ایم ڈی واٹر کارپوریشن انجینئر اسداللہ خان سے عالمی اور یورپی بینک کا وفد ملاقات کر رہا ہے۔
================
کراچی( )عالمی بینک اور یورپی یونین سرمایہ کاری بینک کے ایک اعلیٰ سطحی وفد نے ایم ڈی واٹر کارپوریشن انجینئر اسداللہ خان سے ملاقات کرکے شہر میں پانی کے بنیادی ڈھانچے میں ممکنہ سرمایہ کاری کے حوالے سے تبادلہ خیال کیا وفد میں عالمی بینک کی آبی وسائل کی سینئر کنسلٹنٹ ٹیزیانا اسمتھ لون آفیسر ایشیا اور پیسفک یورپی یونین سرمایہ کاری بینک مارکو ایرینا سربراہ ماڈل گورننس یونٹ سانی زوارٹ سینئر ماحولیاتی و معاشیات ماہر والڈیمار جسٹرزمسکی سینئر انجینئر پیٹر اور فرح یامین خان شامل تھے ملاقات کے دوران ایم ڈی واٹر کارپوریشن نے وفد کو انتظامیہ کی جانب سے کی گئی حالیہ اصلاحات اور ترقیاتی اقدامات کے بارے میں آگاہ کیا اس موقع پر پپری گھارو اور حب فلٹر پلانٹ میں فلٹریشن پلانٹس لگانے پر خصوصی توجہ دی گئی اس کے علاؤہ یورپی یونین سرمایہ کاری بینک نے عالمی بینک اور ایشیائی انفراسٹرکچر سرمایہ کاری بینک کے ساتھ مل کر واٹر کارپوریشن کے ممکنہ منصوبوں میں اپنی گہری دلچسپی کا اظہار کیا ملاقات کے دوران وفد نے واٹر کارپوریشن کو دیگر بین الاقوامی مالیاتی اداروں کی طرح مالی تعاون کی یقین دہانی کراتے ہوئے فلٹریشن پلانٹس ویسٹ واٹر ٹریٹمنٹ پلانٹس سمیت موثر انفراسٹرکچر اور ری سائیکلنگ کے منصوبوں کی تعریف کی ترجمان واٹر کارپوریشن کے مطابق اس دورے کا بنیادی مقصد سرمایہ کاری کے مواقع کا جائزہ لینا اور عالمی بینک اور ایشیائی انفراسٹرکچر سرمایہ کاری بینک کی شراکت سے سرمایہ کاری کے حجم کا تعین کرنا ہے واضح رہے کہ یورپی سرمایہ کاری بینک دنیا کے مختلف ممالک میں اب تک 94 ارب یورو سے زائد کی سرمایہ کاری کر چکی ہے مگر یہ پہلا موقع ہے کہ یورپی سرمایہ کاری بینک پاکستان کی کسی واٹر یوٹیلیٹی کے ساتھ شراکت داری کرے گی۔
