جامعہ کراچی میں پانی کی مین لائن پھٹ گئی۔ اساتذہ اور ملازمین کے گھروں میں پانی چلا گیا
کراچی -جامعہ کراچی کے اسٹاف ٹاؤن سے گزرنے والی واٹر کارپوریشن کی 84 انچ قطر کی لائن سائفن نمبر 19 پھٹ گئی، اساتذہ اور ملازمین کے گھروں میں پانی داخل ہوگیا ۔ اسٹاف ٹاؤن کی مرکزی سڑک دریا کا منظر پیش کرنے لگی ۔ سی ای او واٹر کارپوریشن احمد علی صدیقی نے متاثرہ لائن کی فوری مرمت کے احکامات جاری کر دیے، واٹر کارپوریشن نے پانی کے پریشر کو کم کردیا گیا ہے تاکہ مرمتی کام شروع کیا جا سکے، ترجمان واٹر کارپوریشن کے مطابق پانی کی مقدار میں کمی کے فوراً بعد مرمتی کام کا آغاز کیا جارہا ہے۔ مرمت کا کام 24 گھنٹے مسلسل جاری رہے گا، اور 96 گھنٹے میں مکمل کرلیا جائے گا، مرمتی کام کے دوران شہر کے مختلف علاقوں میں پانی کی فراہمی جزوی طور پر معطل رہے گی،
متاثرہ علاقوں میں جمشید ٹاؤن، جناح ٹاؤن، لیاقت آباد، ناظم آباد، پاک کالونی، گولیمار، شیرشاہ، اولڈ سٹی ایریا، لانڈھی، کورنگی اور پی اے ایف بیس مسرور شامل ہیں،، ترجمان واٹر کارپوریشن کے مطابق شہر کو یومیہ مجموعی طور پر 650 ایم جی ڈی پانی فراہم کیا جاتا ہے
