چیف سیکریٹری سندھ کو معروف محقق و صحافی کی کتابوں کا تحفہ
کراچی: چیف سیکریٹری سندھ آصف حیدر شاہ سے معروف سینئر صحافی اور محقق شاہ ولی اللہ جنیدی نے ان کے دفتر میں خصوصی ملاقات کی۔ اس موقع پر جنیدی نے اپنی تصنیف کردہ علمی و تحقیقی کتابیں چیف سیکریٹری کو پیش کیں، جنہیں انہوں نے قدر کی نگاہ سے قبول کیا۔
ملاقات کے دوران معاشرتی ترقی، تعلیمی اصلاحات اور تحقیقی ادب کو فروغ دینے سمیت مختلف اہم امور پر تبادلہ خیال ہوا۔ چیف سیکریٹری نے شاہ ولی اللہ جنیدی کے قلمی اور تحقیقی کاموں کو سراہتے ہوئے کہا کہ ایسی کتب علمی ذخیرے میں اضافے کا باعث بنتی ہیں۔
شاہ ولی اللہ جنیدی نے اس ملاقات کو خوش آئند قرار دیتے ہوئے چیف سیکریٹری کے تعاون کا شکریہ ادا کیا۔ انہوں نے امید ظاہر کی کہ ان کی تحقیقی کاوشیں عوامی پالیسیوں اور سماجی بہتری میں مثبت کردار ادا کریں گی۔
