شاہدحامد قتل کیس ، آئندہ سماعت پر وکلا طرفین سے حتمی دلائل طلب
کراچی (اسٹاف رپورٹر) انسداد دہشت گردی عدالت نے سابق ایم ڈی کے ای ایس سی شاہدحامد قتل کیس میں آئندہ سماعت پر وکلا طرفین سے حتمی دلائل طلب کرلئے۔ تفصیلات کے مطابق ہائی پروفائل کیس اختتامی مرحلے میں داخل ہو گیا۔ عدالت نے آئندہ سماعت پر وکلا طرفین سے حتمی دلائل طلب کر لئے۔ عدالت نے وکلا کو پیر کوحتمی دلائل دینے کی ہدایت کردی۔پراسیکوشن کے مطابق ملزمان ایم کیو ایم کے منہاج قاضی اور محبوب غفران کا بیان ریکارڈ کرلئے گئے ہیں، کراچی
الیکڑک سپلائی کارپوریشن کے ایم ڈی شاہد حامد کو 1997 میں قتل کردیا گیا تھا، مقدمے میں ملوث صولت مرزا کو انسداد دہشت گردی عدالت نے 1999میں سزائے موت سنائی تھی، صولت مرزا کو 2015 میں پھانسی دے دی گئی، 2016 میں پولیس نے منہاج قاضی اور محبوب غفران کو گرفتار کیا
، صولت مرزا، منہاج قاضی اور دیگر کے خلاف ڈیفنس پولیس نے مقدمہ درج کیا تھا۔
=======================
کورنگی کراسنگ ، خاتون کو کچلنے والے واٹر ٹینکر کا ڈرائیور گرفتار
04 مئی ، 2025FacebookTwitterWhatsapp
کراچی ( اسٹاف رپورٹر )کورنگی کراسنگ کے قریب گزشتہ روز خاتون کو کچلنے والے واٹر ٹینکر کے ڈرائیور کو گرفتار کرلیا گیا ہے۔ تفصیلات کے مطابق کورنگی صنعتی ایریا تھانے کی حدود کورنگی کراسنگ کے قریب گزشتہ روز واٹر ٹینکر سے خاتون ریحانہ جاں بحق جبکہ اس کا شوہر مشتاق زخمی ہو گیا تھا۔واقعے کے بعد ٹینکر ڈرائیور موقع سے فرار ہوگیا تھا۔ایس ایچ او محمد علی کے مطابق حادثے کے ذمہ دار واٹر ٹینکر ڈرائیور اللہ دتہ کو گرفتار کرلیا گیا ہے۔شہریوں نے حادثے کے بعد کلینر کو تشدد کا نشانہ بنایا تھا اور وہاں موجود مشتعل افراد نے ٹینکر کو آگ لگا دی تھی۔ ایس ایچ او کے مطابق واقعہ کا مقدمہ متوفیہ کے بھائی کی مدعیت میں درج کر لیا گیا ہے۔
