لاہور24 فروری: صوبائی وزیر اقلیتی امور، رمیش سنگھ اروڑہ نے اپنے کیمپ آفس میں پاکستان میں فرانسیسی سفیر، نکولس گلیے سے ملاقات کی۔ملاقات کا مقصد پاکستان اور فرانس کے درمیان دوطرفہ تعلقات کو مزید مستحکم کرنا تھا، خاص طور پر مذہبی اقلیتوں، تعلیم اور ثقافتی تبادلوں میں تعاون پر زور دیا گیا۔
ملاقات کے دوران دونوں جانب سے پنجاب میں مذہبی اقلیتوں کے تحفظ اور فلاح و بہبود کے حوالے سے اہم شعبوں پر تبادلہ خیال کیا گیا۔ رمیش سنگھ اروڑہ نے صوبے میں مذہبی رواداری، امن اور ہم آہنگی کو فروغ دینے کے حوالے سے حکومت کے عزم کا اظہار کیا اور فرانس جیسے بین الاقوامی شراکت داروں کی مسلسل حمایت پر ان کا شکریہ ادا کیا۔
صوبائی وزیر نے فرانسیسی سفیر کو صوبائی حکومت کے اقلیتی شناختی کارڈز کے اجرا کے بارے میں آگاہ کیا کہ پنجاب میں مذہبی اقلیتوں کے حقوق کے تحفظ کو یقینی بنایا جا رہا ہے۔ انہوں نے مذہبی اقلیتوں کی فلاح کے لیے مختلف اقدامات، مالی امداد، صحت کی سہولتیں اور کمیونٹی ڈویلپمنٹ پروگرام بارے بتایا کہ کسطرح مذہبی اقلیتوں کی زندگی کے معیار کو بہتر بنانے کے لیے کام کر رہے ہیں۔
وزیر نے صوبے میں اقلیتی طلباء کے لیے اسکالرشپ پروگرامز کی تفصیلات بھی شیئر کیں، جن کا مقصد تعلیمی مواقع کو بڑھانا ہے۔ انہوں نے کہا کہ صوبائی حکومت اقلیتی طلباء کو اعلیٰ تعلیم کے اداروں میں مالی مدد فراہم کرنے کے لیے پرعزم ہے۔
دونوں فریقوں نے پنجاب میں مذہبی سیاحت کے فروغ کے امکانات پر بھی بات کی، خاص طور پر سکھ کمیونٹی کی دنیا بھر سے پاکستان آمد پر ۔ مذہبی سیاحت کو ثقافتی تبادلے، اقتصادی ترقی اور مختلف کمیونٹیوں کے درمیان باہمی احترام بڑھانے کے ایک ذریعہ کے طور پر فروغ دینے کی اہمیت پر بھی زور دیا ۔ انہوں نے یقین دلایا کہ صوبائی حکومت پنجاب میں اقلیتی برادری کی زندگیوں کو بلند کرنے کے لیے محنت سے کام کرتی رہے گی اور بین الاقوامی اتحادیوں کے ساتھ مل کر ان اہداف کو حاصل کرنے کے لیے تعاون جاری رکھے گی۔
فرانسیسی سفیر نکولس گلیے نے وزیر اعلیٰ پنجاب مریم نواز کی زیر قیادت صوبائی حکومت کی مذہبی اقلیتوں کے لیے فلاحی اقدامات کی تعریف کی۔ انہوں نے پاکستان کی استحکام اور ترقی کے لیے فرانس کی حمایت کا عہد کیا اور شراکت داری اور تعاون کے ذریعے پاکستان کی مدد کرنے کی خواہش کا اظہار کیا۔ ملاقات کے اختتام پر وزیر رمیش سنگھ اروڑہ نے فرانسیسی سفیر کو ایک یادگاری شیلڈ پیش کی۔
=========================
ضلع نارووال میں مسیحی کمیونٹی میں اقلیتی کارڈزکی تقسیم
وفاقی وزیر احسن اقبال اور صوبائی وزیر رمیش سنگھ اروڑہ کی خصوصی شرکت
لاہور 23فروری::وزیراعلی پنجاب مریم نوازشریف کی ہدایت پر ضلع نارووال میں محکمہ انسانی حقوق واقلیتی امور کے زیر اہتمام سپورٹس جمنیزیم میں مسیحی کمیونٹی میں اقلیتی کارڈزکی تقسیم کے حوالے سے تقریب کا انعقاد کیا گیا۔ تقریب میں 2785 خاندانوں میں اقلیتی کارڈ کی تقسیم کیے گئے جبکہ صوبائی وزیراقلیتی امورپنجاب سرداررمیش سنگھ اروڑہ اور وفاقی وزیرمنصوبہ بندی وپلاننگ پروفیسراحسن اقبال چودھری نے بطورمہمان خصوصی شرکت کی۔ تقریب سے خطاب کرتے ہوئے صوبائی وزیررمیش سنگھ اروڑہ
نے کہا کہ وزیراعلی پنجاب مریم نوازشریف کی طرف سے صوبہ بھرمیں اقلیتی کارڈکی تقسیم کاسلسلہ شروع کیاجارہاہے،اقلیتی کارڈکااجراء وزیراعلی پنجاب کانہایت احسن قدام ہےجس سے غربت ختم ہونےمیں بڑی مدد ملےگی۔پروگرام کے تحت ضلع نارووال میں مجموعی طورپر 2785 اقلیتی کارڈ جاری کیے جارہے ہیں جس کے لیے تقریباً 6ہزارکے قریب درخواستیں موصول ہوئیں جن میں میرٹ کے مطابق 2785 اہل امیدواران میں اقلیتی کارڈ تقسیم کیے جارہے ہیں۔انہوں نے کہاکہ وزیراعلی مریم نوازشریف پنجاب کی عوام کی مشکلات سے بخوبی آگاہ ہیں اوریہی وجہ ہے کہ پہلے کسان کارڈ پھرلائیوسٹاک کارڈاوراب اقلیتی کارڈکااجراء کرکے پنجاب کی عوام کی دل جیت لیے ہیں۔ تقریب سے خطاب کرتے ہوئے وفاقی وزیرمنصوبہ بندی احسن اقبال نےکہاکہ پاکستان مسلم لیگ(ن)کی حکومت عوام دوست حکومت ہے جس نے ہمیشہ عوام کی فلاح کے لیے کام کیاہے،لوگوں کی خدمت ہماری حکومت کانصب العین ہے،جس سے ہمیں کوئی نہیں روک سکتا،ملک کی ترقی اورخوشحالی سے وابستہ مستقبل صرف اورصرف پی ایم ایل ن سے جڑاہواہے۔انہوں نے کہاکہ پاکستان مسلم لیگ ن کی حکومت عملی طورپرکرنے پریقین رکھتی ہے،عوام کی فلاح وبہبوداوران کی مشکلات کامداوہ ہماری اولین ترجیح ہے۔ تقریب کے اختتام پر وفاقی وزیرمنصوبہ بندی پروفیسراحسن اقبال،خواجہ محمدوسیم بٹ اور صوبائی وزیراقلیتی امورسرداررمیشن سنگھ اروڑہ نے مسیحی کمیونٹی کے افرادمیں اقلیتی کارڈ تقسیم کیے۔
