درجہ حرارت تربت میں 45 ڈگری سینٹی گریڈ ریکارڈ کیا گیا۔
خبرنامہ نمبر 3154/2025
لسبیلہ۔4مئی:پاکستان کیصوبہ بلوچستان کے سنگلاخ پہاڑوں کے دامن میں واقع ہنگلاج مہا استھان ماتامندر کا سالانہ میلہ پرامن اورشانداراندازمیں جاری ہے ہنگلاج ماتا فیسٹیول کو ہندوکمیونٹی کا سب سے بڑا مذہبی میلے کااعزازحاصل ہے وزیر اعلی بلوچستان سرفراز بگٹی کی خصوصی ہدایت پر ملک بھر سے آنے والے یاتریوں کی تحفظ اورسیکیورٹی کے بہترین انتظامات پر ہندویاتری مطمئن اورخوش دکھائے دیتے ہیں سینیٹر دھننیش کمارپالیانی نے ڈپٹی کمشنر لسبیلہ حمیرا بلوچ اورایس ایس پی کے ہمراہ ہنگلاج ماتا میلے انتظامات کا جائزہ لینے کیلئے دورہ کاسینیٹر دھنیش کمار نے مختلف سیکیورٹی پوائنٹس کا دورہ کیا اور حفاظتی انتظامات کا جائزہ لیا اوریاتریوں میں ٹھنڈے پانی کی بوتلیں تقسیم کیں دورے کے موقع پر ضلع لسبیلہ کی انتظامی افسر ڈی سی حمیرا بلوچ نے انہیں بریفنگ میں بتایا کہ زائرین کے تحفظ کو یقینی بنانے کے لیے ضلع بھر سے اضافی نفری تعینات کی گئی ہے ریسکیو 1122ای آر سی پراجیکٹ کوآرڈینیٹر اورہیلتھ ڈیپارٹمنٹ کے تعاون سے ہنگلاج میلے میں شریک یاتریوں کیلئے میگا میڈیکل کیمپ قائم کیا گیا ہے جس پاکستان کوسٹ گارڈ کی میڈیکل ٹیمیں بھی شریک ہیں بریفنگ کے موقع پر سنیٹر دھنیش کمار پالیانی نے میڈیا سے گفتگو کرتے ہوئے کہا کہ ہنگلاج میلے کے پرامن اورکامیاب انعقاد کیلئے حکومت بلوچستان نے موثراقدامات کئے ہیں پاکستان کے دیگر صوبوں خ کی طرح بلوچستان اقلیتوں کیلئے محفوظ ترین خطہ ہے بھارتی میڈیا پر بلوچستان کے حالات اوراقلیت برادری سے متعلق نریندرمودی کا پراپیگنڈہ بھارت میں اقلیتوں ہر ہونے والے مظالم چھپانے کی ناکام کوشش ہے سینیٹر دھنیش کمار نے کہا کہ ہم میڈیا کے توسط سے نریندرمودی سمیت دنیا کو ہم پیغام دینا چاہتے ہیں کہ یہاں اقلیتوں کو مذہبی رسومات کی مکمل آزادی حاصل ہے اقلیتوں کی عبادت گاہوں کو تحفظ حاصل ہے وزیراعلی بلوچستان سرفرازبگٹی نے ہنگلاج ماتا مندر کیلئے ایک ارب روہے کے ترقیاتی پیکیج کی منظوری دی ہے سنیٹر دھنیش کمار نے کہا کہ وزہر اعلی سرفرازبگٹی اوروفاقی وزیر جام کمال کی خ ہدایت ہر زائرین کی سہولت اور تحفظ کولسبیلہ انتظامیہ نے اولین ترجیح قراردیا ہے ہنگلاج میلے میں شریک لاکھوں یاتریوں کو سیکیورٹی پانی بجلی ریسکیوطبی سہولیات کی فراہمی یقینی بنائی گئی ہے میڈیا سیگفتگو کرتے یوئے سینیٹر دھنیش کمارپالیانی کا کہنا تھا کہ ہنگلاج میلہ صرف ایک مذہبی اجتماع نہیں بلکہ یہ بلوچستان میں مختلف مذاہب اور ثقافتوں کے مابین رواداری کی مثال ہے*
