کراچی (ڈسٹرکٹ رپورٹر) میری پہچان پاکستان کی کراچی میں گراس روٹ لیول پر ڈور ٹو ڈور مہم کراچی میں جاری ہے۔ گزشتہ روز یوسی 20لانڈھی میں مرکزی کمیٹی کے رکن فاروق ملک اور دیگر عہدیداروں نے عوام سے رابطہ مہم میں درجنوں ساتھیوں کی ایم پی پی میں شمولیت کرائی۔ ڈاکٹر عشرت العباد کے پیغام کو قومی سلامتی اور ملک کو استحکام کی طرف لے جانے والے پیغام کہتے ہوئے پاکستان زندہ باد، سیکورٹی فورسز زندہ باد، عشرت العباد زندہ باد کے نعرے لگائے ٹاؤن انچارجز، یوسی انچارجز بھی اپنے اپنے علاقوں میں مستعد ہیں۔ ڈاکٹر عشرت العباد ملک کے لئے مثبت سیاست کے لئے نا گزیر ہیں کی باتیں سامنے آئیں۔ فاروق ملک نے کہا کہ پورے پاکستان میں ہم مضبوط اور ڈاکٹر عشرت العباد کی صدائیں لگ رہی ہیں۔ ہم قوم کو مایوسی سے نکالیں گے۔ پاکستان، افواج پاکستان قومی سا لمیت ہماری ریڈ لائن ہیں۔ پاکستان کو دنیا کے نقشے پر بہترین ملک ثابت کرنا ہے ڈاکٹر عشرت العباد اسی سوچ کے ساتھ آگے بڑھ رہے ہیں۔
سابق گورنر سندھ ڈاکٹر عشرت العباد خان نے سابق رابطہ کمیٹی کے رکن خالد سلطان کی والدہ کے انتقال پر گہرے رنج وغم کا اظہار
کراچی (ڈسٹرکٹ رپورٹر) ایم پی پی کے روح رواں اور سابق گورنر سندھ ڈاکٹر عشرت العباد خان نے سابق رابطہ کمیٹی کے رکن خالد سلطان کی والدہ کے انتقال پر گہرے رنج وغم کا اظہار کرتے ہوئے انکے لئے دعائے مغفرت کی ہے۔ خالد سلطان کے نام پیغام میں انہوں نے دلی تعزیت کرتے ہوئے کہا کہ دکھ کی اس گھڑی میں اللہ تعالی آپکو ہمت عطا فرمائے اور تمام لواحقین کو صبر جمیل عطا فرمائے۔ آمین
ڈاکٹر عشرت العباد خان سابق گورنر سندھ نشان امتیاز اور ایم پی پی کے چیف پاکستان میں مثبت سوچ کے ساتھ پاکستان کا امیج خراب کرنے والوں کو مثبت سمت میں لانے کی طرف گامزن ہیں ڈاکٹر صفیہ رہنما ایم پی پی
حاجی نذیر کمبو ہ چیئرمین امن کمیٹی اوکاڑہ، ملک مظہر عباس اعوان 4/42اوکاڑہ، سید حسنین شاہ، روبینہ لیاقت صدر عوام کی آواز یو ٹیوب چینل، شبیر بھٹی صدر آل گڈزایسوسی ایشن اوکاڑہ، سید شہاب یو ٹیوبر، چوہدری اظہر شیخ 45/42نمبر دار، سومناتھ چوہدری 45/42نمبر دار، چوہدری بوبی، نمبردار، محترمہ صدیقہ سابق کونسلر، محترمہ آسیہ سابق کونسلرو معززین کی بڑی تعداد کی شرکت۔۔ ہم پورے پاکستان میں دفاتر قائم کر رہے ہیں اور ڈاکٹر عشرت العباد کا شاندار ویلکم کریں گے۔ ڈاکٹر صفیہ
کراچی (ڈسٹرکٹ رپورٹر) ایم پی پی کی رہنما اور صدر ویلفیئر سوسائٹی کے پی کے ڈاکٹر صفیہ نے کہا ہے کہ ڈاکٹر عشرت العباد خان سابق گورنر سندھ نشان امتیاز اور ایم پی پی کے چیف پاکستان میں مثبت سوچ کے ساتھ پاکستان کا امیج خراب کرنے والوں کو مثبت سمت میں لانے کی طرف گامزن ہیں۔ پاکستان کا استحکام اور اسکے اداروں کی حرمت پاکستان اور افواج پاکستان پوری قوم کی ریڈ لائن ہے۔ انہوں نے یہ بات ایم پی پی کے سربراہ ڈاکٹر عشرت العباد کے پیغام کو آگے بڑھانے کے سلسلے میں منعقدہ اجلاس اور مختلف رہنماؤں کی شمولیت کے موقع پر خطاب کرتے ہوئے کہی۔ جس میں حاجی نذیر کمبو ہ چیئرمین امن کمیٹی اوکاڑہ، ملک مظہر عباس اعوان 4/42اوکاڑہ، سید حسنین شاہ، روبینہ لیاقت صدر عوام کی آواز یو ٹیوب چینل، شبیر بھٹی صدر آل گڈزایسوسی ایشن اوکاڑہ، سید شہاب یو ٹیوبر، چوہدری اظہر شیخ 45/42نمبر دار، سومناتھ چوہدری 45/42نمبر دار، چوہدری بوبی، نمبردار، محترمہ صدیقہ سابق کونسلر، محترمہ آسیہ سابق کونسلرو معززین کی بڑی تعداد شامل تھی۔ ڈاکٹر صفیہ نے ڈاکٹر عشرت العباد کے حوالے سے گفتگو کرتے ہوئے کہاکہ سوچ صرف ایک قوم پاکستانی قوم کی ہونی چاہئے۔ ہم پورے پاکستان میں دفاتر قائم کر رہے ہیں اور ڈاکٹر عشرت العباد کا شاندار ویلکم کریں گے۔ جلد دیگر شہروں میں بھی اجلاس منعقد ہوں گے اور ایم پی پی کی طاقت ریاست کی طاقت ہوگی۔ ہم ریاست پہلے اور سیاست بعد میں کے فلسفے پر عمل کر رہے ہیں۔ ملک سے نا امیدی ختم کریں گے، معیشت کی بحالی کے لئے ہر اول دستہ بنیں گے۔
ڈاکٹر عشرت العباد نے پرویز مشرف، ن لیگ، پیپلز پارٹی سب کے ساتھ کام کیا انکی شاندار کارکردگی پر نشان امتیاز دیا گیا۔ قومی سوچ کے ساتھ پورے پاکستان میں کام کر رہے ہیں
ریاست پہلے سیاست بعد میں کی سوچ کے ساتھ میری پہچان پاکستان کا سلوگن دیا۔ آج ہر جماعت ہمارے نعرے ریاست پہلے سیاست بعد میں کا نعرہ لگا رہی ہے یہ ہماری کامیابی ڈاکٹر عشرت العباد کے فکر و فلسفہ کی جیت ہے۔ جنوبی پنجاب میں ایم پی پی مضبوط ہوچکی ہے۔ سندھ میں پہلے ہی جڑیں مضبوط ہیں۔ سیدہ فردوس چیف آرگنائزر اسلام آباد کا انٹرویو
کراچی (ڈسٹرکٹ رپورٹر) ایم پی پی پنجاب اور اسلام آباد کی چیف آرگنائزر سیدہ فردوس نے کہا ہے کہ ڈاکٹر عشرت العباد نے پرویز مشرف، ن لیگ، پیپلز پارٹی سب کے ساتھ کام کیا انکی شاندار کارکردگی پر نشان امتیاز دیا گیا۔ قومی سوچ کے ساتھ پورے پاکستان میں کام کر رہے ہیں۔ریاست پہلے سیاست بعد میں کی سوچ کے ساتھ میری پہچان پاکستان کا سلوگن دیا۔ آج ہر جماعت ہمارے نعرے ریاست پہلے سیاست بعد میں کا نعرہ لگا رہی ہے یہ ہماری کامیابی ڈاکٹر عشرت العباد کے فکر و فلسفہ کی جیت ہے۔ کے پی کے، بلوچستان، اسلام آباد، گلگت بلتستان و جنوبی پنجاب میں ایم پی پی مضبوط ہوچکی ہے۔ سندھ میں پہلے ہی جڑیں مضبوط ہیں۔ انہوں نے یہ بات مقامی چینل کو خصوصی انٹرویو دیتے ہوئے کہی۔ اینکر عائشہ ناز کے سوالات کے جوابات دیتے ہوئے انکا کہنا تھا کہ ڈاکٹر عشرت العباد سیاسی عمل سے دور تو رہے لیکن پاکستان کی سیاست اور پاکستان میں ہونے والے معاملات سے کبھی الگ نہیں رہے۔ وہ اپنی معتدل مزاجی اور قومی سوچ کی وجہ سے سب کے پسندیدہ ہیں۔ پاکستان میں سیاسی عمل انکے آنے کے بعد شروع ہوگا۔ سیاست میں مفاد پرستی اور ذاتی مفادات نے ملک کو نقصان پہنچایا۔ ملک کو صحیح ٹریک پر لانے کے بجائے طرز سیاست ایسا رکھا گیا کہ ملک کی معیشت گرتی گئی اور ہم قرضوں پر قرضے اور آئی ایم ایف کے محتاج ہوگئے۔ ملک کی خراب صورتحال کے بعد ڈاکٹر عشرت العباد نے کردار ادا کرنے کا فیصلہ کیا۔ وہ ملک کو ڈیلیور کرنا چاہتے ہیں۔ اپنے دوستوں سے ملک میں اربوں ڈالر کی انوسٹمنٹ کرانے کے لئے لابنگ کی ہے وہ ملک کو عدم استحکام اور ریاست کی مضبوطی کے لئے افواج پاکستان اور ملک کے خلاف مہم سازی پر دل گرفتہ تھے۔ انہوں نے میری پہچان پاکستان کا نعرہ لگا کر ملک میں سوچ بدلنے کا بہترین کام کیا ہے۔ لسانیت کا زہر ملک کو دیمک کی طرح چاٹ رہا ہے۔ ہماری سوچ ہے کہ ملک سے نا امیدی ختم کی جائے۔پاکستان کے 24کروڑ عوام صرف ایک قوم پاکستانی قوم بنیں۔ کراچی میں موجودہ حالات میں بھی انہوں نے شاہی سید سے گفتگو کی اور ان کی ہمیشہ کوشش رہی ہے کہ کہیں بھی تصادم کی فضاء نہ ہو۔ متعدد جماعتیں کام کر رہی ہیں۔ لیکن اسوقت ڈاکٹر عشرت العباد کی ضرورت پورے پاکستان کو ہے انکی سیاسی جماعت ریاست کو مضبوط کرے گی۔ وہ
Intrelectuaal اور تجربہ کار سیاست داں ہیں جنکی تمام معاملات پر گہری نظر ہے۔ پارٹی کی جلد لانچنگ ہوگی۔ منشور اور دیگر تیاریاں جاری ہیں پری لانچنگ میں ہی پورے ملک سے بہترین رسپانس ملا ہے۔ گراس روٹ کے لیول کے لوگوں کو اوپر لانا ہے۔ سیاسی جماعتیں صرف دعووی کرتی ہیں اپنے منشور کو اقتدار میں آکر بھول جاتی ہیں۔ ہم وہ دعوی ہی نہیں کرینگے جو کر نا سکتے ہوں۔ ہمیں ان لوگوں کو موقع دینا ہے جو لوگوں کو کندھے پر اٹھا کر لیڈر بناتے ہیں۔ ون میں شو کے بجائے ورکرز کو اہمیت دینا ہمارے لیڈر کی سوچ ہے۔ ایک سال سے ہم جدوجہد کر رہے ہیں۔پاکستان کے تمام ادارے قابل احترام ہیں ہم ریاست اور اداروں کی عزت کو ترجیح دیتے ہیں ہماری جماعت گراس روٹ لیول سے کام کر رہی ہے۔ عوام کے بغیر کوئی تحریک کامیاب نہیں ہوتی۔ اسی ماہ ڈاکٹر عشرت العباد پاکستان آئیں گے۔ پارٹی بھی لانچ کریں گے۔ میری پہچان پاکستان مقبولیت حاصل کرچکی ہے۔ اسلام آؓباد میں ہم نے بڑے بڑے پروگرام کئے ہیں۔ چھ ستمبر کو بہت بڑا پروگرام کیا۔ یوم آزادی۔کشمیر ڈے اور متعدد پروگرام میں عوام کی پزیرائی نے MPPکی جڑوں کی مضبوطی کا ثبوت دیا۔ چیمبر آف کامرس، تاجر برادری کوئی شعبہ ایسا نہیں جہاں ہمارا کام نہ ہو اور انکی سپورٹ ہمارے ساتھ ہے۔ اسلام آباد میں ہم بہت مضبوط ہیں۔ پنجاب میں ملتان، چیچا وطنی، ساہیوال، خانیوال، بہاولپور، سمیت متعدد شہروں میں ہمارا شاندار استقبال کیا گیا پورے کے پورے گاؤں ہمارے ساتھ شامل ہوگئے۔ ڈاکٹر عشرت العباد مضبوط کردار اور بہترین سوچ اور ملک کے لئے ترقی اور عوام کو صحیح معنوں میں انکے حق اور ملک سے مایوسی کے خاتمے کے لئے سرگرداں ہیں۔ انکی جلد آمد ہے اور ملک میں ایک ایسی پارٹی قائم ہوگی جس سے بڑی بڑی شخصیات جڑیں گی اور ملک میں روزگار کے وسائل اور نوجوانوں کے احساس محرومی کے خاتمے کے لئے عملی کام ہوگا۔ پاکستان ہماری ریڈ لائن ہے اور ہم منفی سوچ ملک دشمن قوتوں کے خلاف محب وطن جماعت کی حیثیت سے ملک کا امیج بڑھانے کے لئے کلیدی کردار ادا کرنے کے لئے میدان میں اتریں گے۔
۔۔۔۔۔۔۔۔۔۔۔۔۔۔
